Kalmar kralı (イカキング, İka Kinqu?) — Yaponiyanın İşikava prefekturasının Noto qəsəbəsində yerləşən Sakit okean kalmarı heykəli. Heykəl qəsəbənin balıqçılıq sənayesini tanıtmaq və turizmi gücləndirmək məqsədilə yaradılsa da, COVID-19 pandemiyası üçün ayrılan büdcənin pulu ilə hazırlandığı üçün tənqid olunmuşdur. Şəhər rəhbərliyinin məlumatına görə heykəl şəhərə gələn turistlərin sayını artırmışdır.
| Kalmar kralı | |
|---|---|
 "Kalmar kralı" 2024-cü ildə. | |
 | |
| Ölkə | |
| Tikilib | mart 2021 |
| Hündürlüyü | 4 m |
"Kalmar kralı" "nəhəng" ölçülü,[1][2] ağ və çəhrayı[1] rəngli Sakit okean kalmarının (Todarodes pacificus) lifli plastikdən hazırlanmış heykəlidir.[2][3] Heykəl 13 metr uzunluğunda,[1] 4 metr hündürlüyündə,[2] 9 metr genişliyində[4] və təxminən 5 ton ağırlığındadır. Heykəl uzun qollara və "fırlanan gözlərə" malikdir.[2] Əsl kalmarının ağzının yerləşməli olduğu yerdəki dəlik ziyarətçilərə heykəlin içərisini görməyə imkan verir.[2][1] "Kalmar kralı" Noto qəsəbəsindəki Noto Tsukumo Körfəzi Turizm Mübadiləsi Mərkəzində — Tsukumo körfəzinin qarşısında yerləşir. Bu yer "Kalmar Stansiyası Mall-u" kimi tanınır.[4] "Kalmar kralı" adı 2021-ci ilin iyununda baş tutmuş ictimai müsabiqə yolu ilə müəyyən edilmişdir. Ad üçün 909 namizədlik verilmişdir. Adlandırma mərasimi zamanı heykəlin yanına lövhə quraşdırılmışdr.[5] "Kalmar kralı"nın rəsmi "X" hesabı var.[3]
Heykəlin tikintisi 27 milyon yenə başa gəlmişdir. Bu məbləğin 25 milyonu Yaponiya hökuməti tərəfindən Noto qəsəbəsi üçün ayrılmış COVID-19 büdcəsindən, qalanı isə qəsəbənin öz büdcəsindən təşkil olunmuşdur.[2][1] Yaponiya hökuməti COVID-19 pandemiyası ilə mübarizə aparması üçün Noto qəsəbəsinə 800 milyon yen büdcə ayırmışdı.[1] Noto qəsəbəsinin rəhbərliyinə görə "Kalmar kralı" heykəli qəsəbənin turizm sahəsini gücləndirmək[1] və qəsəbənin balıqçılıq sənayesini tanıtmaq üçün tikilmişdir.[4] Heykəlin mövzusu turistlərin şəhərdə kalmar yeməsinə və "kalmar tərəfindən yeyilmələrinə" əsasən seçilib.[6] Bundan əlavə, kalmar mövzusunda mağaza, restoran, turist məlumat mərkəzi və sərgi guşəsi tikilmiş, nəticədə, Noto Tsukumo Körfəzi Turizm Mübadiləsi Mərkəzi yaranmışdır.[2] Ticarət mərkəzinin tikintisi 520 milyon yenə başa gəlmişdir.[7]
.jpg)
"Kalmar kralı" 2021-ci ilin aprelində ictimaiyyətə təqdim olunmuş[8] və COVID-19 ilə mübarizəyə ayrılmış büdcə hesabına tikildiyi üçün tənqidlərə məruz qalmışdır.[7] Bəzi sakinlər pulların səhiyyə işçilərinə verilməli olduğunu düşünmüşdürlər.[1][2] Qalmaqal "BBC" və "The New York Times" kimi xarici media qurumları tərəfindən işıqlandırılmışdır.[8] Bir müddət sonra heykəl xeyli populyarlıq əldə etmişdir.[3] "Mainichi Shimbun" qəzetinə görə heykəl qəsəbənin simvollarından birinə çevrilmişdir.[6] 2022-ci ildə Noto qəsəbəsinin verdiyi məlumata görə qəsəbənin iqtisadiyyatı turizmdən 604 milyon yen gəlir əldə etmişdir. 439 turist arasında keçirilmiş sorğuda turistlərin 45%-nin "Kalmar kralı"nı görmək üçün Notoya gəldiyi məlum olmuşdur.[4]
