Kəpənək pozası - Baddha Konasana;Bağlanmış bucaq pozası (Bound Angle Pose);Kəpənək pozası (Butterfly Pose) və ya Cəllad pozası (Cobblers Pose - hind çəkməçilərinin işləyərkən tipik oturma formasına görə belə adlanır),tarixi mənbələrdə isə Bhadrasana - taxt pozası olaraq tanınır.Bu,həm Hatha yoqada,həm də müasir yoqa məşqlərində oturaq asanadır.Əgər dizlər döşəməyə söykənirsə,bu poza meditasiya üçün oturuş kimi də uyğundur.
| Kəpənək pozası | |
|---|---|
| ing. Baddha Konasana | |
 | |
| Ümumi məlumatlar | |
| Ölkə | Hindistan |
| Yaranma tarixi | XV əsr |
Ad sanskrit sözlərindən gəlir:Baddha - "bağlanmış",Kona - "bucaq" və Asana - "poz,oturuş" deməkdir.
"Baddha Konasana" adı nisbətən yenidir,lakin poz orta əsrlərə aiddir.[1]Çünki bu poza 15-ci əsrdə yazılmış "Hatha Yoga Pradipika" əsərinin 1.53-1.54 misralarında təsvir olunan meditasiya oturuşu "Bhadrasana" (sanskritcə Bhadra - "taxt,taxt-tac") kimi qeyd olunmuşdur.
Oturaraq başlanılan vəziyyətdə ayaqlar irəli uzadılır,əllər bədənin yanında yerə qoyulur,ovuc içi aşağı,barmaqlar birləşmiş və irəli yönəlmiş olur.[2]Dizlərdən bükülməklə ayaqlar birləşdirilir və dabanlar bir-birinə toxunur.Ayaqlar topuqdan tutularaq daha da qatlanır,dabanlar perineuma (cinsiyyət üzvləri ilə anus arasında sahəyə) gətirilir.Dizlər aşağıya doğru hərəkət edir və məşq etdikcə yerə dəyir.Bədən düz saxlanılır və baxış irəli yönəldilir.[3]Asana bu vəziyyətdə saxlanılır,sonra başlanğıc mövqeyə qayıdılır.Bud əzələləri ehtiyatla dartılır.Meditasiya üçün istifadə olunduqda əllər sinə önündə dua mövqeyində (Anjali Mudra) birləşdirilir.
Poz hip və qasıq nahiyəsini güclü şəkildə açır və başı yerə qoyulan irəli əyilmə variasiyası istisna olmaqla,yeməkdən dərhal sonra rahatlıqla məşq edilə bilən nadir yoqa asanalarından biridir.[4]"Light on Yoga" əsərində,Grantly Dick Reedin "Childbirth Without Fear" kitabına istinad edilərək qeyd olunur ki,bu poza hamilə qadınlar üçün faydalıdır,çünki onun müntəzəm tətbiqi doğuş zamanı ağrını azaldır.Əgər qasıq və ya diz zədəsi varsa,dizlərin altı qatlanmış yorğanlarla dəstəklənməlidir.
Geniş yayılmış variasiyalardan biri Supta Baddha Konasanadır.Yəni uzanaraq icra edilən cəllad pozası (Cobbler pose)."Supta" sanskrit sözü "uzanan" və ya "arxası üstə yatan" deməkdir.
Hamiləlik dövründə bu poza "Divar Kəpənək" (Wall Butterfly) şəklində arxası üstə uzanaraq,çanaq və ayaqlar divara söykənmiş halda icra edilə bilər.Ayaqlar birləşdirilir,dizlər isə yanlara açılır.[5]Əllərdən dizləri yüngülcə basmaq üçün istifadə oluna bilər.
Tarasana,Ulduz pozası - bədənin birləşdirilmiş ayaqların üzərinə önə doğru əyildiyi pozdur.[6]
Budlar qatlanmış yorğanlarla dəstəkləndikdə,dartınmanı gücləndirmək üçün qasıq nahiyəsinə yaxın olan budun iç tərəfinə 10 funtluq qum torbaları yerləşdirilə bilər.[7]
Bu məqalədəki istinadlar müvafiq istinad şablonları ilə göstərilməlidir. |
- ↑ https://www.yogajournal.com/how-to/bound-angle-pose/?scope=anon (#bare_url_missing_title).
- ↑ https://www.gaia.com/article/butterfly-pose-baddha-konasana (#bare_url_missing_title).
- ↑ https://web.archive.org/web/20110512144732/http://www.yogajournal.com/poses/486 (#bare_url_missing_title).
- ↑ https://theyogainstitute.org/how-to-do-bhadrasana (#bare_url_missing_title).
- ↑ https://www.sivasakti.com/yoga/asana/bhadrasana-the-throne-pose-2/ (#bare_url_missing_title).
- ↑ https://www.yogapedia.com/definition/9929/tarasana (#bare_url_missing_title).
- ↑ http://www.ashtangayoga.info/practice/asana-vinyasa-series/primary-series-yoga-chikitsa/item/baddha-konasana-a/ (#bare_url_missing_title).