Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKakao — tərkibinə mütləq üyüdülmüş kakao, həmçinin süd (və ya su) və şəkər daxil olan içkidir. Bu içki adətən spirtli deyil. Müasir dövrdə içkinin iki əsas növü yayılmışdır:
- İsti şokolad yalnız süd üzərində əridilmiş şokolad (və ya şokolad parçaları) ilə hazırlanır, vanil, şəkər, darçın əlavə olunur və köpüklü vəziyyətə qədər çalınır.
- Daha ucuz və hazırlığı sadə olan içki isə adətən kakao adlanır və kakao tozundan su və ya süd üzərində bişirilir. İçki həm isti, həm də soyuq halda qəbul edilir. İtaliya və İspaniyada içki daha qalın konsistensiyada üstün tutulur (it. cioccolata densa).
Şokoladlı süd inək, keçi və ya digər süd növlərində kakao tozunun həll edilməsi yolu ilə hazırlanır. Adətən soyuq halda istehlak olunur. Meksikada isə qarğıdalı unlu isti şokolad — çampurrado populyardır.
Kolumb öncəsi Mesoamerikada ritual məqsədlər üçün yüksək təbəqə acı-şirin və köpüklü, üyüdülmüş kakao lobyalarından hazırlanmış soyudulmuş içki istehlak edirdi. XVI və XVII əsrlərin əvvəllərində Avropa ölkələrində kakao isti içki kimi içilməyə başlandı və kəskin tərkib hissələri təbii şəkər ilə əvəz olundu. Beləliklə, XVII—XVIII əsrlərin Avropa aristokratiyasının sevimlisi olan isti şokolad meydana çıxdı.
XIX əsrin əvvəllərinə qədər şokoladlı içki su və şəkər əlavə edilməklə hazırlanan, çox bahalı olduğu üçün isə istehlakçının istəyinə görə dadlandırılan içki idi. Onu qısa burunlu, uzun taxta tutacaqlı və üzərində köpük üçün deşik olan qapağı olan xüsusi qabda hazırlayırdılar. İsti şokolad qalın və çox yağlı olurdu, üzərində isə qaşıqla çıxarılmalı olan yağ təbəqəsi yaranırdı. XVIII əsrdə isə şokolad fincanlarda və nəlbəkilərdə içilməyə başlandı ki, bahalı içki tökülməsin.
XIX əsrdə üyüdülmüş kakao lobyalarından hazırlanan klassik yüksək yağlı içki gündəlik istifadədən çıxdı: Niderlandda üyüdülmüş kakao yağlı kakao yağı (bərk şokolad istehsalı üçün baza) və quru kakao tozu (daha ucuz və praktik içki bazası, ev şəraitində illərlə saxlanıla bilən) olaraq ayrılma texnologiyası ixtira edildi.
Müasir qida sənayesi müxtəlif əlavələrlə zənginləşdirilmiş geniş çeşiddə kakao içkiləri istehsal edir, məsələn, vanilin və quru süd, vitaminlər və mikroelementlər, eləcə də şəkər və ya onun əvəzediciləri.[1]
Adətən satışa içkilərin özü deyil, tez həll olunan toz çıxır; ev şəraitində içki hazırlamaq üçün onu sadəcə süd və ya su ilə qarışdırmaq kifayətdir. Məsələn, Nestle şirkətinin “Nesquik” məhsulu buna nümunədir.
XIX əsrə qədər maye şokolad tibbi məqsədlər üçün istifadə olunurdu və tez-tez apteklərdə satılırdı. İsti şokoladın aşağıdakı müalicəvi xüsusiyyətləri olduğuna inanılırdı: depressiyaların müalicəsi, özünü yaxşı hiss etməyə kömək, yaraların tez sağalması[2]. Bəzi ölkələrdə onu afrodizyak kimi qiymətləndirirdilər[3].
Bir araşdırmaya görə, soyuq kakao idman məşqlərindən və ya ağır fiziki işdən sonra əzələlərin ən sürətli bərpaedicisidir və bu göstərici üzrə idmançılar üçün nəzərdə tutulmuş xüsusi içkiləri belə qabaqlayır[4].
- ↑ Малютенкова С. М. Товароведение и экспертиза кондитерских товаров: Учебное пособие для вузов. — СПб, 2004. — С. 231—232. ISBN 9785947238389.
- ↑ "Кола, мюсли, шоколад никого не пощадят?" (rus). 4 may 2018 tarixində arxivləşdirilib.
- ↑ Ingall, Marjorie. "Chocolate can do good things for your heart, skin and brain". CNN Health (ingilis). 26 aprel 2011 tarixində arxivləşdirilib. İstifadə tarixi: 20 may 2008.
- ↑ Холодное какао — самый быстрый восстановитель мышц Arxiv surəti 2 fevral 2014 tarixindən Wayback Machine saytında.