Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinIII Letsie (doğum adı: Mohato Berenq Seeiso, 17 iyul 1963) — Lesoto Krallığının kralıdır (1990-ci ildən).[1]
III Letsie 17 iyul 1963-cü ildə paytaxt Maserunun cənubunda yerləşən Morija şəhərindəki Skott Xəstəxanasında anadan olmuşdur. O, təhsilini Birləşmiş Krallıqda, Ampleforth Kollecində almışdır.[2] Daha sonra Lesoto Milli Universitetində təhsilini davam etdirərək hüquq ixtisası üzrə bakalavr dərəcəsi əldə etmişdir. Bundan sonra o, Bristol Universitetində (İngilis hüquq sisteminin əsasları üzrə diplom, 1986), Kembric Universitetinin Volfson Kollecində (İnkişaf tədqiqatları, 1989) və Vay Kollecində (kənd təsərrüfatı iqtisadiyyatı) təhsil almışdır. 1989-cu ildə təhsilini başa vuraraq Lesotoya qayıtmışdır.[3]
Onun tacqoyma mərasimi 31 oktyabr 1997-ci ildə Setsoto Stadionunda keçirilmişdir. Mərasimdə Uels şahzadəsi Çarlz iştirak etmişdir.
1 dekabr 2016-cı ildə, Romada Kral III Letsie BMT-nin Ərzaq və Kənd Təsərrüfatı Təşkilatının baş direktoru Joze Qratsiano da Silva tərəfindən təşkilatın qidalanma üzrə xüsusi səfiri vəzifəsinə təyin edilmişdir. 2000-ci ildə Kral III Letsie Karabo Motsoenenq ilə evlənmişdir. Bu nikahdan onların iki qızı və bir oğlu dünyaya gəlmişdir:
- Şahzadə Meri Senate Mohato Seeiso — 7 oktyabr 2001-ci ildə Maserudakı Maseru Özəl Xəstəxanasında anadan olmuşdur.
- Şahzadə Maseeiso Mohato Seeiso — 20 noyabr 2004-cü ildə Maserudakı Maseru Özəl Xəstəxanasında anadan olmuşdur.
- Şahzadə Lerotoli Devid Mohato Berenq Seeiso — 18 aprel 2007-ci ildə Maserudakı Maseru Özəl Xəstəxanasında anadan olmuşdur.
- ↑ "Lesotho profile". BBC News. 10 June 2011. Retrieved 14 November 2012.
- ↑ Soszynski, Henry. "LESOTHO". members.iinet.net.au. Archived from the original on 30 June 2017. Retrieved 4 June 2017.
- ↑ "His Majesty King Letsie III". Embassy of the People's Republic of China in the Kingdom of Lesotho. Retrieved 14 November 2012.