Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHina Suquta (直田 姫奈, Suquta Hina?, 17 aprel 1995, Hyoqo prefekturası) – Yaponiya səs aktrisası və müğənnisi. "My Dress-Up Darling" anime serialında Marin Kitaqavanı səsləndirməsinə görə tanınır. "Morfonica" qrupunun gitaraçısıdır.
| Hina Suquta | |
|---|---|
| yap. 直田 姫奈 | |
| Doğum tarixi | |
| Doğum yeri | |
| Fəaliyyəti | seyyu |
Hina Suquta 17 aprel 1995-ci ildə Yaponiyanın Hyoqo prefekturasında doğulmuşdur.[1] Orta məktəb illərində "Gintama", "One Piece", "Bleach" animelərini, lisey illərində "Free!" və "Uta no Prince-sama" animelərini bəyəndiyini qeyd etmişdir. Liseydə oxuyarkən akustik gitarada ifa etməyə başlamış, xüsusilə, Yuinin fanatı olmuşdur. O, bütün cib xərcliyini yığaraq akustik gitara aldığını və məktəbdən sonrakı bütün vaxtını təkbaşına praktika edərək keçirdiyini qeyd etmişdir. Yuinin ilk əsas sinqlı olan "Feel My Soul" sinqlının ən sevdiyi mahnı olduğunu bildirmişdir.[2] Bir müddət Sinqapur və Honkonqda yaşamış, Yaponiyaya qayıtmazdan öncə ingilis dilini öyrənmişdir.[3]
Universitetdən məzun olduqdan sonra bağça müəllimi kimi işləməyə başlamış, lakin universitetdə birlikdə oxuduğu dostu Çiharu Hokazenin təklifi ilə seyyu olmağa qərar vermişdir.[2][3] 2018-ci ildə "Afterlost" mobil oyunundakı Haruka rolu ilə debüt etmişdir. O, oyunun dünyasında yer alan "SPR5" idol qrupunun üzvü seçilmişdir.[4] 2018-ci ildə "BanG Dream!" franşizası üçün yaradılmış "Morfonica" qrupunun gitaraçısı olmuş, Toko Kiriqayanı canlandırmışdır.[5] 2023-cü ildə "Ən yaxşı yeni aktyor" kateqoriyasında Seyyu Mükafatının qaliblərindən biri olmuşdur.[6]
17 aprel 2024-cü ildə – 29-cu ad günündə "Nippon Columbia" leyblı altında "Lavender Blue" sinqlını buraxaraq solo müğənni kimi debütünü gerçəkləşdirmişdir. 4 may 2024-cü ildə "Supernova Kawasaki"də ilk solo konserti baş tutmuşdur.[7] 2025-ci ildə ilk musiqi albomunu və CD-sini buraxmışdır.[8]
Hina Suquta "My Dress-Up Darling" (2022–2025) animesində Marin Kitaqavanı,[9] "Silent Witch" animesində Keysi Qrovsu[10] səsləndirmişdir.
Özündən kiçik bir bacısı var.[2]
- ↑ "直田 姫奈". Animo Produce (yaponca). 9 yanvar 2022 tarixində arxivləşdirilib. İstifadə tarixi: 19 sentyabr 2025.
- ↑ 1 2 3 "直田姫奈「私にとってはアニメの世界に入るための手段が声優でした」【声優図鑑】". "Da Vinci" jurnalı (yaponca). 19 iyul 2021. İstifadə tarixi: 19 sentyabr 2025.
- ↑ 1 2 "Who voices Marin Kitagawa in My Dress-Up Darling anime? Relative newcomer Hina Suguta". LeoSigh (ingiliscə). 29 mart 2022. 20 may 2022 tarixində arxivləşdirilib. İstifadə tarixi: 19 sentyabr 2025.
- ↑ "消滅都市」，ゲーム内アイドルグループ「SPR5」のデビューが決定". 4gamer.net (yaponca). 7 may 2018. İstifadə tarixi: 19 sentyabr 2025.
- ↑ "BanG Dream! Announces New Violin Rock Band Morfonica". Anime News Network (ingiliscə). 7 mart 2020. İstifadə tarixi: 19 sentyabr 2025.
- ↑ "Chika Anzai, Takuya Eguchi, Atsumi Tanezaki Win 17th Annual Seiyū Awards". Anime News Network (ingiliscə). 11 mart 2023. İstifadə tarixi: 19 sentyabr 2025.
- ↑ "直田姫奈：「着せ恋」「バンドリ！」声優がアーティストデビュー 4月17日の誕生日に". MantanWeb (yaponca). 7 yanvar 2024. İstifadə tarixi: 19 sentyabr 2025.
- ↑ "直田姫奈：「着せ恋」「バンドリ！」声優がCDデビュー 2025年初夏に初アルバムリリース". MantanWeb (yaponca). 3 mart 2025. İstifadə tarixi: 19 sentyabr 2025.
- ↑ "My Dress-Up Darling Anime's Video Unveils Cast, January Debut". Anime News Network (ingiliscə). 24 oktyabr 2021. İstifadə tarixi: 19 sentyabr 2025.
- ↑ "Silent Witch Anime's 2nd Video Unveils More Cast, Theme Song Artists, July 4 TV Debut". Anime News Network (ingiliscə). 10 may 2025. İstifadə tarixi: 19 sentyabr 2025.