Kamal Cəfərov (deputat)
Kamal Xaqani oğlu Cəfərov (15 dekabr 1989[1], Bakı) — Azərbaycan Respublikası Milli Məclisinin VI və VII çağırış deputatı, YAP İdarə Heyətinin üzvü, Baş Prokurorluğun Anti-Korrupsiya Təlim Mərkəzinin rəhbəri[2]
| Kamal Cəfərov | |
|---|---|
 | |
Vəzifədədir | |
| 10 mart 2020-ci ildən | |
| Şəxsi məlumatlar | |
| Doğum adı | Kamal Xaqani oğlu Cəfərov |
| Doğum tarixi | 15 dekabr 1989[1] (35 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
|
|
|
| Təltifləri |
 |
Kamal Cəfərov 1989-cu il 15 dekabr tarixində Bakı şəhərində anadan olub. 2007-2011-ci illərdə Bakı Dövlət Universitetinin Hüquq fakültəsinin bakalavr pilləsini, 2011-2012-ci illərdə Böyük Britaniyanın London Kral Kollecində (King's College London) Beynəlxalq vergi hüququ üzrə magistr pilləsini və 2014-2016-ci illərdə mərkəzi Avstriyada yerləşən Beynəlxalq Antikorrupsiya Akademiyasının "Antikorrupsiya elmləri üzrə" magistr proqramını fərqlənmə ilə bitirib.[3]
K.Сəfərov Çirkli Pulların Yuyulmasına Qarşı Mübarizə üzrə Sertifikatlaşdırılmış Ekspertlər Assosiasiyasının (ACAMS) müvafiq imtahanını keçərərək çirkli pulların yuyulmasına qarşı mübarizə üzrə beynəlxalq ekspert sertifikatına layiq görülmüşdür.[3]
Amerika Birləşmiş Ştatlarının Mərkəzi Texas Kollecində "Amerika hüquq sisteminə giriş" proqramını bitirib.[4]
İngilis, fransız və rus dillərini bilir.
2013–2014-cü illərdə hərbi xidmət keçib. Evlidir, bir övladı var.
2012–2013-cü illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) hüquq şöbəsində məsləhətçi vəzifələrində işləyib.
2014–2016-cı illərdə Korrupsiyaya qarşı mübarizə üzrə Komissiyanın Katibliyinin böyük məsləhətçisi və Komissiya yanında Qanunvericiliyin təkmilləşdirilməsi üzrə İşçi Qrupun katibi işləyib.
2016–2020-ci illərdə Korrupsiyaya qarşı mübarizə üzrə Komissiyanın Katibliyin Rəisi vəzifəsində çalışıb.
2020-ci il 9 fevral tarixində keçirilən Azərbaycan Respublikası Milli Məclisinin VI çağırış deputat seçkilərində Yeni Azərbaycan Partiyasının namizədi olaraq 63 saylı Sabirabad 1-ci Seçki Dairəsindən və Azərbaycan Milli Məclisinin 1 sentyabr 2024-cü ildə növbədənkənar keçirilmiş seçkilərində 68 saylı Sabirabad - Şirvan Seçki Dairəsindən deputat seçilmişdir. [5]
Hüquq siyasəti və dövlət quruculuğu və Müdafiə, təhlükəsizlik və korrupsiya ilə mübarizə komitələrin üzvüdür.
