Kamil Məmmədov (general)
Kamil Məmmədov (azərb. Məmmədov Kamil İsmayıl oğlu; 4 fevral 1942, Quba – 14 iyul 2023) — general[1]
| Kamil Məmmədov | |
|---|---|
| azərb. Məmmədov Kamil İsmayıl oğlu | |
| Şəxsi məlumatlar | |
| Doğum tarixi | |
| Doğum yeri | Quba |
| Vəfat tarixi | (81 yaşında) |
| Hərbi fəaliyyəti | |
| Rütbəsi | general |
Kamil Məmmədov 4 fevral 1942-ci ildə Quba şəhərinin Müxtədir küçəsindəki 45 nömrəli evdə doğulmuşdur. 1 nömrəli şəhər orta məktəbini bitirmişdir. 1959-cu ildə Qubadakı kənd təsərrüfatı texnikumuna daxil olmuş, tərəvəzçi ixtisası üzrə texnikumu bitirmişdir.[1]
12 noyabr 1963-cü ildə hərbi xidmətə çağırılmış, üç il Brest şəhərindəki artilleriya alayında xidmət etmişdir. Üçillik Tambov şəhərindəki hərbi artilleriya məktəbini 1967-ci ildə leytenant rütbəsi ilə bitirmişdir. Hərbi məktəbi əla qiymətlərə bitirdiyinə görə Almaniya Demokratik Respublikasına göndərilmişdir.[1]
1973-cü ilə kimi orada xidmət etmişdir. 1973-cü ildə baş leytenant rütbəsində baş qərargahın arxa cəbhə və Nəqliyyat Akademiyasına imtahan verib qəbul olunmuşdur. 1976-cı ildə akademiyanı mayor rütbəsində bitirmiş, Ukraynaya diviziya komandirinin müavini vəzifəsinə göndərilmişdir.[1]
Kamil Məmmədova 1979-cu ildə podpolkovnik rütbəsi verilmişdir.[1]
1982–1983-cü ildə Orta Asiyada korpus komandirinin müavini işləmiş, 1983-cü il oktyabrın 19-da Əfqanıstana korpus komandirinin məsləhətçisi göndərilmişdir. İki il iki ay dörd gün Əfqanıstanda xidmət etmişdir. 1986-cı ilin yanvarında xidmət yeri Leninqrada dəyişdirilmişdir. Leninqrad hərbi dairəsində ordu komandanının müavini təyin edilmişdir. SSRİ Nazirlər Sovetinin 1989-cu il bir noyabr tarixli qərarı ilə general-mayor rütbəsi ilə təltif olunmuşdur.[1]
Baş Qərargah Akademiyasında çalışmışdır.[1]
Atası İsmayıl Məmmədtağıoğlu "Kommunizm yolu" kolxozunda dəmirçi işləmişdir.[1]
Elmar Məmmədov adlı bir oğlu var. Moskvadakı Suvorov adına hərbi məktəb 1982-ci ildə əla qiymətlərlə bitirib. Daha sonra RSFSR adına Ali hərbi məktəbə daxil olmuşdur. 1986-cı ildə leytenant rütbəsində ən uzaq N. qarnizonuna xidmətə göndərilmişdir.[1]