Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKürdili və ya Kür dili — Xəzər dənizində Azərbaycana məxsus ada.[1][2] Aran iqtisadi-coğrafi rayonunun şərqində yerləşir. İnzibati cəhətdən isə adanın şərqi Neftçala, qərbi isə Lənkəran inzibati rayonlarına məxsusdur. Neftçala şəhərindən 33 km, Bakıdan isə 150 km cənubda yerləşir. Ada Azərbaycanın sahəsinə görə ən böyük adasıdır.
| Kür dili | ||
|---|---|---|
 | ||
| Ümumi məlumatlar | ||
| Sahəsi | 43 km² | |
| Uzunluğu | 11,8 km | |
| Eni | 5,2 km | |
| Əhalisi | 0 nəfər (2025-ci il) | |
| Yerləşməsi | ||
| 38°58′30″ şm. e. 49°07′30″ ş. u. | ||
| Ölkə |
 Azərbaycan |
|
| Akvatoriya | ||
  Kür dili |
||
Kür dili |
||
Adada mövcud olmuş Kürdili kəndinin adı adanın adından götürülmüşdür.[3]
Ada Kürün tarixi deltasında yerləşir. Belə ki, gətirmə suxurların mənsəbə yığılması nəticəsində əmələ gəlmişdir. Hazırda isə Kürün deltası yarımadadan 35–40 km şimalda yerləşir. Xəzər dənizinin qalxıb enməsi ilə əlaqədar yarımada və ada arasında tərəddüd edir. Son zamanlar səviyyənin qalxması ilə əlaqədar adaya çevrilmişdir. Sahəsi 43 km² təşkil edir. Uzunluğu 11,8 km, eni isə 5,2 km-dir. Yarımsəhra və quru çöl iqliminə malikdir. Qızılağac qoruğunun bir hissəsi yarımadanın ərazisinə düşür. Şərqdə Xəzər dənizi, qərbdə isə Qızılağac körfəzi onun sahillərini yuyur. Kür daşı adası adanın şərqində yerləşir. İddiaya görə hər il ada 50–100 metr arasında əriyir.
XX əsrin əvvəllərində əraziyə ruslar, kazaklar və molokanlar köçürülmüşdür. 1911-ci ildə adada ilk mayak istifadəyə verilib. Mayak 1966-cı ilə qədər fəaliyyət göstərib[4]
Azərbaycan SSR dövründə adada Neftçala rayonu inzibati ərazisinə daxil olan iki kənd (Kürdili, Şirvanlı) mövcud olub. 2 kənddə 3 minə qədər adam yaşayıb. Adada məktəb, mədəniyyət evi, kinozallar, kitabxanalar olub.[2] Məhsuldar torpaqda üzüm və nar yetişdirilirdi, burada atçılıq və heyvandarlıq fermaları yerləşirdi.
1981-ci ildə Xəzər dənizində suyun qalxması nəticəsində Neftçala rayonu ərazisindən bu əraziyə olan yol dağılmış və yarımada adaya çevrilmişdir. 1982-ci ildə kəndə quru yolu ilə getmək mümkün deyildi. Ada əhalisi SSRİ dağıldıqdan sonra Rusiyaya və başqa ölkələrə, həmçinin Neftçala rayonu ərazisində yeni tikilmiş evlərə köçürülmüşdür. 2013-cü ildə adada 4 ailə qalmışdı.[2] 2019-cu ildə adada cəmi 1 nəfər — Vitali Pronin yaşayırdı.[5]
1929-cu ildə adanın qərb sahillərinin də daxil olduğu ərazidə Qızılağac qoruğu yaradılmışdır. Bu hissədə canlılar qorunurdu. Əsasən su quşları və balıqlarla[1] zəngindir. Sovet dövründə burada atçılıq fermaları olub. Sovetlər təzə qurulanda burada yetişdirilən atlar müxtəlif rayonlara, kəndlərə göndərilirmiş ki, əkin-biçində istifadə olunsun. Su qalxıb kolxoz dağılanda, bu atları buraxıblar. Sürü şəklində gəzən bu atlar artıq vəhşi atlara çevrilib.[2] Adada vəhşi həyat tərzi keçirən qaban və inəklər də mövcuddur.[6]
Ada haqqında "Əriyən ada"[7], Sonuncu[8][9] və Daxildəki ada adlı filmlər çəkilmişdir.
- ↑ 1 2 "Neftçala" ( (az.)). azerbaijan.travel. 19 may 2015 tarixində orijinalından arxivləşdirilib. İstifadə tarixi: 19 may 2015.
- ↑ 1 2 3 4 Sevda İsmayıllı. "Azərbaycanda belə yer də varmış... Burada pul keçmir" ( (az.)). azadliq.org. 30 sentyabr 2013. 19 may 2015 tarixində arxivləşdirilib. İstifadə tarixi: 19 may 2015.
- ↑ "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
- ↑ "Lighthouses of Azerbaijan" ( (ing.)). unc.edu. 12 mart 2007. 19 may 2015 tarixində arxivləşdirilib. İstifadə tarixi: 19 may 2015.
- ↑ "Azərbaycanda sonuncu rus Robinzonu. Kür-Dili adasının itirilmiş dünyası (video, Foto)". 13 may 2022 tarixində arxivləşdirilib. İstifadə tarixi: 14 mart 2020.
- ↑ "Adalar fəth edən heyvanlar: Neftçalada atlar niyə dəniz suyu içir?". Lent.az (az.). İstifadə tarixi: 11 sentyabr 2025.
- ↑ Azərbaycan filmi Kazan festivalının qalibi olub: [Tatarıstanın paytaxtında keçirilən IX Beynəlxalq Müsəlman Kinosu Festivalında rejissor Fariz Əhmədovun "Əriyən ada" sənədli filmi "Ən yaxşı qısametrajlı sənədli film" nominasiyasının qalibi olmuşdur] //Mədəniyyət.- 2013.- 13 sentyabr.- S. 3.
- ↑ Azərbaycan kinosunun Moskvada ilk retrospektivi "Sonuncu" sənədli filminin nümayişi ilə açılıb
- ↑ "Azərbaycan kinosunun retrospektivi "İllüzion"da". 6 avqust 2023 tarixində arxivləşdirilib. İstifadə tarixi: 6 avqust 2023.
- Məmmədli, Səbuhi. "Vəhşilərin oylağı, Azərbaycanın "Robinzon"u, bir adanın 36 illik sirri..." ( (az.)). Lent.az. 6 aprel 2017.
- Azərbaycanın "Robinzon"u: "Bu adada beş qəbir olacaq, beşinci mənim…" Arxivləşdirilib 2018-01-31 at the Wayback Machine