Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHüseynzadə Bağı oğlu Həmidağa (13 avqust 1990, Bakı – 28 sentyabr 2020, Göygöl rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin kapitanı; 2020-ci ildə Qarabağ müharibəsi zamanı Murovdağ istiqamətində gecən xüsusi əməliyyat zamanı şəhid olub, ölümündən sonra "Qarabağ" ordeni ilə təltif edilib.[1]
| Həmidağa Hüseynzadə | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR |
| Vəfat tarixi | |
| Vəfat yeri | Göygöl rayonu, Azərbaycan |
| Dəfn yeri | 2 saylı Şəhidlər Xiyabanı |
| Vətəndaşlığı |
 Azərbaycan |
| Təhsili |
|
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2012—2020 |
| Rütbəsi | |
| Döyüşlər | |
| Təltifləri |
       |
Həmidağa Bağı oğlu Hüseynzadə 1990-cı il, avqustun 13-də Bakı şəhərində anadan olub.[2][1]
2008-ci ildə Nəsimi rayon A. Şaiq adına 54 nömrəli tam orta məktəbdən məzun olub.[1] 2008–2012-ci illərdə Heydər Əliyev adına Azərbaycan Ali Hərbi Məktəbinin Quru Qoşunları fakültəsində ali hərbi təhsil alıb.[3][4] 2013-cü ildə Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 24 iyun 2012-ci il tarixli əmri ilə "leytenant" hərbi rütbəsi, Silahlı Qüvvələrin Baş Qərargah rəisi, general-polkovnik Nəcməddin Sadıqovun 25 iyun 2019-cu il tarixli əmri ilə "kapitan" hərbi rütbəsi verilib.[1]
Azərbaycan Silahlı Qüvvələrində xidmət etdiyi 8 il ərzində motoatıcı taqım komandiri, motoatıcı taborun qərargah bölüyünün tank əleyhinə taqımının komandiri, xüsusi təyinatlı taborun xüsusi təyinatlı dəstəsinin xüsusi təyinatlı qrupunun baş kəşfiyyatçısı, xüsusi təyinatlı dəstənin xüsusi təyinatlı komandasının baş kəşfiyyatçısı, xüsusi təyinatlı dəstənin xüsusi təyinatlı komanda komandirinin müavini, xüsusi əməliyyat taborunun xüsusi əməliyyat qrupun komandirinin müavini vəzifələrində xidmət edib.[1] Tovuz, Ağdam və Füzuli rayonlarında fəaliyyət göstərib.[5]
2016-cı ilin 2–5 aprel döyüşlərində iştirak edib. Lələtəpə yüksəkliyinin alınmasında roluna görə Prezident İlham Əliyev onu müvafiq medallarla təltif edib.[6]
2020-ci il, sentyabrın 27-də başlanan Qarabağ müharibəsi zamanı Murovdağ zirvələri uğrunda gedən xüsusi əməliyyata qatılıb. Sentyabrın 28-də Göygöl rayonu istiqamətində döyüş tapşırığının icrası zamanı şəhid olub.[1]
Həmidağa Hüseynzadənin məzarı Bakıda, 2 saylı Şəhidlər Xiyabanında yerləşir.[5]
Atasının adı Bağı, anasının adı Gülnarədir. Amin adlı qardaşı var. Evli idi. Həmidə adında bir qızı var.[5]
Şəhadət günlərində (28 sentyabr) və doğum günlərində (13 avqust) Nəsimi rayonunda Yeni Azərbaycan Partiyası təşkilatı, Rayon İcra Hakimiyyəti, şəhid ailələri, qazilər və ictimaiyyət nümayəndələri tərəfindən xatirə tədbirləri keçirilir.[7][8][9] Elxan Yurdoğlu tərəfindən onun haqqında şeirlər yazılmışdır.[10]
Müxtəlif illərdə müdafiə nazirinin əmrləri ilə "Qüsursuz xidmətə görə" 3-cü dərəcəli və "Hərbi xidmətdə fərqlənməyə görə" 3-cü dərəcəli medalları, Azərbaycan Silahlı Qüvvələrinin 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
Müharibə zamanı xüsusi xidmətləri nəzərə alınaraq "Qarabağ" ordeni ilə[11], həmçinin "Kəlbəcərin azad olunmasına görə" və "Vətən uğrunda" medalları ilə təltif edilib.[12][13]
- ↑ 1 2 3 4 5 6 7 8 layihənin müəllifi, tərtibatçı-redaktor Abdulla Qurbani. "Vətən müharibəsi şəhidləri: Azərbaycan Ordusunun şəhid zabit və gizirləri:". Azərbaycan Prezidentinin İşlər İdarəsinin Prezident Kitabxanası ( (az.)). 01.10.2022. İstifadə tarixi: 01.10.2022.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ "Şəhidimiz Həmidağa Hüseynzadənin doğum günüdür". QHT.az. 13 avqust 2023. İstifadə tarixi: 23 oktyabr 2025.
- ↑ "Həmidağa Hüseynzadə: Qarabağ ordenli şəhid kapitan". Memorial.az. İstifadə tarixi: 23 oktyabr 2025.
- ↑ 1 2 3 ""Ana, sənə baxa bilmirəm, gülməyim tutur" - gülüşü ilə yaddaşlarda qalan KAPİTAN". Modern.az. 28 sentyabr 2021. İstifadə tarixi: 23 oktyabr 2025.
- ↑ "Həmidağa Hüseynzadə: Qarabağ ordenli şəhid kapitan". Memorial.az. İstifadə tarixi: 23 oktyabr 2025.
- ↑ "Vətən Müharibəsi şəhidi Həmidağa Hüseynzadə yad edilib". Xalq Qəzeti. 28 sentyabr 2024. İstifadə tarixi: 23 oktyabr 2025.
- ↑ "Hərbi Memorial Məzarlıqda 44 günlük Vətən müharibəsi şəhidləri Həmidağa Hüseynzadə və Rəşad Mikayılzadənin məzarları ziyarət olunub". Səs Qəzeti. 28 sentyabr 2025. İstifadə tarixi: 23 oktyabr 2025.
- ↑ "Vətən müharibəsi Şəhidi Hüseynzadə Həmidağa Bağı oğlunun şəhadət günüdür". Nəsimi Rayon İcra Hakimiyyəti. 28 sentyabr 2024. İstifadə tarixi: 23 oktyabr 2025.
- ↑ "Şəhid Kapitan Həmidağa Hüseynzadə". Cığır Birliyi. İstifadə tarixi: 23 oktyabr 2025.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Kəlbəcərin azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.