Osamu Nişi tərəfindən yaradılmış "Ichi the Witch" manqa seriyasına Şiro Usazaki tərəfindən illüstrasiya olunan bir çox personaj daxildir. Manqada hadisələr macik adlandırılan sehrli bədheybətlərin yaşadığı dünyada baş verir. Macikləri ovlayıb onların sehrini ələ keçirən şəxslərə "cadugər" deyilir. Cadugələrin macikləri ovlaması üçün onların verdiyi sınaqlardan keçməlidirlər. Tapşırığı uğurla yerinə yetirə bilən cadugər maciki ələ keçirir və onun sehrinə sahib olur.
Seriyanın əsas personajı bir dağda yalnız böyüyən və ovçuluqla məşğul olan İçi adlı oğlandır. O, ən təhlükəli maciklərdən biri hesab olunan Kral Uroronu ələ keçirə bilir və tarixdəki ilk kişi cadugər olur. Bu ana şahidlik edən cadugər Desskaras onu cadugərlər assosiasiyasına aparır. Digər cadugərlər onun gücünü təsdiqləyirlər və cadugər kimi qəbul edirlər. Desskaras, İçi və İçinin hərəkətlərini qeyd etməkdən məsul olan Kumuqi Harvest macikləri ovlayan komanda formalaşdırırlar. Tezliklə onlara sehrli əşyalardan istifadə edən güclü döyüşçü Qokuraku Kaqami də qoşulur.
Seriyanın yaradıcısı Osamu Nişi əvvəlcə cadugər olmaq arzusunda olan bir oğlan və cadugərləri qorumaq istəyən bir cəngavər haqqında manqa yazmaq istəmişdir. Lakin əsas personajı hekayədə daha qeyri-adi bir personaj kimi təqdim etmək üçün onu sadəcə ovçuluqla maraqlanan oğlan kimi göstərməyə qərar vermişdir.[1]
- İçi (イチ?)
- Druid dağında böyümüş vəhşi ovçu. O, balaca olanda ailəsi tərəfindən tərk edilib və təkbaşına ovlanmağı öyrənib. Həyatda əsas prinsiplərindən biri "ölümə ölüm"dür. O, maciklər kralı Ororoyu məğlub edərək tarixdəki ilk kişi cadugər olur. Desskarasın dəstəyi ilə macikləri ovlamağa başlayır.
- Desskaras (デスカラス, Desukarasu?)
- Dibsizlik cadugəri. Ən gözəl və güclü cadugər hesab olunur. Hələ 11 yaşında macik ələ keçirərək bunu bacarmış ən gənc iki cadugərdən biri olmuşdur. Kral Ororo ilə döyüşərkən İçinin cadugərə çevrilməsinə şahidlik edir və onu Mantinel Cadugərlər Assosiasiyasına aparır. Toqeays ilə eyni məktəbdə təhsil alıb. Libro adlı balaca qardaşı 15 il öncə Antidünya maciki tərəfindən öldürülmüşdür və bu səbəbdən intiqam almaq istəyir.
- Kumuqi Harvest (クムギ・ハーヴェスト, Kumuqi Havesuto?)
- Mantinel Cadugərlər Assosiasiyasının cadugər namizədi və Cadugər Tədqiqat Klubunun üzvü. Şirabedonnanın tapşırığı ilə Desskaras komandasına qatılır və İçiyə nəzarət etməklə vəzifələndirilir. Özünü bacısı Spikanın kölgəsində hiss edir və uşaq olanda səbəb olduğu qəza nəticəsində bacısının bir gözünü itirməsinə görə özünü pis hiss edir.
- Qokuraku Kaqami (ゴクラク・カガミ?)
- Cadugərlər assosiasiyasının rəsmi təhlükəlilər siyahısında olan mavi saçlı oğlan. Qəddar Qokuraku kimi tanınır və Kaqami ərazisində macikləri qəddarlarlıqla döyməsi ilə tanınır. Lakin sehr gücünə malik olmadığı üçün döydüyü maciklərin sınağını tamamlasa belə onları ələ keçirə bilmir. Macikləri ovlamaq üçün bədəninə bir çox modifikasiyalar etmişdir. Əsas hədəfi Bakuqamini ovlamaqdır. Çünki əslində Kaqami ölkəsinin şahzadəsidir və Riçiyanın bacısıdır. Bakuqaminin məğlub edilməsindən Desskaras komandasına xüsusi köməkçi kimi qoşulur, cadugərlər assosiasiyasının üzvü olur və İçi ilə birlikdə macik ovlamağa başlayır.
- Maneqold (マネーゴールド, Maneqorudo?)
- Parlaq cadugər. Mantinel Cadugərlər Assosiasiyasının prezidentidir.
- Şirabedonna (シラベドンナ?)
- Analitik cadugər. Mantinel Cadugər Assosiasiyasının vacib üzvü və Cadugər Tədqiqat Klubunun supervayzeri. Onun analizləri daim doğru çıxır.
