Kângë Kreshnikësh (azərb. Qəhrəman mahnıları) — alban epik poeziyasının qəhrəmanlıq əfsanəvi silsiləsinin ənənəvi mahnılarıdır (alb. Cikli i Kreshnikëve və ya (Eposi i Kreshnikëve). Bunlar alban mədəniyyətinin və folklorunun məhsuludur. Silsilənin şeirləri qəhrəmanlıq janrına aiddir, [1] naməlum köhnə dövrlərin döyüşçülərinin qəhrəmanlıqlarını təsvir edən və tərənnüm edən əfsanələri əks etdirir. [2] Keçmiş döyüşçülər haqqında epik poeziya Cənubi slavyanlarla, eyni zamanda erkən Yunanıstan, klassik Hindistan, erkən orta əsr İngiltərəsi və orta əsr Almaniyası kimi digər qəhrəmanlıq mədəniyyətləri ilə paylaşılan Hind-Avropa ənənəsidir. [3]
Mahnılar ilk dəfə 20-ci əsrin ilk onilliklərində fransisk keşişləri Ştjefën Qjeçovi, Bernardin Palaj və Donat Kurti tərəfindən yazılı şəkildə toplanmışdır. Palaj və Kurti ilk dəfə 1937-ci ildə alban dilində 8199 beytdən ibarət 34 epik mahnıdan ibarət silsilə toplusunu nəşr etdirdilər. [4] Əhəmiyyətli araşdırmalar Maximilian Lambertz, Fulvio Cordignano kimi əcnəbi alimlər tərəfindən və xüsusilə, 1930-cu illərdə Harvard Universitetinin iki nüfuzlu Homerik alimi Milman Parry və Albert Lord tərəfindən aparılmışdır. Lordun təqribən 25.000 misradan ibarət 100-dən çox mahnıdan ibarət möhtəşəm kolleksiyası hazırda Harvard Universitetində Milman Parri Kolleksiyasında qorunur. [5]
2021-ci ildə Nikola Skaldaferri və onun əməkdaşları Viktor Fridman, Con Kolsti və Zymer U. Neziri Milman Parri və Albert B. Lordun Kolleksiyalarında Vəhşi Mahnılar, Şirin Mahnılar: Alban Dastanını nəşr etdilər.