Mədəniyyət və Turizm Nazirliyi tərəfindən 2009-cu ilin fevral - dekabr aylarında "I Ümumrespublika Dekorativ-tətbiqi sənət Festivalı" keçiriləcək.Festivalın kçeirilməsində məqsəd qədim tarixi köklərə və zəngin ənənələrə malik Azərbaycan dekorativ-tətbiqi sənətinin müasir dövrdə inkişafı, respublikada gedən bədii yaradıcılıq proseslərinin, qazanılan uğurların, geniş ictimaiyyətə təqdim olunması, istedadlı gənclərin, yüksək sənət meyarlarına cavab verən dekorativ-tətbiqi sənət əsərlərinin aşkarlanmasıdır.

Festival respublikanın bütün şəhər və rayonlarını əhatə etməklə beş regional mərkəzdə – Gəncə, Naxçıvan, Lənkəran, Şəki, Xaçmaz şəhərlərində təşkil ediləcək. Təsdiq olunmuş Əsasnaməyə görə Festivala təqdim olunan dekorativ-tətbiqi sənət əsərləri aşağıdakı əsas növlərə ayrılır:

• Xalçaçılıq
• Batika
• Qobelen
• : ağac, metal, daş, sümük üzərində oyma
• Dulusçuluq (keramika)
• Bədii şüşə
• Toxuma: mil və qarmaqla toxuma
• Zərgərlik
• (ağac, dəri, tikmə üzərində yandırma üsulu ilə naxış açma)