Kanaletes fəvvarəsi (ispan: Fuente de Canaletas) — İspaniyanın Barselona şəhərinin mərkəzi küçəsi olan Ramblanın yuxarı hissəsində yerləşən fəvvarə.
| Kanaletes fəvvarəsi | |
|---|---|
 | |
 | |
| 41°23′07″ şm. e. 2°10′12″ ş. u.HGYO | |
| Ölkə | |
| Material | Çuqun |
 Vikianbarda əlaqəli mediafayllar | |
Bu fəvvarə XIX əsrin 30-cu illərdən bəri Barselona FK-nın futbol matçlarından sonra klub azarkeşlərinin toplaşdığı "sevimli məkan" sayılır.[1] Həmin dövrdə azarkeşlər şəhərin idman qəzeti olan "La Rambla"nın redaksiyasından nəticələri öyrənmək üçün məhz bu fəvvarənin qarşısına toplaşırdılar. Redaksiyanın girişindəki lövhədə həmin günün oyun nəticələri yazılırdı.[mənbə göstərilməlidir]
Ənənəyə görə, Kanaletes fəvvarəsindən su içən şəxs Barselonaya geri dönəcək. Fəvvarənin adı şəhərin şimal divarından (XIV əsrə aid) götürülüb.
Fəvvarənin yaranma tarixi XVIII əsrə aiddir. Lakin XIX əsrdə Barselonanın qala divarları söküləndə, fəvvarə də dağıdıldı.
1888-ci ildə Barselona Şəhər Şurası həmin yerdə yeni fəvvarənin inşasına qərar verdi. Bu fəvvarə şəhərin dörd müxtəlif yerində quraşdırılması planlaşdırılan lampa-fəvvarə layihəsinin bir hissəsi idi. Daha sonra layihə genişləndirildi və ümumilikdə on dörd fəvvarə inşa olundu. Beləliklə, hazırki Kanaletes fəvvarəsi isə 1892-ci ildə inşa edilmişdir.[2]
- ↑ "Font de Canaletes (Barcelona – La Rambla – Barcelonès)". Poblesdecatalunya.cat. 2016-09-15 tarixində arxivləşdirilib. İstifadə tarixi: 2025-05-16.
- ↑ Ricard Bru Turull, Fuente de Canaletas