Kərim Otarov
Kərim Otarov (qaraç.-balk. Отарланы Сарамурзаны жашы Керим; 15 may 1912, Tırnıauz – 13 oktyabr 1974, Nalçik) — Balkar şairi və tərcüməçisi. Kabardin-Balkar Respublikasının xalq şairi.
| Kərim Otarov | |
|---|---|
| Doğum tarixi | 15 may 1912 |
| Doğum yeri | |
| Vəfat tarixi | 13 oktyabr 1974 (62 yaşında) |
| Vəfat yeri | |
| Təhsili |
|
| Fəaliyyəti | şair, tərcüməçi |
1912-ci ildə Qırxojan (indiki Kabardin-Balkar Respublikasının Elbrus rayonu Tırnıauz qəsəbəsi) kəndində kəndli ailəsində anadan olub. Pedaqoji məktəbi (1934), sonra Kabardin-Balkariya Universitetini (1963) bitirmişdir. 1938-1941-ci illərdə Kabardin-Balkar Muxtar Sovet Sosialist Respublikası Yazıçılar İttifaqına rəhbərlik edir. Böyük Vətən müharibəsində iştirak etmişdir[1]. Müharibədə yaralandığı üçün ordudan tərxis edilir.
Balkar xalqı ilə birlikdə Qırğızıstan SSR-ə deportasiya edilmiş və Frunze şəhərində (indiki Bişkek) qəsəbələrdən birində yaşamışdır[2]. Kərim Otarov 1956-cı ildə Nalçikə qayıdır. 1957-1963-cü illərdə Balkar ədəbi-bədii almanaxının, sonra “Şuyoxluq” (“Dostluq”) jurnalının baş redaktoru olur.
Hərbi xidmətlərinə görə Qırmızı Ulduz ordeni və digər medallarla təltif edilmişdir.
Otarın ilk şeirləri 1930-cu ildə çap olunub. Onun yaradıcılıq irsinin əsasını lirik şeirlər təşkil edir (“Yay otlaqlarında”, 1935; “Dağ dərəsi”, 1936; “Səndən uzaq”, 1941-1942 və s.). Otarov “Şeirlər və mahnılar” (1938), “Yollar” (1956), “Doğma torpaq” (1960), “İllər” (1964), “Səhər ulduzum” (1969) poeziya toplularının müəllifidir. Doğma xalqının dramatik taleyi ilə ayrılmaz şəkildə bağlı olan Otarov yaradıcılığında Balkar folklorunun, K. Meçiyeva, M.Yu. Lermontov, S.A. Yesenin yaradıcılığının təsirini hiss etmək olur. Ən əlamətdar əsərlər sırasında müharibə illərinin poeziyası (“Səndən uzaqda”, 1941-1942) və deportasiya dövrü (“Durnalar dönəcək”, 1943-1969-cu illər) daxildir. Sonrakı lirikalarda insanın peşəsi və onun məsuliyyəti haqqında fəlsəfi düşüncələr vardır: "Mənim səhər ulduzum" (1969), "Abidələr" (1972) və s. Kərim Otarovun şeirlərini Semyon Lipkin, Dmitri Qolubkov, Georgi Yaropolski və başqaları tərcümə etmişlər.
Əmək igidliyinə görə" medalı (28.10.1967);
digər medallar;
Kabardin-Balkar Muxtar Sovet Sosialist Respublikasının xalq şairi.
- ↑ "Памяти поэта". 2017-04-28 tarixində arxivləşdirilib. İstifadə tarixi: 2021-10-28.
- ↑ "ОТА́РОВ КЕРИ́М САРАМУРЗА́ЕВИЧ | Энциклопедия Всемирная история". w.histrf.ru. 2016-09-18 tarixində arxivləşdirilib. İstifadə tarixi: 2016-09-08.
- Краткая литературная энциклопедия
- Памяти поэта. Публикация в «Эльбрусоиде»: отзывы современников и стихи Керима Отарова в переводе Георгия Яропольского.
- Георгий Яропольский. Причащение. «Поэтоград», № 9 (60), 2013.
- Литературная Кабардино-Балкария № 2.2012, март-апрель, с. 122: Отаров Керим Сарамурзаевич