Jaydes və ya əvvəlki adı ilə Evvls[1] (əsl adı: Ceyden Yen Dumont; 24 fevral 2006, Tamarak[d], Florida)[2] — ABŞ repçisi, müğənni-mahnı yazarı, musiqi prodüseri.[3] O, 2022-ci ildə "underground" hip-hop sənətçisi kimi TikTok və SoundCloud-da yayımladığı "plugg music" janrındakı mahnılarına görə geniş kütlə tərəfindən tanınıb. Onun 2023-cü ildə çıxardığı "Rose" mahnısı bütün platformalar üzrə ümumilikdə 20 milyon dəfədən artıq dinlənilib.[4]
| Jaydes | |
|---|---|
| Ümumi məlumatlar | |
| Doğum tarixi | 24 fevral 2006 (19 yaş) |
| Doğum yeri |
|
| Musiqiçi məlumatları | |
| Fəaliyyəti | repçi, musiqi prodüseri, mahnı yazarı[d] |
| Janr | hip-hop[d] |
Jaydes müxtəlif "underground" sənətçilərlə də əməkdaşlıq edir. Onun əməkdaşlıq etdiyi bəzi sənətçilərə KA$HDAMI, Riovaz, Rich Amiri və Yung Fazo daxildir.[5] O, bundan əlavə wifiskeleton və Yuke kimi digər sənətçilərlə də dostluq edir.[6] O, mahnılarında əsasən məktəb həyatı, qəlb qırılması və eləcə də marixuana istifadəsi kimi mövzulardan bəhs edir. O, 2024-cü ilin noyabrında onunla seks etməyə razı olmayan 17 yaşlı sevgilisinə çoxsaylı qayçı zərbələri endirib yaraladıqdan sonra saxlanılıb.[7]
Dumont 24 fevral 2006-cı ildə haitili ata və dominikanlı-puerto rikolu ananın ailəsində doğulub.[8] İki böyük bacısı ilə Florida ştatının Pompano-Biç şəhərində böyüyüb.[9] Onun atası illər əvvəl R&B mahnıları üzərində işləməyə çalışıb. Hələ kiçik yaşlarından musiqi dinləməyi çox sevib. Uşaqlıqda atasının tanış etdiyi Jodeci-ni və anasının tanış etdiyi Erykah Badu-nu dinlədiyini xatırlayır. Sevimli repçiləri arasında Black Kray, XXXTentacion və Playboi Carti olub. İbtidai sinifdə pianino dərsləri alıb. 13 yaşına qədər boş vaxtını futbol oynamaqla keçirib. Həmin əsnalarda öz yataq otağında bitlər hazırlayır və onların üzərinə rep oxuyurdu.[10] O, Spotify-da 10.000 dinləyici qazanmış, lakin bunu atasından gizlətməyi seçmişdir.
O, 16 yaşında ikən orta məktəbi buraxaraq onlayn təhsilə keçib. Deyir "ayaqyolunda uşaqlar gizlicə şəkillərimi çəkirdilər".[11][12]
Studiya albomları
- Ghetto Cupid (2023)
- Count Up Dracula (2024)
Minialbomlar
- !? (2021)
- Romanticism (2022)
- Heartpacing (2022)
- Sativa (2022)
- Bipolar (2024)
- Panic (2024)
- ↑ "evvls biography". Last.fm (ingilis). 2024-12-28 tarixində arxivləşdirilib. İstifadə tarixi: 2024-11-13.
- ↑ Das, Amrita. "Who is Jaydes?". sportskeeda. November 12, 2024. December 13, 2024 tarixində arxivləşdirilib. İstifadə tarixi: December 10, 2024.
- ↑ "jaydes - Ghetto Cupid". Pitchfork. 23 August 2024. 2024-11-11 tarixində arxivləşdirilib. İstifadə tarixi: 2024-10-10.
- ↑ "rose — Jaydes". Last.fm (ingilis). 2024-06-06. 2024-12-07 tarixində arxivləşdirilib. İstifadə tarixi: 2024-12-05.
- ↑ "@ jaydes | ArtistConnect - The World's Music Creator Network". ArtistConnect (ingilis). 2024-12-28 tarixində arxivləşdirilib. İstifadə tarixi: 2024-11-13.
- ↑ "Rap Blog: yuke and jaydes summon an anthem". The Fader. 5 April 2024. 2024-11-11 tarixində arxivləşdirilib. İstifadə tarixi: 2024-10-10.
- ↑ Treza, Jenel. "Who is Jayden Yen Dumont? Underground Florida artist arrested over brutally stabbing woman for turning down his advances". www.soapcentral.com (ingilis). 2024-11-11. 2024-11-13 tarixində arxivləşdirilib. İstifadə tarixi: 2024-11-13.
- ↑ Art, Pop Culture &. "Who is Jaydes? details about the SoundCloud rapper emerge as mugshot goes viral following arrest". The Express Tribune (ingilis). 2024-11-11. 2024-11-13 tarixində arxivləşdirilib. İstifadə tarixi: 2024-11-13.
- ↑ "Jaydes biography". Last.fm (ingilis). 2024-11-11 tarixində arxivləşdirilib. İstifadə tarixi: 2024-11-13.
- ↑ Das, Amrita. "How old is Jaydes? Real name and all about the rapper as alleged mugshot goes viral amid recent arrest after being on the run". sportskeeda. November 12, 2024. December 13, 2024 tarixində arxivləşdirilib. İstifadə tarixi: December 10, 2024.
- ↑ "Masked Podcast". YouTube. 24 June 2024. İstifadə tarixi: 2024-11-22.
- ↑ Das, Amrita. "Jaydes emerged on the trap music scene through his songs on SoundCloud". sportskeeda. November 12, 2024. 2024-12-13 tarixində arxivləşdirilib. İstifadə tarixi: 2024-11-22.