Hikmət Quliyev
Hikmət Quliyev (tam adı:Quliyev Hikmət Valeh oğlu; 10 aprel 1985, Zəngilan rayonu) — Azərbaycan folklorşünası, filoloqu, filologiya elmləri doktoru, dosent, AMEA-nın Folklor İnstitutunun direktoru (2025)[1][2].
| Hikmət Quliyev | |
|---|---|
| Quliyev Hikmət Valeh oğlu | |
 | |
| Doğum tarixi | |
| Doğum yeri | Azərbaycan SSR, Zəngilan rayonu |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Uşağı | 2 |
| Elm sahələri | filologiya,folklor |
| Elmi dərəcəsi | filologiya elmlər doktoru |
| Elmi adı | dosent |
| İş yeri | AMEA Folklor İnstitutu (direktor) (2025) |
| Alma-mater | Bakı Dövlət Universiteti |
| Təhsili | |
| Üzvlüyü | |
.svg){kind=small}
Hikmət Quliyev Azərbaycanda İnternet-folkloru üzrə Elmlər doktoru dərəcəsini almış ilk alimdir [3].
Hikmət Quliyev 10 aprel 1985-ci ildə Zəngilan rayonunda anadan olub. 1991-2002-ci illərdə Zəngilan rayon 7 saylı orta məktəbi bitirib. 2002–2006-cı illərdə Bakı Dövlət Universitetinin Filologiya fakültəsinin bakalavr, 2006–2008-ci illərdə magistratura pillələrini fərqlənmə diplomları ilə bitirmişdir. 2008-2009-cu illərdə Azərbaycan Respublikası Daxili Qoşunlarında hərbi xidmətdə olmuşdur.
Hikmət Quliyev ailəlidir, iki övladı var.
Hikmət Quliyev 2005-ci ildə AMEA Folklor İnstitutu, Mifologiya şöbəsində böyük laborant müvafiq olaraq, kiçik elmi işçi, elmi işçi, böyük elmi işçi və aparıcı elmi işçi vəzifələrində çalışmışdır. 2010–2013-cü illərdə Bakı Dövlət Universitetinin Filologiya fakültəsində akademik məsləhətçi vəzifəsində işləmişdir. 2010-2013-cü illərdə Bakı Dövlət Universitetinin Filologiya fakültəsində akademik məsləhətçi vəzifəsində işləmişdir. 2013-2025-ci illərdə AMEA Rəyasət Heyətinin elmi katibi vəzifəsində çalışmışdır 2023-cü ildən Xəzər Universitetində Azərbaycan humanitar təhsil sistemi üçün yeni bir fənn sahəsi olan "İnternet folkloru"nu magistratura pilləsində tədris edir. 2005-ci ildən Yeni Azərbaycan Partiyasının üzvüdür.
Ulakbim Dergipark Elmi platformasında bir sıra xarici jurnalların Redaksiya heyətinin üzvü və Azərbaycan üzrə təmsilçisidir. 2016–2019-cu illərdə Azərbaycan Dövlət Televiziyası (AzTv) ilə AMEA-nın birgə layihəsi olan və 60 buraxılışı efirdə yayımlanan "Elm və innovasiya" elmi–publisistik proqramının redaktoru olmuşdur.[1]
2015-ci ildə AMEA Folklor İnstitutunda "Azərbaycan folklorunda Müdrik qoca arxetipi" mövzusunda dissertasiyasını uğurla müdafiə edərək filologiya üzrə fəlsəfə doktoru elmi dərəcəsini almışdır. 2018-ci ildə folklorşünaslıq üzrə dosent elmi adına layiq görülmüşdür. 2024-cü ildə "İnternet folkloru: nəzəri–metodoloji kontekst və folklorik məna yaradıcılığı" mövzusunda filologiya elmləri doktoru dissertasiyasını uğurla müdafiə etmişdir [4]. Ali Attestasiya Komissiyası Rəyasət Heyətinin 20 iyun 2025-ci il tarixli Qərarı ilə filologiya elmləri doktoru elmi dərəcəsi almışdır [5].
Azərbaycan Milli Elmlər Akademiyası Rəyasət Heyətinin qərarı ilə Fəxri Fərman və AMEA-nın 80 illik yubileyi münasibətilə Döş nişanı ilə təltif edilmişdir.
Nüfuzlu beynəlxalq bazalarda (Web of Science, Scopus və s.) indeksləşən jurnallarda 4 məqaləsi dərc olunmuşdur. Google Scholar profilində 21 sitat gətirilmə, 2 h-indeksi və 50-dən çox nəşri olan Hikmət Quliyev, İnternet folklorunun öyrənilməsinə mühüm töhfələr vermişdir[6]. Hikmət Quliyevin Academia.edu elmmetrik bazasında isə 2142 ictimai baxış vardır [7] ResearchGate bazasında isə 4506 oxunma sayı vardır [8][9].
