"In Your Eyes" (tərc. "Sənin baxışlarında") — Avstraliya müğənnisi Kayli Minouqun 2002-ci il yanvarın 21-də yayımlanmış mahnısı. Bu mahnı onun səkkizinci studiya albomu olan "Fever"ə daxildir. Mahnının müəllifləri arasında K. Minouq ilə yanaşı Riçard Stennard, Culiyan Gallaher və Eş Hous da yer alır. Prodüserliyi isə Stennard və Gallaher həyata keçirib.
| "In Your Eyes" | ||||
|---|---|---|---|---|
 | ||||
| Kayli Minouq tərəfindən Fever albomunda ifa olunmuş sinql | ||||
| Yayımlanma tarixi | 21 yanvar 2002 | |||
| Janr | dans-pop | |||
| Dil | ingilis dili | |||
| Müddət | 3:18 | |||
| Sözlərin müəllifi | Kayli Minouq | |||
| Leybl | Parlophone | |||
| Studiya | Biffco (Dublin, İrlandiya) | |||
| Kayli Minouq sinqllarının xronologiyası | ||||
|
||||
| Audio nümunəsi | ||||
|
||||
Dans-pop üslubunda yazılan bu əsər cinsi cazibə mövzusunda işlənib. Mahnı ilk olaraq Avstraliyada albomun ikinci sinqlı olaraq dinləyicilərə təqdim olunub. Avropada isə vəziyyət bir qədər fərqli olub. Buraxılış əvvəlcə yanvar ayına planlaşdırılsa da, "Can’t Get You Out of My Head" mahnısının sıralardan düşməməsi səbəbindən bu tarix dəyişdirilib.[1] Nəticədə "Parlophone" tərəfindən mahnı 18 fevral 2002-ci ildə Avropa bazarına çıxıb.[2] Bu əsər "Fever" albomunun kommersiya uğurunun davam etməsinə töhfə verən mühüm sinqllardan biri hesab olunur.
Vətəni Avstraliyada mahnı çıxışından dərhal sonra birinci yerə qalxıb. Qısa zamanda Avstraliya Səsyazma Sənayesi Assosiasiyası mahnıya qızıl sertifikat verib. Britaniyada da uğurlu çıxış olub. Mahnı burada üçüncü pilləyə yüksəlib və Britaniya Fonoqrafiya Sənayesi tərəfindən gümüş statusu alıb. Sinqlın uğuru bununla bitməyib. Başqa ölkələrdə də yaxşı nəticələr əldə edilib. Finlandiya, Macarıstan, Kanada və Yeni Zelandiyada mahnı ilk iyirmilikdə yer tutub.
"In Your Eyes" mahnısına videoçarxı Don Şedfort rejissorluq edib. O, bu işi elmi fantastika janrında çəkməyi planlaşdırıb və K. Minouqun əvvəlki "Can’t Get You Out of My Head" mahnısının davamı kimi təsəvvür edib. Videoklipdə K. Minouq və ona qoşulan rəqqaslar LED işıqlarla əhatə olunmuş halda təsvir edilib.
"In Your Eyes" mahnısı ilk dəfə 2002-ci ildə "Fever Turu"nda ifa olunub. Sonralar demək olar ki, bütün konsertlərində səslənib. Bunlara "Money Can’t Buy" adlı solo konsert şousu da daxildir. Ən son olaraq 2025-ci ildə "Tension Turu"nda da oxunub.[3]
- ↑ "In Your Eyes". Kylie.com. 2 yanvar 2014 tarixində orijinalından arxivləşdirilib. İstifadə tarixi: 31 iyul 2013.
- ↑ "New Releases – For Week Starting 18 February 2002: Singles" (PDF). Music Week. 16 fevral 2002. səh. 33. İstifadə tarixi: 21 avqust 2021.
- ↑ Bond, Nick. "Kylie Minogue opens Tension World Tour in Perth". News.com.au. Australia: News Corp Australia. 15 fevral 2025. 15 fevral 2025 tarixində arxivləşdirilib. İstifadə tarixi: 15 fevral 2025.
- In Your Eyes — YouTube platformasında