Hikmət Saleh oğlu Osmanov (30 iyul 1957, Azərbaycan, Quba rayonu, Cimi kəndi) — Azərbaycanın ictimai-siyasi xadimi, Quba rayonundan I və II çağırış millət vəkili, Dövlət İdarələri və İctimai Xidmət İşçiləri Həmkarlar İttifaqının sədri, "Tərəqqi" medalı laureatı, fəlsəfə doktoru.
| Hikmət Osmanov | |
|---|---|
| Osmanov Hikmət Saleh oğlu | |
| Doğum adı | Hikmət Saleh oğlu Osmanov |
| Doğum tarixi | |
| Doğum yeri | Quba rayonu, Cimi kəndi |
| Vətəndaşlığı |
 Azərbaycan |
| Elmi dərəcəsi | |
| Təhsili | |
| Mükafatları |
 |
1957-ci ildə Quba rayonunun Cimi kəndində anadan olmuşdur. Quba şəhər 2 saylı orta məktəbini bitirmişdir. Azərbaycan Dövlət Universitetinin biologiya fakültəsini, Bakı Ali Partiya Məktəbini (indiki İdarəçilik Akademiyası) və Bakı Dövlət Universitetinin hüquq fakültəsini bitirmişdir.
Əmək fəaliyyətinə 1979-cu ildə Quba rayonunda komsomol işində başlayaraq 1984-cü ilədək Azad komsomol komitə katibi, rayon komsomol komitəsinin katibi olmuşdur.
1984-cü ildən 1990-cı ilədək Quba rayon Partiya komitəsində təlimatçı, təşkilat şöbəsinin müdiri vəzifələrində çalışmış, Bakı Ali Partiya məktəbində əyani təhsil almışdır.
1991-ci ildən 1995-ci ilin sonunadək Quba sovxoz– texnikumunun direktoru vəzifəsində işləmişdir. I və II çağırış Azərbaycan Respublikası Milli Məclisinin deputatı olmuşdur.
2005-ci ilin sentyabr ayında Azərbaycan Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin sədri seçilmişdir və hal hazıradək həmin vəzifədə çalışır.
2021-ci ilin dekabr ayında Azərbaycan Həmkarlar İttifaqları Konfederasiyasının sədr müavini vəzifəsinə seçilmişdir.[1]
4 fevral 2008-ci ildə Azərbaycan Respublikası Prezidentinin sərəncamı ilə " Tərəqqi " medalı ilə təltif edilmişdir. Azərbaycan Respublikası Prezidentinin 21.10.2015-ci il tarixli Sərəncamına əsasən 3-cü dərəcəli "Vətənə xidmətə görə" ordeni ilə təltif edilib.
10 aprel 2012-ci ildə Ümumhəmkarlar İttifaqları Konfederasiyasının 20 illik yubiley döş nişanı ilə təltif olunmuşdur. 22 yanvar 2018-ci ildə – Azərbaycan Həmkarlar İttifaqları Konfederasiyasının 25 illik yubiley döş nişanı ilə təltif olunmuşdur. 6 may 2019-cu ildə Beynəlxalq Əmək Təşkilatının Fəxri Diplomu ilə təltif olunmuşdur.
Yeni Azərbaycan Partiyasının üzvüdür.
Kənd təsərrüfatı elmləri üzrə fəlsəfə doktorudur.
Türk və rus dillərini bilir.
Hər iki valdeyni müəllim işləmişdir.
Evlidir, iki övladı, dörd nəvəsi var.
- ↑ "Müavinlər". AHIK (az.). 2024-07-10 tarixində arxivləşdirilib. İstifadə tarixi: 2024-07-10.