Hikmət Quliyev 100-dən artıq elmi məqələnin və monoqrafiyaların müəllifidir. Onlardan bəziləri aşağıda qeyd edilənlərdir:
- (2020) Возможности использования фольклора в информационной безопасности[10][11]
- (2020) Psychoanalytic approach to the character of Mullah Nasreddin[12]
- (2022) İnternet Folkloru Bağlamında Parodik Kahraman Algısı: Sosyal Protesto Ve Yetişkinliğe Kültürel Geçiş[13][14]
- (2024) Embodiment of the Manhood in Folklore: Keeping Secret from Women in Azerbaijan in the Context of a Real and Virtual Social Environment[15]
- (2025) Language of internet folklore: Socio-technological environment and virtual communication[16]
Hikmət Quliyev 6 kitabın və 2 monoqrafiyanın müəllifidir.
- Müdrik qoca arxetipinin semantik strukturu və paradiqmaları. Bakı: Elm və təhsil, 2016. [17]
- Folklorun funksional strukturu: multidissiplinar kontekst (Sərxan Xavəri və Səfa Qarayevlə birgə). Bakı: Elm və təhsil, 2016.
- Virtual mühitdə folklor: ənənə və kommunikasiya. Bakı: Sabah, 2018. [18]
- Azərbaycan nağılları: obrazlar və funksiyalar (Səfa Qarayevlə birgə). Bakı: Savad, 2021.
- Zəngəzur folkloru: kollektiv yaddaşdan metaforik düşüncəyə (Sərxan Xavəri və Səfa Qarayevlə birgə). Bakı: Elm və təhsil, 2023. [19]
- Zengezur: Mekandan Anlama Folklorun Semantiği. (Sərxan Xavəri və Səfa Qarayevlə birgə). Bakı: Elm və təhsil, 2023.[1]
- ↑ 1 2 3 "Quliyev Hikmət Valeh oğlu" (az.). https://science.gov.az. İstifadə tarixi: 18 noyabr 2025.
- ↑ Hikmət Quliyev vəzifəyə təyin olundu
- ↑ https://science.gov.az/az/news/open/32931
- ↑ "HİKMƏT VALEH OĞLU QULİYEV" (az.). https://folklor.az. 11 dekabr 2025 tarixində arxivləşdirilib. İstifadə tarixi: 11 dekabr 2025.
- ↑ https://aak.gov.az/phd?full_name=Quliyev+Hikmət+Valeh&science=9&code=0&p_name=0
- ↑ https://scholar.google.com/citations?user=DGLa7x4AAAAJ&hl=ru
- ↑ https://science.academia.edu/HikmetGuliyev
- ↑ https://www.researchgate.net/profile/Hikmet-Guliyev
- ↑ "Hikmət Quliyev" (az.). https://iremb.anas.az. 16 dekabr 2025 tarixində arxivləşdirilib. İstifadə tarixi: 16 dekabr 2025.
- ↑ http://infosoc.iis.ru/article/view/527
- ↑ http://infosoc.iis.ru/article/view/527/425
- ↑ https://www.researchgate.net/publication/355584739_PSYCHOANALYTIC_APPROACH_TO_THE_CHARACTER_OF_MULLAH_NASREDDIN
- ↑ https://dergipark.org.tr/tr/pub/millifolklor/issue/73825/1049407
- ↑ https://www.millifolklordergisi.com/PdfViewer.aspx?Sayi=136&Sayfa=111
- ↑ https://eap-iea.org/index.php/eap/article/view/1212
- ↑ https://journals.indexcopernicus.com/search/article?articleId=4364648
- ↑ "Arxivlənmiş surət" (PDF). 28 mart 2024 tarixində arxivləşdirilib (PDF). İstifadə tarixi: 6 iyul 2025.
- ↑ https://www.researchgate.net/publication/331374818_VIRTUAL_MUHITD_FOLKLOR_NN_V_KOMMUNIKASIYA_SANAL_ORTAMDA_FOLKLOR_GELENEK_VE_ILETISIM_FOLKLORE_IN_VIRTUAL_ENVIRONMENT_TRADITION_AND_COMMUNICATION
- ↑ https://www.preslib.az/az/book/gCYq5pvnbSa2BFt
- Folklor: kənd konservatizmi, şəhər liberalizmi və internet karnavalizmi
- "Hikmet Guliyev" (türk). https://dergipark.org. 8 dekabr 2025 tarixində arxivləşdirilib. İstifadə tarixi: 8 dekabr 2025.
- "Hikmet Guliyev" (ingilis). https://science.academia.edu/. 9 dekabr 2025 tarixində arxivləşdirilib. İstifadə tarixi: 9 dekabr 2025.
- "Hikmet Guliyev" (ingilis). https://www.webofscience.com/wos/. 24 dekabr 2025 tarixində arxivləşdirilib. İstifadə tarixi: 24 dekabr 2025.