Kamal İbrahimov
Bu məqalənin ensiklopedik tələblərə cavab vermədiyinə dair şübhələr var. |
Kamal İbrahimov (29 noyabr 1973, Bakı, Azərbaycan SSR, SSRİ) — "Baku Steel Company" QSC-nin Baş direktoru, "Qala Həyat Sığorta" ASC və "Qala Sığorta" ASC-nin Direktorlar Şurasının sədri, iqtisad elmləri namizədidir.[1]
| Kamal İbrahimov | |
|---|---|
| Kamal Mirsahib oğlu İbrahimov | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı | Azərbaycan Respublikası |
| Milliyyəti | Azərbaycanlı |
| Təhsili | Azərbaycan Dövlət İqtisad Universiteti |
| Fəaliyyət illəri | 1995- davam edir |
Kamal İbrahimov 29 noyabr 1973-cü ildə Bakı şəhərində anadan olub. Atası Mirsahib İbrahimov, anası isə Səadət Qəndilovadır.[2] Ailəlidir, üç övladı var.
1980-1990-cı illərdə Bakı şəhəri, 134 saylı orta məktəbdə təhsil alıb və təhsilini gümüş medalla başa vurub. 1990–1995-ci illərdə Azərbaycan Dövlət İqtisad Universitetinin (ADİU) "İstehsalın iqtisadiyyatı və idarə edilməsi" fakültəsində ali təhsil alıb, universiteti fərqlənmə diplomu ilə bitirib. 1995-1999-cu illərdə ADİU-da aspirantura pilləsi üzrə təhsil alıb, 2000-ci ildə dissertasiya müdafiə edərək İqtisad üzrə fəlsəfə doktoru elmi dərəcəsinə yüksəlib. 2016-cı ildən ADİU-nun "Maliyyə və maliyyə institutları" kafedrasında Elmlər doktoru proqramı üzrə doktorantura təhsili alıb.[3]
1995-1997-ci illərdə Bakı şəhəri, Yasamal rayonu üzrə Dövlət Vergi Müfəttişliyində dövlət vergi müfəttişi vəzifəsində çalışıb.
1997-2000-ci illərdə Baş Dövlət Vergi Müfəttişliyinin İri Vergi Ödəyiciləri ilə İş üzrə İdarəsində dövlət vergi müfəttişi, daha sonra böyük dövlət vergi müfəttişi vəzifələrində işləyib. 2000-ci ildə Azərbaycan Respublikası Vergilər Nazirliyinin İri Vergi Ödəyiciləri və Xüsusi Vergi Rejimli Müəssisələrlə İş üzrə Baş İdarəsinin Vergiyə cəlbetmə şöbəsinin böyük dövlət vergi müfəttişi olub.
2000–2003-cü illərdə Azərbaycan Respublikasının Prezidenti yanında Qiymətli Kağızlar üzrə Dövlət Komitəsinin Qiymətli kağızlarla əməliyyatların tənzimlənməsi və nəzarəti şöbəsinin, daha sonra Hüquq departamentinin rəisi vəzifələrində çalışıb.
2003-2014-cü illərdə "Standard İnsurance" ASC-nin İdarə Heyətinin sədri olub. 2006-2008-ci illərdə Azərbaycan Sığortaçılar Assosiasiyasının (ASA) Müşahidə Şurasının sədri kimi fəaliyyət göstərib.[4][5] 2011-2014-cü illərdə İcbari Sığorta Bürosunun Himayəçilər Şurasının sədri olub.
2014-2016-cı illərdə "Standard Insurance" ASC-nin Direktorlar Şurasının sədri və "Bank Standard" QSC-nin Müşahidə Şurasının sədri kimi çalışıb.[6]
2016-cı ildən "Qala Həyat Sığorta" ASC və "Qala Sığorta" ASC-nin Direktorlar Şurasının sədri kimi fəaliyyət göstərir.[7]
2021-ci ildən "Baku Steel Company" QSC-nin Baş direktorudur.[8][9][10]
- ↑ ""Baku Steel Company"nin baş direktoru vəzifəsinə təyin edilib". marja.az. 2021. 2022-09-01 tarixində arxivləşdirilib. İstifadə tarixi: 2 İyun 2022.
- ↑ "Azərbaycan Dövlət İqtisad Universitetinin əməkdaşlarının təltif edilməsi haqqında Azərbaycan Respublikası Prezidentinin 26 sentyabr 2011-ci il tarixli Sərəncamı" (az.). president.az. 26 sentyabr 2011, 18:40. 2021-05-11 tarixində arxivləşdirilib. İstifadə tarixi: 2015-06-11.
- ↑ UNEC. "Graduated Students". unec.edu.az. 2020. 2022-03-03 tarixində arxivləşdirilib. İstifadə tarixi: 6 iyun 2022.
- ↑ ""Conduction of international insurance forum in Baku proves interest of investors in our insurance market"". www.today.az. 2008. 2023-07-23 tarixində arxivləşdirilib. İstifadə tarixi: 1 İyun 2022.
- ↑ "I Azərbaycan Beynəlxalq Sığorta Forumu sığorta bazarını dəyişəcək - Sığorta Assosiasiyası idarə heyətinin sədri Kamal İbrahimov". az.trend.az. 2008. 2022-06-07 tarixində arxivləşdirilib. İstifadə tarixi: 1 İyun 2022.
- ↑ "Azərbaycan Sığortaçılar Assosiasiyası hər il Beynəlxalq Sığorta Forumu keçirməyi planlaşdırır– İdarə Heyətinin sədri". az.trend.az. 2008. 2022-06-07 tarixində arxivləşdirilib. İstifadə tarixi: 1 İyun 2022.
- ↑ ""Qala"ların rəhbərinə vəzifə verildi - TƏYİNAT". fed.az. 9 fevral 2021. 2021-02-10 tarixində arxivləşdirilib. İstifadə tarixi: 6 iyun 2022.
- ↑ "Management". www.bakusteel.com. 2021. 2021-10-07 tarixində arxivləşdirilib. İstifadə tarixi: 1 İyun 2022.
- ↑ ""Baku Steel Company" 140-dan artıq müharibə iştirakçısına xatirə hədiyyələri təqdim edib". report.az. 6 noyabr 2021. 2022-06-07 tarixində arxivləşdirilib. İstifadə tarixi: 6 iyun 2022.
- ↑ ""Baku Steel Company" 140-dan çox müharibə iştirakçısına xatirə hədiyyələri təqdim edib". oxu.az. 6 noyabr 2022. 2022-06-07 tarixində arxivləşdirilib. İstifadə tarixi: 6 iyun 2022.