Kəbənin mühafizəçisi — İslam dinində müqəddəs hesab edilən Kəbə evinin təmizliyi, örtüyünün yenilənməsi və açarlarının qorunmasının təmin edilməsi əslən Məhəmməd peyğəmbərin tayfasından[mənbə göstərilməlidir] – Qureyşlərdən olan Əş-Şeybi nəslinin nümayəndələri tərəfindən 1400 ildən artıqdır ki, icra edilir. Onlar Kəbənin açarlarını özlərində saxlayır və nəsildən-nəsilə ötürürlər. Əş-Şeybi ailəsinin icazəsi olmadan Allah evinin qapıları açılmır. Yalnız bu ailənin icazəsi ilə müsəlman dövlət adamlarının Məkkəyə səfərində və ildə iki dəfə təmizlik üçün Kəbə evinin qapıları açılır.
Kəbə evinin açarı, örtüyü, həmçinin Kəbə yaxınlığındakı İbrahim peyğəmbərin ayaq izinin əks olunduğu daşın yer aldığı Məqami-İbrahim adlı yerin açarı da Əş-Şeybi ailəsindədir.
Məhəmməd peyğəmbər zamanında Kəbənin açarının kimdə qalmasına dair gərgin müzakirələrin getməsi və peyğəmbərin bunu Əş-Şeybi ailəsinə verməsi yazılı qaynaqlarda da yer alıb.
Kəbə evinin açarlarını saxlayan, Qureyş qəbiləsindən Əbdüləziz Əş-Şeybi 2010-cu ilin noyabr ayının 10-da — 87 yaşında vəfat edib. Bu gündən sonra keçirilən təhvil-təslim tədbirində açarlar Əbdüləziz Əş-Şeybinin qardaşı Əbdülqədir Əş-Şeybiyə verilib.
- Kəbənin sirli açarını saxlayan adam öldü Arxivləşdirilib 2010-11-15 at the Wayback Machine