Hərbi-səhra məhkəməsi və ya Hərbi-səhra tribunalı — işğal olunmuş və azad edilmiş ərazilərdə fəaliyyət göstərən müvəqqəti kollegial ədalət orqanlarıdır. Müharibə zamanı və ya fövqəladə vəziyyətdə, bir qayda olaraq, döyüş əməliyyatları bitdikdən dərhal sonra qurulur.
Hərbi məhkəmə hərbi qanuna tabe olan silahlı qüvvələrin üzvlərinin təqsirini müəyyən etmək və müttəhimin təqsirli olduğu sübut olunarsa, onun cəzalandırılması barədə qərar vermək səlahiyyətinə malikdir. Bundan əlavə, hərbi məhkəmələr hərbi cinayətlərə görə hərbi əsirləri mühakimə etmək üçün istifadə edilə bilər. Cenevrə Konvensiyaları tələb edir ki, müharibə cinayətlərinə görə mühakimə olunan hərbi əsirlər, saxlanılan ordunun öz qüvvələri ilə eyni prosedurlara tabe olsunlar.[1][2]
1906-cı ilin avqustunda hərbi-səhra məhkəmələri təsis edilib. 1907-ci ilin aprelində hərbi-səhra məhkəmələri formal olaraq ləğv olunub. Onların işini hərbi dairə məhkəmələri davam etdirirdi.[3]
1920-ci ilin iyul ayının 9-da Nəriman Nərimanovun əmri ilə Hərbi-İnqilab Səhra Tribunalı yaradılıb.[4]
- ↑ "Arxivlənmiş surət". 2024-06-03 tarixində arxivləşdirilib. İstifadə tarixi: 2025-01-04.
- ↑ "Arxivlənmiş surət". 2024-06-03 tarixində arxivləşdirilib. İstifadə tarixi: 2025-01-04.
- ↑ "Tarixi". jlc.gov.az (az.). İstifadə tarixi: 2025-01-04.[ölü keçid]
- ↑ "Sovetlərin başkəsən "Hacı"sı". www.kaspi.az (az.). 2025-01-21 tarixində arxivləşdirilib. İstifadə tarixi: 2025-01-04.