Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHəsən Riyazi (fevral 1959, Sərab, Şərqi Azərbaycan ostanı – 19 avqust 2021, Tehran) — azərbaycanlı şair, jurnalist, tərcüməçi və həkim. Tehranda fəaliyyət göstərən azərbaycanlı şair və yazıçıların toplandığı "Arzu Karvanı", "Həbib Sahir Ədəbiyyat və Mədəniyyət Dərnəyi"nin qurucularındandır. 2003-cü ildən 2021-ci ilə qədər “Azəri” ədəbi dərgisinin baş redaktoru olub.
| Həsən Riyazi | |
|---|---|
| Təxəllüsü | İldırım |
| Doğum tarixi | |
| Doğum yeri | Sərab şəhəri |
| Vəfat tarixi | |
| Vəfat yeri | Tehran |
| Vəfat səbəbi | COVID-19 |
| Dəfn yeri | |
| Təhsili |
|
| Fəaliyyəti | şair, jurnalist |
| Tanınmış əsəri | Ana dili – Azərbaycan Türkcəsinin qrammatikası |
 Həsən Riyazi Vikimənbədə | |
Həsən Riyazi 1959-cu ilin fevral ayında Camalabad kəndində anadan olub. İbtidai məktəbi Heris şəhərində orta məktəbi isə Təbriz şəhərində oxuyub.[1] Orta təhsilini bitirdikdən sonra Tehranda yerləşən İran Tibb Elmləri Universitetində ali təhsil alıb.[2] Təhsilini bitirdikdən sonra onkoloq həkim kimi Tehranda yerləşən “Doktor Şəriəti” xəstəxanasında fəaliyyət göstərib.[1][2]
1975-ci ildən ədəbi fəaliyyətə başlayıb.[2][3] Tehranda fəaliyyət göstərən Azərbaycan ədəbi dərnəklərinin təsisçilərindən olub və jurnalistika ilə məşğul olub.[2] İran İslam İnqilabından sonra "Yoldaş" jurnalında yazıları ilə çıxış edib. Daha sonra digər həmkarları ilə birlikdə "Arzu Karvanı" adlı ədəbi dərnək yaradıb. Bu dərnək 1985-ci ilə qədər fəaliyyət göstərib. 1985-ci ildə "Həbib Sahir Ədəbiyyat və Mədəniyyət Dərnəyi"nin qurulmasında iştirak edib və dərnəyin idarə heyətinin üzvü və katibi olub. Tehranda fəaliyyət göstərən "Sabir ədəbi əncüməni" ilə əməkdaşlıq edib.[1] 2003-cü ildən 2021-ci ilə qədər “Azəri” ədəbi dərgisinin baş redaktoru olub.[3][4] "İldırım" ləqəbi ilə ədəbi fəaliyyət göstərib. “Ana dili – Azərbaycan Türkcəsinin qrammatikası" əsərini yazıb.[2][5]
Koronavirusa yoluxduqdan sonra 2021-ci il avqustun 19-da Tehranda müalicə aldığı xəstəxanada vəfat edib.[2][6] Avqustun 20-də Tehranda dəfn olunub.[2]
- ↑ 1 2 3 Başın sağ olsun Azərbaycan! Azərbaycan ədəbiyyatının ildırımı susdu (az.). Ədəbi körpü jurnalı. 2021. 12. 16 yanvar 2025 tarixində arxivləşdirilib. İstifadə tarixi: 22 sentyabr 2025.
- ↑ 1 2 3 4 5 6 7 Məlikoğlu, Hamid. "İran Azərbaycanının tanınmış şair və jurnalisti Həsən Riyazi vəfat edib". Voice of America (az.). 22 avqust 2021. İstifadə tarixi: 25 avqust 2025.
- ↑ 1 2 "Tanınmış azərbaycanlı şair Həsən Riyazi- İldırım vəfat edib". gadtb.com. 19 avqust 2021. 2 dekabr 2021 tarixində arxivləşdirilib. İstifadə tarixi: 22 sentyabr 2025.
- ↑ "Mehdi Dehkan Yazdı: İran Türklerinin ünlü şair ve yazarı Dr.Hasan Riyazi (Yıldırım) vefat etti". TARSAM (Tarih Stratejik Araştırmalar Merkezi) (türk). 17 may 2022 tarixində arxivləşdirilib. İstifadə tarixi: 25 avqust 2025.
- ↑ "Görkəmli Ziyalı Həsən Riyazi (İldırım) vəfat etdi". adfmk.com. 29 avqust 2021. 22 iyun 2025 tarixində arxivləşdirilib. İstifadə tarixi: 22 sentyabr 2025.
- ↑ Başın sağ olsun Azərbaycan! Azərbaycan ədəbiyyatının ildırımı susdu (az.). Ədəbi körpü jurnalı. 2021. 13. 16 yanvar 2025 tarixində arxivləşdirilib. İstifadə tarixi: 22 sentyabr 2025.