Heykəl 2024-cü ilin yanvarında baş verən Noto zəlzələsi və sunamisi zamanı çox az zərər görmüşdür.[9][3][7] Zəlzələdən qısa müddət sonrra "Kalmar kralı" rəsmi "Twitter" hesabında "Mən dənizə qayıtmadım" sözlərini yazmışdır.[3] Heykəlin salamat qalması bəzi sakinlər, xüsusilə, qəsəbə rəsmiləri tərəfindən sağalma və ümid simvolu kimi qiymətləndirilmişdir.[9][3][7] Zəlzələ nəticəsində bağlanan "Kalmar Stansiyası Mall-u" aprel ayında yenidən açılmışdır.[10] 2024-cü ilin oktyabrında "Kalmar kralı" Uşaqların Polis Məmuru proqramının fəxri sədri seçilmişdir.[11]
- ↑ 1 2 3 4 5 6 7 8 McCurry, Justin. "Japanese town spends Covid-19 funds on huge squid statue". The Guardian (ingilis). May 5, 2021. ISSN 0261-3077. İstifadə tarixi: March 21, 2025.
- ↑ 1 2 3 4 5 6 7 8 Kojima, Hiroyuki. "Squid statue paid for with COVID-19 funds inks following in Noto". The Asahi Shimbun. June 6, 2021. March 22, 2025 tarixində arxivləşdirilib. İstifadə tarixi: March 21, 2025.
- ↑ 1 2 3 4 5 6 Kimura, Makoto. "Giant Squid Monument Withstood Jan. 1 Quake, Tsunami; 'King' Now a Beacon of Hope for Reconstruction". The Japan News (ingilis). Yomiuri Shimbun. March 22, 2024. February 14, 2025 tarixində arxivləşdirilib. İstifadə tarixi: March 21, 2025.
- ↑ 1 2 3 4 "Giant squid statue in Noto, Ishikawa Prefecture, generates economic effects of ¥600 million, 22 times of construction cost". The Japan News (yapon). Yomiuri Shimbun. August 30, 2022. İstifadə tarixi: March 21, 2025.
- ↑ 【石川】命名 イカキング 能登町のモニュメントに愛称：北陸中日新聞Web. Chunichi Shimbun (yapon). June 22, 2021. İstifadə tarixi: March 21, 2025.
- ↑ 1 2 北陸オブジェ！：／8止 石川・能登 イカの駅つくモール 食うか、食われるか. Mainichi Shimbun (yapon). İstifadə tarixi: March 21, 2025.
- ↑ 1 2 3 4 Hagami, Tarō. 《全長13m、高さ最大4mの巨大モニュメント》「イカキングを復興のシンボルに」という動きに、地元住民の反応が鈍いワケ. Shūkan Bunshun (yapon). April 30, 2024. September 3, 2024 tarixində arxivləşdirilib. İstifadə tarixi: March 21, 2025.
- ↑ 1 2 Kojima, Hiroyuki. BBCも取り上げたイカキング、賛否両論だったけど…1年後の効果：朝日新聞. Asahi Shimbun (yapon). April 19, 2022. March 21, 2025 tarixində arxivləşdirilib. İstifadə tarixi: March 21, 2025.
- ↑ 1 2 "Noto symbol 'Squid King' stands resolute amid quake devastation". The Japan Times. Jiji Press. March 13, 2024. March 13, 2024 tarixində arxivləşdirilib.
- ↑ 石川 能登町「イカの駅つくモール」約3か月ぶりに営業再開. NHK. April 8, 2024. İstifadə tarixi: March 22, 2025.
- ↑ イカキングが少年防犯の名誉会長に 委嘱式「ついてイカない」児童誓う｜地域｜石川のニュース｜北國新聞. Hokkoku Shimbun (yapon). October 2, 2024. İstifadə tarixi: March 22, 2025.
- Kalmar Stansiyası Mall-u (yap.)