Hindistan-Pakistan qarşıdurması — Hindistan və Pakistan arasında 2025-ci il 23 apreldən başlayan qarşıdurmadır.[1]
| Hindistan-Pakistan qarşıdurması | |||
|---|---|---|---|
 | |||
| Tarix | 23 aprel 2025 - indiyınə qədər | ||
| Yeri | Kəşmir, Azad Kəşmir, Pəncab | ||
| Münaqişə tərəfləri | |||
|
|
|||
| Komandan(lar) | |||
|
|
|||
|
|
|||
Bundan əvvəl 22 aprel 2025-ci ildə Cammu və Kəşmirin Baysaran vadisində 25-i hindu turist, bir xristian turist və yerli müsəlman olmaqla 27 nəfərin ölümünə, həmçinin 20-dən çox insanın yaralanmasına səbəb olan Pahalqam hücumu törədildi. Müqavimət Cəbhəsi (TRF) əvvəlcə hücuma görə məsuliyyəti öz üzərinə götürdü. Hindistan Pakistanı hücuma sponsorluq etməkdə ittiham etdiyi üçün qarşıdurmalar iki ölkə arasında yaranan diplomatik böhranla müşayiət olundu. Hindistan Pakistan diplomatlarının ölkədən çıxarılması təşəbbüsü ilə çıxış etdi, öz diplomatik heyətini geri çağırdı, viza xidmətlərini dayandırdı, sərhədlərini bağladı və Hind Suları Müqaviləsindən çıxdığını elan etdi.[2][3] Pakistan isə iddiaları rədd edərək ticarət məhdudiyyətləri, hava məkanı və sərhəd keçidlərinin bağlanması və Shimla razılaşmasının dayandırılması ilə cavab verdi. Hindistanın Nazirlər Kabinetinin Təhlükəsizlik Komitəsi (CCS) də Hindistan vətəndaşlarını Pakistana səyahət etməkdən çəkinməyə çağırıb və hazırda ölkədə olanları ilk fürsətdə geri qayıtmağa çağırıb.
24 aprel və 6 may tarixləri arasında Pakistan və Hindistan sərhədyanı atəş və artilleriya atəşi də daxil olmaqla ağır atışmalarla məşğul oldular. 7 may 2025-ci ildə Hindistan, Sindoor əməliyyatı kod adlı Pakistana raket zərbələri endirdi. Hindistana görə, raket zərbələri "Ceyş-i-Məhəmməd" və Ləşkər-e-Taibə adlı silahlı qruplaşmaları hədəf alıb. Pakistanın məlumatına görə, Hindistan zərbələri mülki əraziləri, o cümlədən məscidləri hədəf alıb və nəticədə 31 pakistanlı mülki şəxs həlak olub. Zərbələrə cavab olaraq Pakistan bir sıra Hindistan təyyarələrini vurduqlarını və Hindistan infrastrukturunu zədələdiyini bildirib.
- ↑ Masood, Salman. "Crisis Deepens for India and Pakistan Over Kashmir Attack". The New York Times. The New York Times. 24 April 2025. İstifadə tarixi: 24 April 2025.
- ↑ "What is The Resistance Front, the militant group linked to Pahalgam attack?". Reuters. Shilpa Jamkhandikar. 23 April 2025 tarixində arxivləşdirilib. İstifadə tarixi: 24 April 2025.
- ↑ "LASHKAR-E-TAYYIBA". un.org. 6 November 2024 tarixində arxivləşdirilib. İstifadə tarixi: 23 August 2010.