Kıttık yarımadası

Kıttık yarımadası — Çukot Muxtar Dairəsinin şimal sahillərində yerləşən yarımada. Sahillərini Şərqi Sibir dənizinin suları yuyur.

Kıttık yarımadası
Yerləşməsi
69°32′53″ şm. e. 167°43′34″ ş. u.
Akvatoriya	Şərqi Sibir dənizi
Ölkə	Rusiya
Kıttık yarımadası
Vikianbarda əlaqəli mediafayllar

Yarımadanın ucqar şimal nöqtəsini Pesçanıy burnu təşkil edir^[1]. Yarımada ərazisi bataqlıq sahədən ibarətdir. Kiçik Caun boğazı ilə Ayon adasından^[2] ayrılır.

Səthinin orta hündürlüyü 5 metrdir. Ən hündür hissələri 15-50 metr arasında dəyişir. Yarımadanın şimal-şərq hissəsində bu yüksəklik sahildə bitir və sıldırımlı sahil əmələ gətirir. Yarımadanın hamar hissəsi qumluqlarla örtülür. Qərb hissədə olan göllər dairəvi formaya malikdir, üstəlik sahilləri enişlidir^[3].

İqlimi arktikdir. Rauçua meteostansiyasının məlumatına görə orta illik temperaturu −10,6°С, yanvar ayının orta temperaturu −26°С, iyun ayının isə +7,6°С təşkil edir. İllik yağıntının miqdarı 140 mm-dir. Sahillərində daim şimal küləyi əsair. Qar mayın sonları əriyir və oktyabrdan isə yerə oturur^[4].