Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKərbəlayi Abdulla məscidi — Bakı şəhərində, Dilarə Əliyeva küçəsi 155-də yerləşən XIX əsrə aid məscid və tarix-memarlıq abidəsi. Məscid 1894-cü ildə xeyriyyəçi Abdulla Zərbəliyev tərəfindən tikdirilib.
| Kərbəlayi Abdulla məscidi | |
|---|---|
 | |
| Ölkə |
 Azərbaycan |
| Şəhər | Bakı |
| Yerləşir | Nəsimi rayonu, Dilarə Əliyeva küçəsi, 155 |
| Sifarişçi | Abdulla Zərbəliyev |
| Tikilmə tarixi | 1918 |
| Üslubu | Şirvan-Abşeron memarlıq məktəbi |
| İstinad nöm. | 3104 |
| Kateqoriya | Məscid |
| Əhəmiyyəti | Yerli əhəmiyyətli |
| 40°22′31″ şm. e. 49°50′11″ ş. u. | |
 |
|
  Kərbəlayi Abdulla məscidi |
|
 Vikianbarda əlaqəli mediafayllar | |
Məscid, Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.
Kərbəlayi Abdulla məscidinin üstündəki daş kitabəyə əsasən, məscid hicri təqvimi ilə 1336-cı (1918) ildə tikilib.[1] Ancaq giriş qapısının üstündəki kitabədə isə tikinti tarixi hicri təqvimi ilə 1311-ci (1894) il yazılıb.[1] Məscid xeyriyyəçi Bakı Şəhər Dumasının üzvü[2] Abdulla Zərbəliyev tərəfindən tikdirilib.[3]
Azərbaycanda sovet işğalından sonra rəsmi olaraq 1928-ci ildən dinlə mübarizəyə başladılar. Həmin ilin dekabrında Azərbaycan KP MK-i bir çox məscid, kilsə və sinaqoqları maarifləndirici istiqamətlərdə istifadə üçün klubların balansına verdi. Əgər 1917-ci ildə Azərbaycanda 3.000 məscid var idisə 1927-ci ildə bu rəqəm 1.700, 1933-cü ildə isə 17 idi.[4] Kərbəlayi Abdulla məscidinin də bu dövrdə axundlarından biri yaxınlıqdakı söyüd ağacından asılıb.[5] Digəri isə sürgün edilib. İlk dövrlər məscid mənzil kimi istifadə edilsə də sonradan burada karton fabriki, anbar və Rus Dram Teatrının rəssamlıq sexi fəaliyyət göstərib.[5]
Azərbaycan müstəqilliyini yenidən bərpa etdikdən sonra 1992-ci ildə yerli əhalinin təşəbbüsü ilə məscidin fəaliyyəti bərpa edilib.[5] Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə isə məscid yerli əhəmiyyətli daşınmaz tarix və mədəniyyət abidələrinin siyahısına salınıb.[6]
Məsciddə Azərbaycan Dini Qurumlarla İş üzrə Dövlət Komitəsindən qeydiyyatdan keçmiş "Kərbəlayi Abdulla məscidi" dini icması fəaliyyət göstərir.[7]
Sal daşlarından tikilən məscidin nə günbəzi nə də minarəsi yoxdur.[1] Dəstəmazxanaya və qadınların ibadət zalına giriş ayrıdır və çöldəndir. İbadət zalının sahəsi 170 kvadrat metrdir.[1]
.jpg)
.jpg)
.jpg)
.jpg)
.jpg)
- ↑ 1 2 3 4 Azərbaycan Respublikası Məscidlərinin Ensiklopediyası (PDF) (az.). Bakı: Beynəlxalq Əlhuda. 2001. səh. 54. ISBN 964-8121-59-1. 23 iyul 2021 tarixində arxivləşdirilib (PDF).
- ↑ Ağamusayeva, Dilarə. Zamanın sorağında (PDF) (az.). Bakı: Elm nəşriyyatı. 2011. 24. 6 aprel 2016 tarixində arxivləşdirilib (PDF). İstifadə tarixi: 19 mart 2024.
- ↑ Vəlizadə, Tural. Azərbaycanda xeyriyyəçilik ənənələri (az.). Bakı. 2018. 55. 19 aprel 2021 tarixində arxivləşdirilib. İstifadə tarixi: 19 mart 2024.
- ↑ Arif Yunusov. Ислам в Азербайджане (PDF). Bakı: Zaman. 2004. səh. 78. ISBN 9952-8052-0-9. 5 iyul 2023 tarixində arxivləşdirilib (PDF). İstifadə tarixi: 14 dekabr 2022.
- ↑ 1 2 3 "Bakı şəhəri Kərbəlayı Abdullah məscidi". sirat.az. 25 yanvar 2022. 2 oktyabr 2023 tarixində arxivləşdirilib. İstifadə tarixi: 19 mart 2024.
- ↑ "Azərbaycan Respublikası Nazirlər Kabinetinin 2001-ci il 2 avqust Tarixli 132 nömrəli qərarı ilə təsdiq edilmişdir" (PDF) (az.). mct.gov.az. 2 avqust 2001. 7 iyul 2021 tarixində arxivləşdirilib (PDF). İstifadə tarixi: 14 dekabr 2022.
- ↑ "Dini Qurumlar". nasimi-ih.gov.az. 5 dekabr 2022 tarixində arxivləşdirilib. İstifadə tarixi: 19 mart 2024.