Kametaro Toyama (外山亀太郎, Toyama Kametaro?, 23 oktyabr 1867 – 29 mart 1918, Akasaka-ku[d]) – Yaponiya genetiki və zooloqu. Baramaçılıq sahəsindəki fəaliyyətinə görə tanınır. Mendelizmi Yaponiyada populyarlaşdıran şəxs hesab olunur.
| Kametaro Toyama | |
|---|---|
 | |
| Doğum tarixi | 23 oktyabr 1867 |
| Vəfat tarixi | 29 mart 1918 (50 yaşında) |
| Vəfat yeri | |
| Elm sahələri | Genetika, Baramaçılıq |
| İş yeri |
|
 Vikianbarda əlaqəli mediafayllar | |
Kametaro Toyama 1867-ci ildə Yaponiyanın Kanaqava prefekturasının ərazisində doğulmuşdur.[1] O, 1885-ci ildə Tokio Ali Kənd və Meşə Təsərrüfatı Məktəbinə[a] daxil olmuş, 1892-ci ilin iyulunda məzun olmuşdur.[2] 1896-cı ildə Fukuşima prefekturasında baramaçılıq məktəbinin başçısı təyin olunmuşdur.[1] Tokioya qayıtmazdan qabaq Yaponiya Kənd Təsərrüfatı Cəmiyyətində və Yaponiya Baramaçılıq Cəmiyyətində vəzifələr tutmuşdur.[2]
7 fevral 1902-ci ildə Bungimaru gəmisi ilə Siama doğru yola düşmüşdür.[2] Siam kralı Çulalonqkorn onu Siam Kənd Təsərrüfatı Nazirliyinin nəzdində olan Baramçılıq Bürosunun baş mütəxəssisi təyin etmişdir.[2] O, 1905-ci ilin martında Yaponiyaya qayıtmışdır. 1905-ci ilin sentyabrında Tokio Universitetinin Kənd Təsərrüfatı Kollecində işləməyə başlamış və 1908-ci ildə kollecin professoru olmuşdur.[2] 1910-cu ildə Yaponiya hökuməti tərəfindən baramaçılıq islahatları üçün İstehsal Sorğusu Komitəsinə dəvət olunmuşdur.[2]
Toyama tədbiqi yevgenika sahəsindəki araşdırmalarına və təcrübələrinə görə tanınır.[1] O, İşikava Çiyomatsunun himayəsi altında Tokyo Universitetinin Kənd Təsərrüfatı Kollecinin Zoologiya İnstitutunda ipəkqurdu spermatozoidinin inkişafını araşdırmış və "İpəkqurdu spermatozoidi haqqında" adlı dissertasiya işini tamamlamışdır.[2] Siamda olarkən yerli ipəkqurdu növlərini araşdırmış və irsiyyətin xromosom nəzəriyyəsini inkişaf etdirmişdir.[2] 1898–99-cu illərdə temperaturla baramaçılıq arasında əlaqə, ipəkqurdu yumurtalarının inkubasiyası, sürfə xəstəlikləri haqqında elmi işlər yazmışdır.[2] 1906-cı ildə "Həşəratların hibridologiyası haqqında araşdırmalar" adlı dissertasiya işi tamamlamışdır.[2]
Toyama ipəkqurdu cinsləri üzərində işləyərkən Mendel qanunlarının cücülərə tətbiq olunduğunu kəşf etmişdir.[1] O, mendelizmin yevgenika sahəsində tətbiqini dəstəkləmişdir.[1]
- ↑ Daha sonra Tokio Universitetinin Kənd Təsərrüfatı Kolleci.
- ↑ 1 2 3 4 5 Kodansha Encyclopedia of Japan
- ↑ 1 2 3 4 5 6 7 8 9 10 Onaga, Lisa. "Toyama Kametaro and Vernon Kellogg: Silkworm Inheritance Experiments in Japan, Siam, and the United States, 1900-1912". Journal of the History of Biology (ingiliscə). 43 (2). yay 2010: 215–264. 2022-09-05 tarixində arxivləşdirilib. İstifadə tarixi: 5 sentyabr 2022.
- Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 88. ISBN 0-87011-628-2. İstifadə tarixi: 5 sentyabr 2022.