Hakuyo Nakamura (中村白葉, Nakamura Hakuyo?, 23 noyabr 1890, Kobe – 12 avqust 1974) və ya doğum adı ilə Çozaburo Nakamura[1] – Yaponiya ədəbiyyatşünası və tərcüməçisi. Rus ədəbiyyatını tədqiq etmiş və bir çox rus yazıçısının əsərini yapon dilinə tərcümə etmişdir.
| Hakuyo Nakamura | |
|---|---|
| yap. 中村白葉 | |
 | |
| Doğum tarixi | 23 noyabr 1890 |
| Doğum yeri | |
| Vəfat tarixi | 12 avqust 1974 (83 yaşında) |
| Təhsili |
|
| Fəaliyyəti | tərcüməçi, nasir, ədəbiyyatşünas |
| Fəaliyyət illəri | 1914–1974 |
| Mükafatları |
 |
Hakuyo Nakamura 1890-cı ildə Yaponiyanın Kobe şəhərində doğulmuşdur. 1912-ci ildə Tokio Xarici Məktəbinin rus dili bölməsini bitirmişdir.[2] Tələbəlik illərində Masao Yonekava ilə birlikdə "Rus ədəbiyyatı" adlı jurnal nəşr etdirmişdir.[1]
Dəmiryolu İnstitutunda işləməsinə baxmayaraq özünü rus ədəbiyyatına həsr etməyə davam etmiş və 1915-ci ildə Fyodr Dostoyevskinin "Cinayət və cəza" romanını yapon dilinə tərcümə etmişdir. Bu, həmin romanın orijinal rus dilindən yapon dilinə ilk tərcüməsi olmuşdur.[2] Anton Çexov, Lev Tolstoy, Maksim Qorki, Nikolay Qoqol kimi rus yazıçıların əsərlərini yapon dilinə tərcümə etmişdir.[1]
Rus ədəbiyyatını tərcümə etdiyi və tanıtdığı üçün 1967-ci ildə SSRİ tərəfindən "Şərəf nişanı" ordeni ilə təltif olunmuşdur. 1971-ci ildə "Həyatımın 80 ili" adlı avtobioqrafik əsərini nəşr etmişdir. 1973-cü ildə Yaponiya İncəsənət Akademiyasının mükafatına layiq görülmüşdür.[2]
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 993. İstifadə tarixi: 6 sentyabr 2023.