Hind-Malaya və ya Hind-Malaya zonası — Cənubi və Cənub-Şərqi Asiya ərazilərini əhatə edən biocoğrafi region. Malay və Hindistan yarımzonalarına ayrılır.
Hind-Malaya zonası Alfred Uolles tərəfindən müəyyən edilmişdir[1] və aşağıda göstərilmiş yarımzonalardan ibarətdir:
- Malay yarımzonası;
- Zond yarımzonası;
- Hindistan və Hind-Çin yarımzonaları;
- Filippin yarımzonası;
- Sulavesi yarımzonası;
- Papuasiya yarımzonası.
Hind-Malaya regionunda əsasən meşə faunası üstünlük təşkil edir. Bu zonada arekakimilər[2] və ev toyuğu kimi növlər təkamül keçirmişdir[3]. Regionda təxminən 1900 quş növü yaşayır;[3] bunlara demək olar ki, bütün qırqovullar daxildir. Həmçinin də ən qədim doqquz lifistiomorf hörümçək növündən yeddisi bu zonada yayılmışdır. Bu zonada pandalar, yunqanadlar, tupaylar, oranqutanlar, hibbonlar, proboscis meymunları, lanqurlar, makakaların bir növü istisna olmaqla hamısı, qaviallar, yekəbaş tısbağalar, Kalimantan qulaqsız varanı, uropeltidae, acrochordus,canavarlar, kirpilər, marallar, antiloplar, panqolinlər, zolaqlı kaftarlar, kərgədanlar, buqələmunlar, adi Asiya fili yaşayır.[4]
1970-ci illərdən etibarən, Hind-Malaya tropik meşələri regionda kənd təsərrüfatı sahəsinin inkişafı ilə əlaqədar olaraq ciddi dəyişikliklərə məruz qalmışdır. 1950-1990-cı illər arasında bu zonada yerləşən torpaq sahələrinin təxmini olaraq beş faizi əkin sahələrinə çevrilmiş və bu da öz növbəsində bir çox növün yaşayış mühitinin itirilməsinə səbəb olmuşdur.[5]
- ↑ Şablon:Кругосвет
- ↑ Şablon:Кругосвет
- ↑ 1 2 Şablon:Кругосвет
- ↑ Акимушкин Игорь. Первопоселенцы суши. Мысль. 1972.
- ↑ WWF. "Живая Планета" (PDF) (rus). WWF. 2006. 9 iyul 2011 tarixində arxivləşdirilib (PDF). İstifadə tarixi: 10 iyul 2013.
- Wikramanayake, E., E. Dinerstein, C. J. Loucks, D. M. Olson, J. Morrison, J. L. Lamoreux, M. McKnight, and P. Hedao. 2002. Terrestrial ecoregions of the Indo-Pacific: a conservation assessment. Island Press, Washington, DC, USA, [1].
- Половинкин Александр Александрович. Основы общего землеведения: Учебник для педагогических институтов. Государственное учебно-педагогическое издательство Министерства просвещения РСФСР. 1958.
- Каропа Г. Н., Михалкина Е. Н. Словарь терминов и понятий по курсу «биогеография с основами экологии». Учреждение образования «Гомельский государственный университет имени Франциска Скорины». 2008. ISBN 985-439-166-3.