Vikipediya ?

Hacı Sultanəli məscidi (Bakı)

Hacı Sultanəli məscidi — Bakı şəhərində yerləşən məscid.

Emojione1 1F3DB.svg
Hacı Sultanəli məscidi
Haji Sultan Ali Mosque in Baku.jpg
40°22′43″ şm. e. 49°49′46″ ş. u.
Ölkə Azərbaycan Azərbaycan
Şəhər WP baku siegel.png Bakı
Yerləşir S.Əsgərova küçəsi, 75
Sifarişçi Hacı Sultanəli
Tikilmə tarixi 1904-1910
Üslubu Şirvan-Abşeron memarlıq məktəbi
Vəziyyəti stabil
İstinad nöm.
Kateqoriya Məscid
Əhəmiyyəti Ölkə əhəmiyyətli
Commons-logo.svg Vikianbarda əlaqəli mediafayllar

Bakıda “Nizami” metrostansiyasının yaxınlığında yerləşən Hacı Sultanəli məscidi 1904-1910-cu illərdə dövrünün xeyriyyəçi və zəngin adamlarından olan Hacı Sultanəlinin vəsaiti hesabına tikilib.

Kifayət qədər tarixi olan bu məscid haqqında bu günümüzə demək olar ki, heç bir yazılı məlumat gəlib çatmayıb.

Hacı Sultanəli öz dövründə eyni görünüş və quruluşa malik olan 4 məscid tikdirib. Həmin məscidlər “Sovetskidə”, Ləş bağlarında, Balaxanı kəndində, biri isə bəzi ehtimallara görə xarici ölkələrin birində yerləşir.

Məscidin həyətində türk əsgərinin qəbri tapılıb.

Məscid iki mərtəbədən ibarətdir. Üst mərtəbədə qadınların, aşağı mərtəbə isə kişilərin namaz qılması üçün nəzərdə tutulub.

Məscidin dördkünc formada inşa olunub, günbəz və minarəsi var. Ancaq nədənsə minarənin tikintisi tam başa çatmamış qalıb. Hazırda məscidin qarşısında olan minarə sonradan tikilib.

Hacı Sultanəli məscidinin axundu Hacı Məhərrəmin dediyinə görə, sovet dövründən sonra inşa olunan minarənin tikintisi zamanı maraqlı bir məqama rast gəlinib.

Belə ki, minarə yenidən tikilərkən aparılan qazıntı işləri zamanı onun alt hissəsində Əhməd adlı türk əsgərinin meyiti tapılıb. Ehtimallara əsasən əsgər 1915-18-ci illərdə həmin dövrdə “Karamelni” deyilən ərazidəki erməni-müsəlman davası zamanı ermənilər tərəfindən qətlə yetirilib.

Mərhumun ruhuna hörmət əlaməti olaraq o, məscidin həyətində dəfn olunub. Tikinti işləri zamanı meyitin qalıqları toplanıb və hazırda məscidin minarəsinin alt hissəsində yenidən dəfn olunub. Onun xatirəsini yad etmək üçün minarənin alt hissəsinə lövhə vurulub.

Bəzi versiyalara görə isə o dövrlərdə, məscidin yaxınlığında zindan yerləşib.

Sovet dövründə Azkoncert kimi fəaliyyət göstərib. Sovet dövründə rejim məsciddən Azkonsert kimi istifadə edib. Burada konsert məşqləri keçirilib, qurumun mühasibatlığı, rəhbərliyi məsciddən ofis kimi istifadə edib. Ancaq məscidin görünüşünə və daxilinə heç bir xətər vurulmayıb.

Hacı Sultan Əli məscidinin dini icmasının sədri Mirrasim Məmmədov isə bildirib ki, Hacı Sultan Əli Ləş kəndində anadan olub.

“Ötən il Hacı Sultanəlinin nəvələri məscidə gəlmişdi. Onların dediyinə görə, Hacı Ləş kəndində anadan olub. Ancaq o, Balaxanı kəndində dəfn olunub. Düşünürük ki, Hacı Sultanəlinin Balaxanı qəbirsanlığındakı məzarınında bərpa işləri aparaq, baş daşın dəyişdirək”.

İstinadlar

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019