Hacıbala Ağahüseyn oğlu Hüseynov (13 yanvar 1912, Şüvəlan, Bakı qəzası – 8 yanvar 1967, Bakı) — vokalçı-aktyor, Azərbaycan SSR əməkdar artisti (1940).
| Hacıbala Hüseynov | |
|---|---|
| Doğum tarixi | 13 yanvar 1912 |
| Doğum yeri | |
| Vəfat tarixi | 8 yanvar 1967 (54 yaşında) |
| Vəfat yeri | |
| Fəaliyyəti | müğənni, aktyor |
| Fəaliyyət illəri | 1933–1967 |
| Teatr | Azərbaycan Dövlət Opera və Balet Teatrı |
| Mükafatları |
  |
Hacıbala Hüseynov 13 yanvar 1912-ci ildə Bakı qəzasının Şüvəlan kəndində anadan olmuşdur. O, orta məktəbi buradakı məktəbdə oxumuş, 1929-cu ildə Azərbaycan Dövlət Opera və Balet Teatrının xor heyətinə daxil olub. 1933-cü ildə truppaya solist götürülüb. Paralel olaraq kanservatoriyada oxuyan Hacıbala 1936-cı ildə təhsilini başa vurub.[1]
Hacıbala Hüseynov Üzeyir Hacıbəyovun "Koroğlu" operasında Həmzə bəy rolunun ilk ifaçısı olmuşdur. O, 1938 və 1959-cu illərdə Moskvada keçirilən Azərbaycan Ədəbiyyatı və İncəsənəti ongünlüyünün iştirakçısı olmuşdur.[1]
Hacıbala Hüseynov 8 yanvar 1967-ci ildə Bakı şəhərində vəfat etmişdir.
- "Azərbaycan SSR əməkdar artisti" fəxri adı — 23 aprel 1940
- "Şərəf nişanı" ordeni — 9 iyun 1959
| Tamaşa | Müəllif | Rol |
|---|---|---|
| Leyli və Məcnun | Üzeyir Hacıbəyov | |
| Əsli və Kərəm | Üzeyir Hacıbəyov | |
| Koroğlu | Üzeyir Hacıbəyov | Həmzə |
| Arşın mal alan | Üzeyir Hacıbəyov | |
| Nərgiz | Müslüm Maqomayev | |
| Şah İsmayıl | Müslüm Maqomayev | |
| Aşıq Qərib | Zülfüqar Hacıbəyov | Mahmud Güloğlan |
| Vətən | Qara Qarayev, Cövdət Hacıyev | Alman zabiti |
| Nizami | Əfrasiyab Bədəlbəyli | Kəmaləddin |
| Sevil | Fikrət Əmirov | Məmmədəli bəy |