Həsən Sultan oğlu Zeynalov (1 yanvar 1951, Yengicə, Noraşen rayonu) — Azərbaycanın Türkmənistan və Əfqanıstandakı fövqəladə və səlahiyyətli səfiri.
| Həsən Zeynalov | |
|---|---|
| 23 dekabr 2015 – 29 avqust 2023 | |
| Əvvəlki | Vəhdət Sultanzadə |
| Sonrakı | Qismət Gözəlov[1] |
| 2 may 2016 – 28 iyul 2021 | |
| Əvvəlki | Vəhdət Sultanzadə |
| Sonrakı | İlham Məmmədov[2] |
| Şəxsi məlumatlar | |
| Doğum tarixi | 1 yanvar 1951 (74 yaş) |
| Doğum yeri | |
| Təhsili | |
| Fəaliyyəti | diplomat, səfir |
| Elmi fəaliyyəti | |
| Elm sahəsi | diplomatiya[3] |
|
|
|
| Təltifləri |
 |
Həsən Zeynalov 1951-ci ilin yanvar ayının 1-də Şərur rayonu Yengicə kəndində ziyalı ailəsində anadan olub. 1967-ci ildə orta məktəbi, daha sonra isə Azərbaycan Xalq Təsərrüfatı İnstitutunu bitirib.
- 1970–1983 – Bakı şəhər İcraiyyə Komitəsinin Texniki İnventarlaşdırma Bürosunda, texnik, mühəndis, baş mühəndis.
- 1983–1986 – Bakı şəhər Səbail rayonu İcraiyyə Komitəsinin Kommunal-Təsərrüfat İdarəsinin rəisi.
- 1986–1992 – Bakı şəhər İcraiyyə Komitəsinin Texniki İnventarlaşdırma Bürosunda, baş mühəndis.
- 1992 – Naxçıvan Muxtar Respublikası Ali Məclisinin ilk çağırış deputatı seçilib.
- 1992–2004 – Naxçıvan Muxtar Respublikasının Bakı şəhərindəki Daimi nümayəndəsi.
- 2004–2010 – Türkiyə Respublikasının Qars şəhərində Azərbaycan Respublikasının Baş konsulu.
- 2010–2015 – Türkiyə Respublikasının İstanbul şəhərində Azərbaycan Respublikasının Baş konsulu, eyni zamanda Azərbaycan Respublikasının Qara Dəniz İqtisadi Əməkdaşlıq Təşkilatı yanında Daimi nümayəndəsi.
- 2015–2023 – Azərbaycan Respublikasının Türkmənistanda Fövqəladə və səlahiyyətli səfiri[4][5]
- 2016–2021 – Azərbaycan Respublikasının eyni zamanda Əfqanıstan İslam Respublikasında Fövqəladə və səlahiyyətli səfiri[6][7]
Evlidir, üç övladı və beş nəvəsi var.
"Diplomatın tale yolu" adlı kitab Həsən Zeynalovun göstərdiyi səmərəli fəaliyyətə işıq salan təkzibedilməz faktlar, rəsmi və mətbu sənədlər, canlı xatirələr əsasında ədəbi-publisistik üslubda qələmə alınıb. Nəşrdə diplomat haqqında "İnsan ömrünə uvertüra", "İstiqlal mübarizəsi – milli təlatüm dövrü", "Qars: ermən fitnəkarlığı ilə mübarizə", "İstanbul dövrü fəaliyyəti: ziddiyyətlər içərisində" və digər yazılar yer alıb. Kitab "Şərq-Qərb" nəşriyyatında çap olunub, 680 səhifədən ibarətdir[8].
2019-cu ilin iyul ayında Həsən Zeynalov 2-ci dərəcəli "Vətənə xidmətə görə" ordeni ilə təltif olunub.[9]
- ↑ "Q.F. Gözəlovun Azərbaycan Respublikasının Türkmənistanda fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 2023-08-29 tarixində arxivləşdirilib. İstifadə tarixi: 2023-08-31.
- ↑ "İ.N.Məmmədovun Azərbaycan Respublikasının Əfqanıstan İslam Respublikasında fövqəladə və səlahiyyətli səfiri təyin edilməsi haqqında". 2023-08-31 tarixində arxivləşdirilib. İstifadə tarixi: 2023-08-31.
- ↑ Zeynalov, Həsən Sultan oğlu // Çex Milli Hakimiyyət Məlumat bazası.
- ↑ "H.S.Zeynalovun Azərbaycan Respublikasının Türkmənistanda fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı 23 dekabr 2015, 20:35". 2022-06-11 tarixində arxivləşdirilib. İstifadə tarixi: 2022-06-11.
- ↑ "H.S.Zeynalovun Azərbaycan Respublikasının Türkmənistanda fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı". 2023-08-29 tarixində arxivləşdirilib. İstifadə tarixi: 2023-08-31.
- ↑ "Azərbaycan Respublikasının Türkmənistanda fövqəladə və səlahiyyətli səfiri H.S.Zeynalovun iqamətgahı Aşqabad şəhərində olmaqla, eyni zamanda Azərbaycan Respublikasının Əfqanıstan İslam Respublikasında fövqəladə və səlahiyyətli səfiri təyin edilməsi haqqında". 2023-08-07 tarixində arxivləşdirilib. İstifadə tarixi: 2023-08-31.
- ↑ "H.S.Zeynalovun Azərbaycan Respublikasının Əfqanıstan İslam Respublikasında fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı". 2023-08-31 tarixində arxivləşdirilib. İstifadə tarixi: 2023-08-31.
- ↑ ""Həsən Zeynalov. Diplomatın tale yolu" kitabı çap olundu". 2018-01-10 tarixində arxivləşdirilib. İstifadə tarixi: 2018-01-15.
- ↑ "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2019-07-11 tarixində arxivləşdirilib. İstifadə tarixi: 2019-07-11.