- Çikutoqe Toqeays (チクトゲ ・トゲアイス, Çikutoqe Toqeaysu?)
- Gümüş qar cadugəri. Nizam-intizama böyük diqqət ayıran cadugərdir. Hələ 11 yaşında macik ələ keçirərək bunu bacarmış ən gənc iki cadugərdən biri olmuşdur. Desskaras ilə eyni məktəbdə təhsil alıb. İçinin ictimaiyyətə açıqlanmasına qarşıdır. İçinin cadugərlər akademiyasında təhsil almasını dəstəkləyir. Bu məsələni həll etmək üçün İçi ilə Toqeays arasında macik ovlama yarışı təşkil olunur.
- Cikişirone (ジキシローネ?)
- Peyğəmbər cadugər. Bir əsr boyunca komada yatmış, qəfildən oynaraq başqa bir insana çevrilmişdir. Belə ki, onun bədəni əslində Peyğəmbər maciki tərəfindən ələ keçirilir. Buna baxmayaraq, Mantinel Cadugərlər Assosiasiyasının üzvüdür. Peyğəmbər maciki ilə dostluq edir. İnsanlarla maciklərin birlikdə yaşaya bildiyi dünyanın xəyalını qurur.
- Amodoro Ribbonkendi (アモドーロ・リボンキャンディ, Amodoro Ribonkyandi?)
- Mərmi cadugəri. Mantinel Cadugər Assosiasiyasının vacib üzvüdür.
- Otoqiri Utsune (オトギリ・ウツネ?)
- Xaos cadugəri. Mantinel Cadugər Assosiasiyasının vacib üzvüdür.
- Franken Dessusi (フランケン・デシューシー, Franken Deşuşi?)
- Acgöz cadugər. Mantinel Cadugər Assosiasiyasının vacib üzvüdür.
- Trikaputo (トリカプト, Torikaputo?)
- Bədxah cadugər. Mantinel Cadugər Assosiasiyasının vacib üzvüdür.
- Lav Co (ラヴ・ジョー, Ravu Co?)
- Cadugərlər assosiasiyasında Əsalar və Alətlər Departamentinin başçısı. Cadugərləri sehrli əşyalarla təmin etməkdən məsuldur. O, sehrli əşyalar haqqında məlumatlar toplamağı çox sevir.
- Dekora Frill (デコラ・フリル, Dekora Furiru?)
- Cadugərlər assosiasiyasında Dəb Departamentinin başçısı. Cadugərləri geyim və forma ilə təmin etməkdən məsuldur.
- Spika Harvest (スピカ・ハーヴェスト, Supika Havesuto?)
- Kumuqinin böyük bacısı. Elit biri kimi tanınır. O, böyük cadugər namizədi kapitanıdır və cadugərlər assosiasiyasında Təftiş Departamentinin I bölmə başçısıdır. Kumuqi 5 yaşında ikən sehr öyrənərkən istəmədən də olsa, partlayışa səbəb olmuş və Spika sağ gözünü itirmişdir.
- Kral Uroro (王の魔法, Kinqu Uroro?)
- Ən təhlükəli maciklərdən biri. İnsanlardan nifrət edir. Bir çox insanı öldürmüşdür. Onu ələ keçirmək üçün lazım olan sınaq onun ürəyini dayandırmaqdır, lakin heç bir qadın onun ürəyinə zərər vura bilməz. Bu səbəbdən min il ərzində məğlub edilməmişdir. İçi oğlan olduğu üçün onun ürəyini dayandırır və onu ələ keçirir. Lakin İçinin bədəninin içərisində şüurunu qoruyan varlıq kimi yaşamağa davam edir və onu cadugərlərə qarşı manipulyasiya etməyə çalışır.
- İnazuri (雷狐?)
- Rayko maciki (雷狐の魔法, Rayko no maho?) kimi tanınan ildırım maciki. İçinin ələ keçirdiyi ikinci macikdir. İldırım gücünə malik beşquyruqlu tülkü formasındadır. Onu ələ keçirmək üçün tələb olunan sınaq ildırımlarına dəymədən qiymətli daşını ələ keçirməkdir. İçi tülkülər üçün qurduğu tələ ilə onu keçirir.
- Uruvaşi (氷鮫?)
- Hisame maciki (氷鮫の魔法, Hisame no maho?) kimi tanınan buz maciki. İçinin ələ keçirdiyi üçüncü macikdir. Buz köpəkbalığı formasındadır. Onu ələ keçirmək üçün tələb olunan sınaq onu möhtəşəm göstərməkdir. İçi onun bədənini hissələrə bölür və saşimi gəmisinə çevirir.
- Masilveyn (マシルヴェイン, Maşiruveyn?)
- Kindake maciki (菌茸の魔法, Kindake no maho?) kimi tanınan göbələk maciki. Hoytaka meşəsində nəhəng göbələklər çıxararaq insanları narahat edir. Onu ələ keçirmək üçün tələb olunan sınaq onu yaxalayıb kökünü kəsməkdir.
