Vikiverilənlər ortaq məlumat bazasıdır. Burada viki-layihə səhifələri haqqında məlumatlar saxlanılır. Buradan digər layihə və məqalələrə keçid verilir və onlar əlaqələndirilir.
Element — Vikiverilənlərdəki hər bir səhifə element adlanır. Hər bir element Q123456 şəklindəki kodlarla fərqləndirilir və bu səhifələrdə onlar haqqında məlumatlar toplanılır.
Etiket — Vikilayihələrdə elementin göstərilməsi üçün istifadə olunur. Hər vikilayihə özünə uyğun dil etiketlərindən istifadə edir.
Parametr — element haqqında informasiyanı təyin edir. Parametrlər P463 şəklində fərqləndirilir.
Dəyər — parametrə uyğun daxil olunan göstəricidir. Hər parametr fərqli növ dəyər tələb edir. Məsələn, Doğum tarixi (P570) parametri yalnız tarix (rəqəm şəklində), Şəkil parametri (P18) isə yalnız Vikianbarda mövcud şəkillərin adlarını tələb edir.
Müddəa — Yuxarıda qeyd olunmuş dəyər və parametrlərin birləşməsidir.