Vikipediya ?

Hacalı Nəcəfov
Hacalı Nəcəf oğlu Nəcəfov
Hacalı Nəcəfov.jpeg
Doğum tarixi 13 fevral 1955(1955-02-13) (64 yaş)
Doğum yeri Hacıqabul şəhəri
Vətəndaşlığı Azərbaycan vətəndaşı
Milliyyəti Azərbaycanlı
İxtisası Kimya
Təhsili Ali

Həyatı

Hacalı Nəcəfoğlu 13.02.1955-ci il tarixində Hacıqabul (o zaman Qazıməmməd adlandırılan) şəhərində anadan olmuşdur. 1962-ci ildə 10 saylı (indiki 7 saylı) Hacıqabul dəmiryol məktəbinin I sinifinə getmiş, VIII sinfi bitirdikdən sonra təhsilini 5 saylı (indiki 1saylı) şəhər orta məktəbində davam etdirərək 1972-ci ildə orta təhsilini tamamlamışdır. Eyni ildə Azərbaycan Dövlət Universiteti (indi Bakı Dövlət Universiteti) Kimya Fakültəsinə daxil olmuşdur. Lenin təqaüdçüsü olaraq oxuduğu fakültədən 1977-ci ildə fərqlənmə diplomu ilə məzun olmuşdur. Evlidir, iki övladı var.

Fəaliyyəti

1977-ci ildə Azərbaycan Milli Elmlər Akademiyası Qeyri-üzvi və Fiziki Kimya İnstitutu (indi Akademik M. Nağıyev adına Kataliz və Qeyri-üzvi Kimya İnstitutu) Quruluş Kimyası Laboratoriyasında işə başlamışdır. 1978-ci ildə bu institutun aspiranturasına daxil olmuşdur. Görkəmli alim Professor Xudu Məmmədovun elmi rəhbərliyi ilə hazırladığı namizədlik dissertasiyasını 1983-cü lidə müdafiə etmişdir. 1983-85-ci illər arasında Quruluş Kimyası laboratoriyasında kiçik elmi işçi olaraq çalışmışdır. 1985-ci ildə indiki Bakı Dövlət Universiteti Kimya Fakültəsi Qeyri-üzvi kimya kafedrasında laboratoriya müdiri olaraq işə başlamış, 1986-cı ildə Çexoslovakiyada bir aylıq elmi ezamiyyətdə olmuşdur. 1992-ci ilə qədər BDU-nun qeyri-üzvü kimya kafedrasında baş laborant, baş mühəndis, aparıcı elmi işçi, asissent vəzifələrində çalışmışdır. 01.10.1992-ci il tarixindən 05.06.1995-ci il tarixinə qədər Türkiyədəki Ərzurum Atatürk Universiteti Fən-Ədəbiyyat Fakültǝsi Kimya Bölümündə sözləşməli müəllim olaraq çalışmışdır. 06.06.1995-08.01.1998-ci il tarixləri arasında Qars şəhərindəki Qafqaz Universiteti (Kars Kafkas Üniversitesi) Fən-Ədəbiyyat Fakültǝsi Kimya Bölümündə Yardımçı Dosent, 09.01.1998 – 20.10.2003 tarixlǝri arasında Dosent olaraq çalışmışdır. 21.10.2003-ci il tarixindən bəri həmin Bölümdə Professor olaraq çalışmaqdadır. Üniversiteti Fən-Ədǝbiyyat Fakültəsi Kimya Bölümü Başqanı olmağla birlikdə həmin fakültədə Qərb Dilləri və Ədəbiyyatları, Slavyan Dilləri və Ədǝbiyatları, Çağdaş Türk Ləhcələri və Ədəbiyyatları Bölümlərinin qurucu bölüm başqanlıqlarını da icra etmişdir. 2003-cü ildən etibarən Qafqaz Universiteti Qafqaz və Orta Asya Araşdırma Mərkəzi Müdürü vəzifəsini icra edir. Bir dönəm Qars Qafqaz Universiteti Rektorunun Qafqaz və Orta Asya ölkələri ilə əlaqələri üzrə müşaviri olmuşdur. Hal hazırda bu universitetin xarici əlaqələr şöbəsində Qafqaz və Orta Asiya ölkələri koordinatorudur. 2012-ci ildə YÖK tərəfindən Hauptman-Woodward Tibbi Araşdırma İnstitutuna (ABŞ) iki aylık elmi ezamiyyətə göndərilmişdir. 2015-ci ildə Atatürk Kültur Mərkəzinin Müxbir Üzvü seçilmişdir. 3 kitabın müəllifi, 4 kitabın redaktoru, 2 kitabın tərcüməçisidir. 230-dan çox elmi məqalənin müəllifidir. İngiltərə, Fransa, Slovakiya, İordaniya, Gürcüstan, Əlcəzair, Misir, Cənubi Afrika, İran, Qazaxıstan, Türkmənistanda keçirilən elmi konfraslarda məruzələrlə çıxış etmiş, 27 beynəlxalq konfransın kitablarında tezisləri çap olunmuşdur. Türkiyədə keçirilən kimya kongrelerinde etdiyi 44 məruzənin tezizləri də yayımlanıb.

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019