Vikipediya ?

Kamil Nəcəfzadə

Kamil Nəcəfzadə (tam adı: Kamil Nəcəf oğlu Nəcəfzadə; 29 dekabr 192929 iyun 2011) — Azərbaycan SSR xalq rəssamı, iki dəfə Dövlət mükafatı, "Şöhrət" ordeni laureatı, Azərbaycan Kinematoqrafçılar İttifaqının və Rəssamlar İttifaqqının üzvü.

Kamil Nəcəfzadə
Kamil Nəcəf oğlu Nəcəfzadə
Fotoqrafiya
Doğum tarixi 29 dekabr 1929(1929-12-29)
Doğum yeri Lənkəran, Zaqafqaziya SFSR, SSRİ
Vəfat tarixi 29 iyun 2011 (81 yaşında)
Fəaliyyəti rəssam
Təhsili
Mükafatları Azərbaycan SSR dövlət mükafatı Azərbaycan SSR dövlət mükafatı
"Şöhrət" ordeni (Azərbaycan)

Mündəricat

Həyatı

Kamil Nəcəf oğlu Nəcəfzadə 29 dekabr 1929-cu ildə Lənkəran şəhərində doğulub.

1948-ci ildə Ə. Əzimzadə adına Rəssamlıq məktəbini bitirdikdən sonra təhsilini Moskvada Ümumittifaq Dövlət Kinematoqrafiya İnstitutunda davam etdirir.

1955-ci ildən təhsilini bitirərək Bakıya qayıdır və "Azərbaycanfilm" kinostudiyasında quruluşçu rəssam kimi fəaliyyətə başlayır.

Kamil Nəcəfzadə kinofilmlərə verdiyi tərtibatlarla yanaşı, rəngkarlıq, qrafika və eləcə də teatr sənətində də öz sözünü demişdir.

1964-cü ildə Azərbaycan Milli Dram Teatrının səhnəsində Hüseyn Cavidin "Knyaz", 1974-cü ildə S. Vurğun adına Rus Dram Teatrının səhnəsində Səməd Vurğunun "Fərhad və Şirin" tamaşalarını göstərmək olar.

O, respublikamızda və xaricdə keçirilən bir çox rəssamlıq sərgilərinin iştirakçısı, fərdi sərgilərin müəllifidir.

Kamil Nəcəf oğlu Nəcəfzadə 29 iyun 2011-ci ildə vəfat etmişdir.

Mükafatları

  • Çeçen-İnquş Respublikasının əməkdar incəsənət xadimi — 1964
  • Azərbaycan SSR əməkdar rəssamı — 23.12.1976
  • Azərbaycan SSR xalq rəssamı — 1987
  • Dövlət Mükafatı laureatı — iki dəfə

Barəsində

Azərbaycan Televiziyası tərəfindən onun yaradıcılığına həsr edilmiş "Rənglərdə yaşayan kino" adlı 38 dəqiqəlik veriliş istehsal edilmiş və 6 yanvar 2009-cu ildə AzTV-də efirə getmişdir. 2014-cü ildə Azərbaycan Televiziyasında ilk dəfə "Ağ kətanın sehri... Kamil Nəcəfzadə" sənədli filmi ekranlarda çıxdı.

Filmoqrafiya

İstinadlar

  1. Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
  2. "2010-2011-ci illərdə dünyasını dəyişən kino işçiləri". Azərbaycan Respublikası Mədəniyyət və Turizm Nazirliyi. Dövlət Film Fondu. Kino-Bülleten. IV buraxılış. Bakı: Apostroff, 2011.
  3. anl.az saytı

Mənbə

  • “"Uzaq sahillərdə" ekranda” [Filmin quruluşçu rejissoru Tofiq Tağızadə yoldaşla müxbirimizin müsahibəsi] //Kommunist.- 1958.- 13 avqust.
  • Ağamirov, A. “Uzaq sahillərdə” //Kommunist.- 1958.- 19 avqust.
  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 5.
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.
  • “Qəlblərdə yaşayacaq rəssam” //Mədəniyyət.- 2011.- 1 iyul.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18