Jelko Furunciç (serb. Жељко Фурунџић; 1974, Biyelo-Polye[d]) — Serbiya hərbi xadimi, Serbiya Silahlı Qüvvələrinin briqada generalı, 2024-cü ildən Serbiya Qvardiyasının komandanı.
| Jelko Furunciç | |
|---|---|
| serb. Zheiko Furuniki | |
 | |
| Şəxsi məlumatlar | |
| Doğum tarixi | 1974 |
| Doğum yeri |
|
| Hərbi fəaliyyəti | |
| Rütbəsi | briqada generalı |
| Təltifləri |
 |
Jelko Furunciç 16 dekabr 1974-cü ildə Biyelo-Polyedə anadan olmuşdur. O, 1997-ci ildə Serbiya Hərbi Akademiyasını (piyada fakültəsi) bitirmişdir. Furunciç 2010-cu ildə komanda-qərargah heyətinin təkmilləşdirmə kurslarını, 2019-cu ildə isə Baş Qərargah üzrə ixtisasartırma kurslarını başa vurmuşdur.[1][2]
Furunciç 1997-ci ildən Yuqoslaviya Federativ Respublikası Silahlı Qüvvələrində, 2003-cü ildən Serbiya və Monteneqro Silahlı Qüvvələri sıralarında, 2006-cı ildən isə Serbiya Silahlı Qüvvələrində xidmət etmişdir.[1] O, xidmətə hərbi polis taqımının komandiri kimi başlamışdır.[3] Furunciç bu vəzifədə döyüş əməliyyatlarının iştirakçısı olmuşdur. O, hərbi polis bölüyünün komandir müavini kimi xidmət etmiş, daha sonra 72-ci xüsusi təyinatlı briqadanın tərkibində hərbi polis bölüyünün komandiri olmuşdur. Furunciç Xüsusi Briqadanın Antiterror Batalyonunun komandir müavini, sonra isə həmin batalyonun komandiri vəzifəsini tutmuşdur. O, briqadanın əməliyyat məsələləri üzrə komandir köməkçisi olmuşdur.[1]
Furunciç Rusiya və ABŞ də daxil olmaqla bir çox ölkənin xüsusi təyinat bölmələri ilə birgə təlimlərdə dəfələrlə iştirak etmişdir.[3] O, Birləşmiş Əməliyyat Komandanlığının əməliyyat mərkəzinin müdir müavini vəzifəsində çalışmışdır. Furunciç 72-ci briqadanın xüsusi əməliyyatlar briqadası kimi bərpa edilməsindən sonra onun qərargah rəisi və komandir müavini olmuşdur.[1] O, 4 aprel 2024-cü ildə polkovnik rütbəsində Serbiya Qvardiyasının komandiri təyin edilmiş[4] və Serbiya Respublikası Prezidentinin köməkçisi vəzifəsini tutmuşdur.[3] Furunciç 13 noyabr 2024-cü ildə briqada generalı rütbəsinə yüksəldilmişdir.[2]
Jelko Furunciç aşağıdakı 10 mükafatla təltif edilmişdir:[3][1]
- "Hərbi parad iştirakçısının xatirə" medalı (2015)
- "Serbiya Silahlı Qüvvələrinin yubiley" medalı (2015)
- "Yuqoslaviya İttifaq Respublikası ərazisində döyüş əməliyyatları iştirakçısı" medalı (2015)
- "Xidmətlərə görə" gümüş medalı (2016)
- "Serbiya ərazisində döyüş əməliyyatları iştirakçısı" medalı (2015)
- "20 illik səylə xidmətə görə" xatirə medalı (2017)
- "NATO təcavüzündən Vətənin müdafiəsinin 20 illiyi xatirə" medalı (2019)
- "Birgə taktiki təlimlər iştirakçısı" medalı (2021)
- "Səylə xidmətə görə" gümüş medalı (2022)
- "Hərbi xidmətdə görkəmli nailiyyətlərə görə zabit" medalı (2024)
- "Serbiya Respublikası müdafiə sisteminə görkəmli töhfəyə görə" medalı (2024)
| Podporuçik | Leytenant | Kapitan | Baş kapitan | Mayor | Polkovnik-leytenant | Polkovnik | Briqada generalı |
|---|---|---|---|---|---|---|---|
.svg){kind=small}
|
.svg){kind=small}
|
.svg){kind=small}
|
.svg){kind=small}
|
|
|
|
|
| 1997 | 2000 | 2001 | 2004 | 2008 | 2012 | 2020 | 2024[2] |
- ↑ 1 2 3 4 5 6 Војска Србије
- ↑ 1 2 3 "Министар Гашић уручио указе о унапређењима и постављењима на нове дужности". Министерство обороны Сербии. 2024-11-13. 2025-02-22 tarixində arxivləşdirilib. İstifadə tarixi: 2025-03-03.
- ↑ 1 2 3 4 "Podmlađivanje srpskog vojnog vrha" (serb). balkansec.net. 2024-04-27. İstifadə tarixi: 2025-03-26.
- ↑ "Handing of Decrees of Supreme Commander of Serbian Armed Forces and President of the Republic" (ingilis). Вооружённые силы Сербии. 2024-04-04. İstifadə tarixi: 2025-03-26.
- "Зоран Насковић" (serb). Вооружённые силы Сербии. 2025-03-26 tarixində arxivləşdirilib.