Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKömək işarəsi (ヘルプマーク, Herupumaku?, ing. Help Mark) – Yaponiyada görünməyən əlilliyi olan şəxslər üçün nəzərdə tutulmuş əlçatanlıq simvolu. Tokio Metropolitan Hökuməti tərəfindən yaradılmış və ilk dəfə 2012-ci ildə təqdim olunmuşdur. 2021-ci ilə qədər Yaponiyanın bütün prefekturaları bu simvolu tətbiq etməyə başlamışdır.
Kömək işarəsi Yaponiyada prostat, zehni əlillik, eşitmə və görmə qabiliyyəti problemi və ya xroniki xəstəliklər kimi görünməyən əlilliklərə malik olan və xüsusi qayğıya ehtiyacı olan şəxslər tərəfindən istifadə olunan simvoldur.[1][2] Simvol qırmızı kvadrat içərisində təsvir olunan ağ xaçdan və yuxarısında yerləşən ağ ürəkdən ibarətdir. Qırmızı rəng və xaç qayğıya ehtiyacı, ürək isə kömək etmək həvəsini bildirir. Kömək işarəsinin yer aldığı etiketlər şəxsin geyimində və ya şəxsi əşyasında taxıla bilər.[1][3]
Kömək işarəsi olan şəxslərə avtobus və qatarda yer vermək, fövqəladə hallarda təxliyə zamanı onlara kömək göstərmək təşviq olunur.[4] Kömək işarəsi Yaponiya hökuməti tərəfindən pulsuz təqdim olunur. İstifadə olunması üçün əlillik barədə sertifikat və ya başqa sənədlər tələb olunmur.[1][3]
Kömək işarəsi 2012-ci ildə Tokio Metropolitan Hökuməti tərəfindən yaradılmışdır. Tokio Metropolitan Assambleyasının protez oynağa malik olan bir üzvü görünməyən əlliliyi olan şəxslər üçün işarə yaratmağı təklif etmişdir.[3] Tokio hökuməti kömək işarəsi olan etiketləri 2012-ci ilin oktyabrında Toey Oedo xəttində paylamağa başlamışdır. 2013-cü ilin iyulunda proqram genişləmiş, digər Toey metro xətlərini, Nippori-Toneri xəttini, Toden Arakava xəttini və Toey avtobusunu əhatə etmişdir. 2016-cı ilin dekabrında Tokio xəstəxanalarında təqdim olunmağa başlamışdır.[1]
2016-cı ildə Kioto prefekturası kömək işarəsini qəbul etmiş və simvolun yer aldığı müxtəlif cihazları paylamağa başlamışdır.[5] 2017-ci ildə Yay Olimpiya və Paralimpiya Oyunlarına hazırlıq məqsədilə kömək işarəsi Yaponiya Sənaye Standartı kimi qəbul olunmuş və milli status almışdır. Nəticədə, simvol digər prefekturalarda da istifadə ounmağa başlamışdır. 2021-ci ilin oktyabrına qədər Yaponiyanın bütün prefekturaları kömək işarəsindən istifadə etməyə başlamışdır.[1][6] Hokuriki regionunun sakinləri arasında keçirilmiş bir sorğuda iştirakçıların 80%-i simvolu ayırd edə bildiklərini, 46%-i isə bu simvolu daşıyan şəxs gördüklərini bildirmişdir.[2]
- ↑ 1 2 3 4 5 Bureau of Social Welfare, 2025
- ↑ 1 2 Nishidate, 2024. səh. 26–27
- ↑ 1 2 3 Hashimoto və b. 2023. səh. 97
- ↑ Osaka Prefectural Government, 2025
- ↑ Kyoto Prefecture, 2024
- ↑ Nishidate, 2024. səh. 21
- Hashimoto, Hirofumi; Maeda, Kaede; Yamasaki, Rikako; Sato, Kosuke. ヘルプマーク利用者に対する援助意図の促進因および抑制因の検討 [Examination of factors that promote or inhibit the intention to help those who wear the Help Mark]. 社会心理学研究 社会心理学研究 [Japanese Journal of Social Psychology] (yapon). 39 (2). 2023: 97–106. doi:10.14966/jssp.2022-004.
- Nishidate, Arisa. ヘルプマークに関する市民の認知度: 北陸信越地方の居住者を対象にした調査より [Questionnaire Survey on Citizen Awareness of Help Mark: From a Survey Targeting Residents of the Hokuriku-Shinetsu Region] (PDF). 富山大学教育学部紀要 [Bulletin of the Faculty of Education, University of Toyama] (Japanese). 3 (1). 2024: 21–28.
- Bureau of Social Welfare. ヘルプマーク [Help Mark] (Japanese). Tokyo Metropolitan Government. 20 iyul 2025. İstifadə tarixi: 14 sentyabr 2025.
- Kyoto Prefecture. ご存じですか？ヘルプマーク [Have you heard about the Help Mark?] (Japanese). 28 mart 2024. İstifadə tarixi: 14 sentyabr 2025.
- Osaka Prefectural Government. ヘルプマークについて [About the Help Mark] (Japanese). 16 iyun 2025. İstifadə tarixi: 14 sentyabr 2025.