Hindistan mediası — Hindistan Respublikasında yerləşən kütləvi informasiya vasitələri. XVIII əsrin sonlarından bəri populyarlığını artırmışdır. Hindistan mediası əslində dünyanın ən qədim media nümunələrindən biridir. Televiziya, kino, qəzet, radio, internet əsaslı veb-saytlar və jurnallar Hindistanın media sektorunda istifadə olunan ünsiyyət vasitələrindən sadəcə olaraq bəziləridirlər. Hindistanda media sənayesinin ən böyük gəlir mənbələrini təmin edən şirkətlər, qazancını əsasən reklamlardan, müəllif hüquqlarından və abunəliklərdən əldə edirlər. Hindistanda izləmə və qiymətləndirmə fəaliyyəti artan istehlakçı tələbi və yüksələn reklam gəlirləri ilə dəstəklənən möhkəm genişlənmə mərhələsinin astanasındadır və dünyanın qalan hissəsinə qarşı dayanıqlığını nümayiş etdirir. FICCI-EY hesabatına görə, reklamların ÜDM-də (Ümumi Daxili Məhsul) payının 2019-cu ildə 0,38 faizdən 2025-ci ilə qədər 0,4 faizə yüksələcəyi gözlənilir.
2024-cü ildə Hindistanda media sektorunun 40 faizinin televiziya, 13 faizinin yazılı mətbuat, 12 faizinin rəqəmsal reklam, 9 faizinin kino, 8 faizinin OTT (ing. Over-The-Top, internet vasitəsilə yayımlanan məzmun xidmətləri) və oyun sahəsi təşkil edəcəyi proqnozlaşdırılır.
Hindistan, 2018-ci ildə təxminən 240 milyon nüsxə tirajı ilə dünyanın ikinci ən böyük qəzet bazarı olmuşdur. 2018-ci ilin mart ayının sonunda Hindistan Qəzetlərinin Qeydiyyatı İdarəsində 100.000-dən çox nəşr qeydə alınmışdır. Hindistan 1.600-dən çox peyk kanalına (təxminən 400-ü xəbər kanalıdır) və dünyanın ən böyük qəzet bazarına malikdir, həmçinin gündə 1 milyondan çox qəzet nüsxəsi satılır.[1][2]
Hindistanda iqtisadi islahatlar 1991-ci ildə başlamış və qloballaşmanın, eləcə də dünya miqyasında iqtisadi əlaqələrin yeni bir dövrünü açmışdır. Hindistanın iqtisadi islahatlarına qismən ölkədə yüksək internet istifadəsi də kömək etmişdir. Hindistan Milli İnformasiya Texnologiyaları və Proqram Təminatının İnkişafı üzrə İşçi Qrupu informasiya texnologiyalarının inkişafını əsas beş hədəfindən biri kimi prioritetləşdirmiş Atal Bihari Vacpayenin (ing. Atal Bihari Vajpayee) yeni hökuməti tərəfindən yaradılmışdır. 1998-ci ildə isə, internet artıq Hindistanda möhkəmlənmişdi. 2010-cu ildə Hindistandakı internet istifadəçilərinin sayı 100 milyon idi və bu isə öz növbəsində, ölkə əhalisinin 8,5 faizini təşkil edirdi. Həmin ildə Hindistanda 13 milyon genişzolaqlı internet istifadəçisi mövcud idi ki, bu da Hindistanı genişzolaqlı internet istifadəçilərinin sayına görə dünyanın ən böyük onuncu ölkəsinə çevirmişdi.
Hindistanda internet və rəqəmsal nəşriyyat 2000-ci illərin əvvəllərində populyarlaşmışdı. Ənənəvi çap qəzetləri və jurnallar öz nəşrlərinin rəqəmsal versiyalarını hazırlayan və təqdim edənlər arasında olmuşdular. Hazırda rəqəmsal xəbər saytları, jurnallar, xəbər portalları və nəşriyyat şirkətləri də daxil olmaqla bir çox onlayn nəşr Hindistanda fəaliyyət göstərir.[3][4]
- ↑ "Internet usage in India". səh. Statista. İstifadə tarixi: 5 aprel 2022.
- ↑ "Are Indian newspapers heading towards a paywall model?". Roy, Tasmayee Laha. 22 may 2020.
- ↑ "Media & Entertainment Industry in India - Indian Media Industry". www.investindia.gov.in (ingilis). 10 dekabr 2017 tarixində arxivləşdirilib. İstifadə tarixi: 7 may 2022.
- ↑ "Media and Entertainment Industry in India, Indian Media Industry" (ingilis). 31 mart 2022 tarixində arxivləşdirilib. İstifadə tarixi: 7 may 2022.
- Burra, Rani Day & Rao, Maithili (2006), "Cinema", Encyclopedia of India (vol. 1) edited by Stanley Wolpert, pp. 252–259, Gale (publisher), ISBN 0-684-31350-2.
- Chand, Vikram K. (2006), Reinventing public service delivery in India: Selected Case Studies, SAGE Publishing, ISBN 0-7619-3489-8.
- Desai, Ashok V. (2006), "Information and other Technology Development", Encyclopaedia of India (vol. 2) edited by Stanley Wolpert, pp. 269–273, Thomson Gale, ISBN 0-684-31351-0.
- Schwartzberg, Joseph E. (2008), India, Encyclopædia Britannica.
- Sharma, Shalendra D. (2006), "Globalisation", Encyclopaedia of India (vol. 2) edited by Stanley Wolpert, pp. 146–149, Thomson Gale, ISBN 0-684-31351-0.
- Thomas, Raju G. C. (2006), "Media", Encyclopaedia of India (vol. 3) edited by Stanley Wolpert, pp. 105–107, Thomson Gale, ISBN 0-684-31352-9.
- Watson, James L. (2008), Globalisation, Encyclopædia Britannica.
- Wolcott, P. & Goodman, S. E. (2003), Global Diffusion of the Internet – I India: Is the Elephant Learning to Dance?, Communications of the Association for Information Systems, 11: 560–646.
- Malone, David M., C. Raja Mohan, and Srinath Raghavan, eds. The Oxford handbook of Indian foreign policy (2015) excerpt pp 259–270.
- Devi, Sudeshna. "Making Sense of "Views" Culture in Television News Media in India". Journalism Practice (ingilis). 13 (9). 2019-10-21: 1075–1090. doi:10.1080/17512786.2019.1635041. ISSN 1751-2786.