Hoyya-Baçu meşəsi[a] (rum. Pădurea Hoia-Baciu) – Rumıniyanın Kluj-Napoka şəhərinin qərbində yerləşən meşə. Meşə tez-tez paranormal və fövqəltəbii hadisələrlə əlaqələndirildiyi üçün Rumıniyanın və ya Transilvaniyanın Bermud üçbucağı adlandırılır.[1]
| Hoyya-Baçu meşəsi | |
|---|---|
 | |
| Yerləşməsi | |
| 46°46′ şm. e. 23°33′ ş. u.HGYO | |
| Ölkə | |
| Yerləşməsi | Kluj-Napoka |
  Hoyya-Baçu meşəsi |
|
 Vikianbarda əlaqəli mediafayllar | |
Meşə 2,95 km² sahəni əhatə edir. Burada əsasən fıstıq, vələs, göyrüş və qarağacları yetişib.[2] Meşənin 55.000 illik yaşı olduğu təxmin edilir.[3] Hoyya-Baçu meşəsi yerlilər və Kluj-Napoka sakinləri tərəfindən istirahət zonası kimi istifadə olunur. Meşədə ziyarətçilər üçün gəzinti və velosiped yolları salınmışdır.[1]
Hoyya-Baçu meşəsi əsasən əyri ağaclardan ibarət olduğu üçün vahiməli görüntüsünə görə tanınır. 1960-cı illərdən etibarən meşə tez-tez paranormal və fövqəltəbii hadisələrlə əlaqələndirilir.[4] Meşə "Rumıniyanın Bermud üçbucağı" kimi tanınır,[1] "dünyanın ən kabuslu və qorxulu meşəsi" adlandırılır.[5]
Yerli əfsanələrə görə əyri ağacların ətrafında kabuslar və ruhlar dolaşırlar, meşədə müəmmalı qırmızı işıqlar görünür. Bir əfsanəyə görə 5 yaşlı bir qız meşədə yoxa çıxmış, beş il sonra ortaya çıxdıqda heç nə xatırlamadığını bildirmişdir.[1] Digər əfsanə 200 qoyunu ilə birlikdə meşədə yoxa çıxan çoban haqqındadır. Çobanın adı Hoyya olduğu üçün meşə onun şərəfinə adlandırılmışdır.[5] Meşədə yadplanetlilərin görünməsi ilə bağlı şəhər əfsanələri də mövcuddur.[1] 1968-ci ildə hərbi texnik Emil Barnea meşənin üzərində uçan UNO-nun fotosunu çəkdiyini iddia etmişdir. Rumıniyadakı kommunist hökuməti onun iddiasını dövlətə qarşı təxribat hesab etmiş və Emil işini itirmişdir.[5] Meşənin içərisində yerləşən "Dairəvi çəmənlik" (rum. Poiana Rotunda) adlı dairəvi formadakı açıqlıq ərazinin UNO-ların eniş yeri olduğu iddia olunur.[2] Meşəyə gələnlər ürəkbulanma, narahatlıq, izlənilmək hissi və elektron cihazların sıradan çıxması kimi halları bildirmişdirlər.[5] Bəziləri meşədə geomaqnit anomaliyasının olduğunu və bunu paranormal hadisələrlə əlaqələndirirlər. Skeptiklər meşə ilə bağlı olan əfsanələrin heç bir əsasının olmadığını bildirmişdirlər.[2]
Meşə 2014-cü ildə paranormal hadisələri araşdıran "Kabus macəraçıları" sənədli serialının bir seriyasının mövzusu olmuşdur.[2] Qorxu janrında olan "Deadly Quiet" videooyununda hadisələr Hoyya-Baçu meşəsində baş verir.[6]
-
Dairəvi çəmənlik -
-
-
,_most_haunted_place_in_Hoia_Baciu.jpg)
.jpg)
.jpg)
.jpg)
- ↑ Bəzən sadəcə Hoyya meşəsi yazılır.
- ↑ 1 2 3 4 5 "Hoia-Baciu Forest". Atlas Obscura (ingiliscə). 19 fevral 2019. İstifadə tarixi: 8 may 2025.
- ↑ 1 2 3 4 Dunning, Brian. "Solving the Haunted Hoia-Baciu Forest". Skeptoid (ingiliscə). 24 may 2016. İstifadə tarixi: 8 may 2025.
- ↑ "Frights and sights in Transylvania: exploring haunted Hoia Baciu". The Guardian (ingiliscə). 29 oktyabr 2017. İstifadə tarixi: 8 may 2025.
- ↑ "Padurea Hoia-Baciu Cluj". cluj.com (rumınca). İstifadə tarixi: 8 may 2025.
- ↑ 1 2 3 4 Buchan, Sophie. "Hoia Baciu travel guide: Inside the creepiest forest in Transylvania". Independent (ingiliscə). 3 sentyabr 2021. İstifadə tarixi: 8 may 2025.
- ↑ "Silence Is Survival In First Look At Deadly Quiet". Game Spot (ingiliscə). 11 fevral 2025. İstifadə tarixi: 8 may 2025.
Vikianbarda Hoyya-Baçu meşəsi ilə əlaqəli mediafayllar var.