- Ariadna (アリアドネ, Ariadone?)
- Oriqumo maciki (檻蜘蛛の魔法, Oriqumo no maho?) kimi tanınan hörümçək maciki. Torundan güclü qəfəslər toxuya bilir. Onu ələ keçirmək üçün tələb olunan sınaq qəfəsini qırıb başındakı buynuzu sındırmaqdır. Qokuraku onu ələ keçirmək üçün ona işgəncə versə də, ələ keçirə bilmir. Bunun yerinə İçi özünü yetirir və Ariadnanı ələ keçirir.
- Peyğəmbər maciki (予言の魔法, Yoqen no Maho?)
- Sammi (サミー, Sami?) kimi tanınan macik. Cikişironenin bədəninə nəzarət edir və cadugərlərlə əməkdaşlıq edərək onlara vəhylərini çatdırır.
- Bakuqami (バクガミ?)
- Sevincli kədər maciki. Kaqami ölkəsinin müqəddəs maciki hesab olunan, tapir görünüşündə olan macikdir. Krallıqda ona təzim edirlər və onu müqəddəs hesab edirlər. 10 il öncə ortaya çıxmış, insanların kədərini özünə çəkməyə başlayaraq məşhurlaşmışdır. Kral onun əldə edilməsini qadağan etmişdir. Hətta ölkənin adı Kaqamidən Bakuqamiyə dəyişdirilmişdir. Cadugərlər assosiasiyası tərəfindəndən Müqəddəs yuxu maciki kimi tanınır. Əslində isə bütün Bakuqami xalqını öldürüb Antidünya macikinə təqdim etmək niyyətindədir. O, insanların kədərini çəkir və kədərlərini sıxlaşdıraraq onlara qaytarır. Kədərini geri alanlar dəli olur və özünü öldürməyə çalışır. Onu əldə etmək üçün tələb olunan sınaq yığdığı 10 illik kədəri içinə çəkib dözməkdir. Qokuraku tərəfindən məğlub edilir və İçi tərəfindən ələ keçirilir.
- Zamanı bükən macik (時操の魔法, Ciso no Maho?)
- Zamanı idarə etmək gücünə malik olan əfsanəvi macik. Minerva adlı qadınla evlidir və Minerva onun uşağına hamilədir. Minerva tərəfindən qısaca So (操?) çağırılır. Uşağı onun gücünü çəkdiyi üçün getdikcə zəifləyir.
- Antidünya maciki (反世界の魔法, Hansekay no Maho?)
- Ağsaçlı oğlan formasında olan çox təhlükəli macik. O, 15 il öncə ortaya çıxanda iki qəsəbəni bükmüşdür. Mantinel Cadugərlər Assosiyasının ən böyük düşmənidir. Peyğəmbər cadugərin proqnozuna görə dünyanın sonunu gətirəcək macikdir. Sehrləri bükmə və macikləri yox etmə gücünə malik olan Kinosura adlı silahdan istifadə edir.
- Hitsuqi (棺?)
- Üsyan maciki (背反の魔法, Hayhan no maho?). Mantinel Cadugərlər Assosiasiyasına gizlicə sızaraq Cikişironeni onlara qatılmağa təkid edir. Onu ələ keçirmək üçün tələb olunan sınaq ona 10.000 ölüm təqdim etməkdir. Antidünya macikinə xidmət edən Yeddi ulduz qrupunun üzvüdür.
- Kizaşi (兆?)
- Osminoq bədəninə malik olan təhlükəli macik. Özünü Zamanı bükən macikin dostu hesab edir və onunla döyüşməyi sevir. Uşağı onu zəiflətdiyi üçün onu öldürmək istəyir. Okean cərəyanlarını idarə edə bilir. Özünü Oktobomb maciki adlandırır. Onu ələ keçirmək üçün tələb olunan sınaq onu öldürməkdir. Antidünya macikinə xidmət edən Yeddi ulduz qrupunun üzvüdür.
- Minakata
- İçinin balaca olanda qarşılaşdığı təcrübəli balıqçı. Bütün dünyanın balıqlarını ovlamaq üçün dünyanı gəzir. İçi ondan öyrəndiyi texnika və məlumatlardan istifadə edərək bəzi macikləri ələ keçirir.
- Riçiya Kaqami (リチア・カガミ?)
- Kaqami ölkəsinin şahzadəsi. O, Bakuqamini kəşf etmiş ilk şəxsdir və ona təzim edir. Qokurakunun böyük bacısıdır və ona böyük sevgi bəsləyir. Onlar analarını 10 il əvvəl itirmişdirlər. Bakuqaminin məğlub edilməsindən sonra Kaqami ölkəsinin kraliçası elan olunur.
- ↑ "「なぜ魔男という言葉がないんだろう？」西修さん×宇佐崎しろさんが語る「魔男のイチ」誕生秘話". Yomiuri (yaponca). 7 mart 2026. 7 mart 2026 tarixində arxivləşdirilib. İstifadə tarixi: 14 mart 2026.