Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHisaşi Kimura (木村 栄, Kimura Hisaşi?, 10 sentyabr 1870, Kanazava – 26 sentyabr 1943, Setaqaya, Tokio) – Yaponiya astronomu. O, coğrafi enliklərin variasiyalarını müşahidə edərək onları hesablamaq üçün bərabərlik tərtib etmişdir.[2]
| Hisaşi Kimura | |
|---|---|
| yap. 木村栄 | |
 | |
| Doğum tarixi | 10 sentyabr 1870 |
| Doğum yeri | |
| Vəfat tarixi | 26 sentyabr 1943 (73 yaşında) |
| Vəfat yeri | |
| Təhsili | |
| Fəaliyyəti | astronom |
| Üzvlüyü |
|
| Mükafatları |
  |
 Vikianbarda əlaqəli mediafayllar | |
Hisaşi Kimura 1870-ci ildə Yaponiyanın İşikava prefekturasının Kanazava şəhərində doğulmuşdur.[2] 1892-ci ildə Tokio Universitetinin nəzdində olan Elm kollecinin astronomiya fakültəsindən məzun olmuşdur.[2] Daha sonra Tokio Astronomiya Rəsədxanasında işləməyə başlamış və 1899-cu ildə Mizusava Enlik Rəsədxanasının ilk direktoru seçilmişdir.[2] Bu rəsədxana Beynəlxalq Enlik Xidmətinin yaranması ilə əlaqədar olaraq qurulmuş 6 stansiyadan biri idi.[2] Kimura burada qütblərin hərəkəti nəticəsində yaranan enlik variasiyalarını tədqiq etməyə başlamışdır.[2]
Həmin dövrdə qütblərin hərəkətindəki dalğalanmanı ifadə etmək üçün iki termdən istifadə olunsa da, stansiyalarda müşahidə olunan variasiyalar gözlənilməz nəticələr vermişdi.[2] Kimura 1902-ci ildə müşahidə olunan enlik variasiyalarının 3 termlə daha yaxşı ifadə olunacağını bildirmişdir və təqdim etdiyi term Kimura termi adlanmağa başlamışdır.[2] Kimuranın 1902-ci ildəki qeydləri "Astronomical Journal" və "Astronomische Nachrichten" jurnallarında nəşr olunmuşdur.[2]
Kimura Kral Astronomiya Cəmiyyətinin Qızıl medalına və Yaponiya Elmlər Akademiyasının mükafatına layiq görülmüşdür.[2] 1937-ci ildə "Mədəniyyət" ordeninə layiq görülən ilk şəxs olmuşdur.[3] Ayda yerləşən Kimura krateri onun şərəfinə adlandırılmışdır.[2]
- Biographical Encyclopedia of Astronomers (ingiliscə). Springer. 2007. səh. 634-635. ISBN 9780387304007. İstifadə tarixi: 19 sentyabr 2022.
- Kodansha Encyclopedia of Japan (ingiliscə). IV cild (J–Libe). Tokio: Kodansha. 1983. səh. 211. ISBN 0-87011-624-7. İstifadə tarixi: 19 sentyabr 2022.