2020-ci ildən Azərbaycan - Belçika parlamentlərarası əlaqələr üzrə işçi qrupunun rəhbəridir. [6] Bundan əlavə, o, Milli Məclisin İntizam Komissiyasının katibi və komissiyanın fəaliyyətini gücləndirmək üçün yaradılan İşçi Qrupun rəhbəridir.[7][8]
2024-cü il fevralın 7-nə təyin edilmiş növbədənkənar Azərbaycan Respublikası Prezidenti seçkilərində YAP tərəfindən Azərbaycan Respublikasının Mərkəzi Seçki Komissiyasına məşvərətçi səs hüquqlu üzv təyin edilib.[9]
Kamal Cəfərov Azərbaycanın Avropa Şurası Parlament Assambleyasındakı (AŞPA) nümayəndə heyətinin sədrinin müavinidir.[10] Kamal Cəfərov 2022-2023-cü illərdə AŞPA-nın İnsan hüquqları Komitəsinin sədri və Avropa İnsan Hüquqları Məhkəməsinə Hakimlərin Seçki Komitəsinin üzvü olmuşdur.[11][12]
2015–2020-ci illərdə Avropa Şurasının Şərq tərəfdaşlığı proqramı çərçivəsində "Yaxşı idarəçilik və korrupsiyaya qarşı Mübarizə" layihəsinin Milli koordinatoru olub. 2017–2020-ci illərdə Avropa Şurasının Korrupsiyaya qarşı Dövlətlə Qrupunda (GRECO) Azərbaycanın nümayəndə heyətinə rəhbərlik edib.[13] Kamal Cəfərov QREKO tərəfindən ölkəmizə verilən tövsiyələrin icrası, anti-korrupsiya qanunvericiliyinin təkmilləşdirilməsində fəal iştirak etmiş, eyni zamanda bir sıra ölkələrin qiymətləndirmələrində iştirak etmişdir.
Kamal Cəfərov 2015–2020-ci illərdə BMT-nin "Korrupsiya əleyhinə Konvesiyası"nın icrası üzrə Milli əlaqələndiricisi olub. Birləşmiş Millətlər Təşkilatının Korrupsiya Əleyhinə Konvensiyasının ölkəmiz tərəfindən 2-ci monitorinq mərəhələsi üzrə implementasiyası və onun dəyərləndirilməsi prosesinə rəhbərlik edib.
Kamal Cəfərov Avropa Hüquqşünas Tələbələr Assosiasiyası (ELSA) Azərbaycan nümayəndəliyinin təsisçisi olub. 2011–2013-cü illərdə Azərbaycan Hüquqşünaslar Konfederasiyasının Baş katibi olub.[14][15]
- ↑ 1 2 Kamal JAFAROV // https://pace.coe.int/en/members/8288.
- ↑ "Arxivlənmiş surət". 2021-06-24 tarixində arxivləşdirilib. İstifadə tarixi: 2021-06-18.
- ↑ 1 2 "Arxivlənmiş surət". 2019-08-22 tarixində orijinalından arxivləşdirilib. İstifadə tarixi: 2019-08-22.
- ↑ "Arxivlənmiş surət". 2019-08-22 tarixində orijinalından arxivləşdirilib. İstifadə tarixi: 2019-08-22.
- ↑ "VII çağırış Milli Məclisin deputatları - SİYAHI". Report İnformasiya Agentliyi (az.). 2024-09-20. 2024-09-21 tarixində arxivləşdirilib. İstifadə tarixi: 2024-11-30.
- ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
- ↑ "Arxivlənmiş surət". 2021-10-19 tarixində arxivləşdirilib. İstifadə tarixi: 2020-04-29.
- ↑ "Eldar İbrahimov Milli Məclisin İntizam komissiyasının sədri seçilib". Apa.az (az.). İstifadə tarixi: 2025-02-03.
- ↑ Crocusoft. "E-QANUN". e-qanun.az (ingilis). İstifadə tarixi: 2025-08-18.
- ↑ "Arxivlənmiş surət". 2020-09-21 tarixində orijinalından arxivləşdirilib. İstifadə tarixi: 2020-04-29.
- ↑ "Arxivlənmiş surət". 2022-07-15 tarixində arxivləşdirilib. İstifadə tarixi: 2022-07-08.
- ↑ "Arxivlənmiş surət". 2022-07-14 tarixində arxivləşdirilib. İstifadə tarixi: 2022-07-08.
- ↑ "Arxivlənmiş surət". 2019-08-23 tarixində arxivləşdirilib. İstifadə tarixi: 2019-08-22.
- ↑ "Arxivlənmiş surət". 2019-08-22 tarixində arxivləşdirilib. İstifadə tarixi: 2019-08-22.
- ↑ "Arxivlənmiş surət". 2019-08-22 tarixində arxivləşdirilib. İstifadə tarixi: 2019-08-22.