Həmid Vəliyev (15 iyul 1939, Sadaxlı, Marneuli rayonu) — ədəbiyyatşünas alim, professor, filologiya elmləri namizədi, Gürcüstan Respublikasının Əməkdar jurnalisti, Azərbaycan Respublikasının qabaqcıl təhsil işçisi.[1]
| Həmid Vəliyev | |
|---|---|
| Həmid Alı oğlu Vəliyev | |
 | |
| Doğum tarixi | |
| Doğum yeri | Borçalı |
| Vətəndaşlığı | Azərbaycan Respublikası |
| Milliyyəti | azərbaycanlı |
| Elmi dərəcəsi | filologiya elmləri namizədi |
| Elmi adı | professor |
| Təhsili | |
| Mükafatları |
 |
Həmid Vəliyev 15 iyul 1939-cu ildə Borçalı mahalının Sadaxlı kəndində anadan olub. 1966-cı ildə ADU-nun (indiki BDU-nun) Filologiya fakültəsinin Jurnalistika şöbəsini,[1] 1978-ci ildə Moskvada Sov. İKP MK yanında Ali Partiya Məktəbinin Jurnalistika fakültəsini bitirib.[2]
Həmid Vəliyev əmək fəaliyyətinə 1958-ci ildə Marneuli rayon qəzetində başlayıb. İlk oçerk və hekayələri yerli mətbuatda çap olunub.[2] Tbilisidə "Sovet Gürcüstanı" (indiki "Gürcüstan") qəzetində korrektor, baş korrektor (1960–1968), şöbə müdiri (1968–1972), redaktor müavini (1973–1991) vəzifələrində çalışıb.[3]
Həmid Vəliyev 1990-cı ildə Bakıya köçüb. Azərbaycan Prezidentinin himayəsi ilə nəşr olunan "Yurd" jurnalının Azərbaycan buraxılışına rəhbərlik etmiş (1991–1995), "El qəzeti"nin, "Mübarizə" və "Şəfqət" qəzetlərinin, "Borçalı" jurnalının baş redaktoru olub.[3] Daha sonralar isə Azərbaycan Respublikası Səhiyyə Nazirliyində Mətbuat xidmətinin rəhbəri vəzifəsində işləyib.[2]
Həmid Vəliyev 2004-cü ilin dekabrından BDU-nun Beynəlxalq Jurnalistika kafedrasının müdiri vəzifəsində çalışır. Jurnalistika fakültəsinin Elmi Şurasının üzvüdür.[2]Azərbaycanda beynəlxalq jurnalistika üzrə ilk dosent kimi rəhbəliyi altında 20-dən çox magistr dissertasiyası yerinə yetirilib, 3 nəfər doktorantın elmi rəhbəri olub.[1][4]
Həmid Vəliyev 2011-ci ilin iyul ayında BDU-nun professoru elmi adını alıb.[2]
Həmid Vəliyev artıq 40 ilə yaxındır ki, həm də elmi-pedaqoji fəaliyyətlə məşğuldur. Ötən əsrin 80-90-cı illərində A.S.Puşkin adına Tbilisi Dövlət Pedaqoji İnstitutunun (sonralar S.S.Orbeliani adına TDP Universitetinin) Azərbaycan bölməsində dərs deyib. 1992-ci ildən isə elmi-pedaqoji fəaliyyətini BDU-da davam etdirir.[1]
Həmid Vəliyev Tbilisidə və Bakıda çap olunmuş bir neçə kitabın, 400-ə yaxın elmi və elmi-publisistik məqalənin, "Azərbaycan folkloru və ədəbiyyatı gürcü mənbələrində" monoqrafiyasının (B.,1984), "Dünya informasiya agentlikləri" (B.,2003), "Beynəlxalq jurnalist təşkilatları" (B.,2005) adlı dərs vəsaitlərinin, "Xarici ölkələrin jurnalistikası tarixi" (B.,2012;B.,2014) dərsliyinin, "Mark Tven jurnalist kimi" (B.,2014) kitabının müəllifidir. Elmi əsərləri Türkiyədə, Moskvada, Tbilisidə, Kiyevdə, Alma-Atıda, Daşkənddə və digər yerlərdə çap olunub.[1]
Dünya publisistikasının incilərindən sayılan Amerika yazıçısı Deyl Karneginin "Dost qazanmaq və adamlara təsir göstərmək sənəti" əsərini Azərbaycan dilinə ilk dəfə tərcümə etmiş və kitab 1993-cü ildə "İşıq" nəşriyyatı tərəfindən kütləvi tirajla çap olunmuşdur.[1] Həmin kitabın təkrar nəşri 2014-cü ildə olmuşdur. Həmid Vəliyev 2015-ci ildə isə Şerl Sendberq Nell Skovelin "Fəallıqdan qorxma" adlı kitabını Azərbaycan dilinə çevirib və nəşr etdirib.[2]
- Azərbaycan dilində təhrif olunmuş şəkildə işlənən əcnəbi coğrafi adların düzgün variantları. "Yeni medianın humanitar aspektləri". H. Əliyevin 90 illik yubileyinə həsr olunmuş konfransın materialları. 07 may 2013., səh.16–22.
- Xudu kişi təkcə sazbənd yox, həm də sözbənd idi. "Sazbənd… Saza bənd…". "Elm və təhsil" Bakı-2013., səh 52–54.
- Azərbaycan dilində işlənən əcnəbi toponimlərdə təhriflər. Təfəkkür Universitetinin elmi xəbərlər jurnalı. № 1/2013., səh.102–10
- Sadaxlınım alim övladı Bakı "Müntərcim"2015 .11 ç. v.
- Azərbaycan folkloru və ədəbiyyatı gürcü mənbələrində (Monoqrafiya). B., 1984
- Deyl Karnegi. Dostu necə qazanmalı (Tərcümə). B., 1993
- Dünya informasiya agentlikləri (Dərs vəsaiti). B., 2003
- Beynəlxalq jurnalist təşkilatları (Dərs vəsaiti). B., 2005
- Vəliyev H. Xarici ölkələrin jurnalistikası tarixi. B., 2012
- Xarici ölkələri jurnalistikası tarixi Bakı " Poliqrafiya" 2014. Poliqrafiya" Bakı- 2014. . 640 s. 40.ç. v. (Dərslik)
- Mark Tven jurnalist kimi. Bakı, "Qanun" 2014.78 s.5ç.(Dərs vəsaiti)
- Dost qazanmaq və adamlara təsir göstərmək sənəti Deyl Karnergi. Bakı, "Qanun" 2014, 312s (Tərcümə)
- Şerl Sendberq Nell Skovel "Fəallıqdan qorxma" Bakı −2015 (Tərcümə)
- "Əməkdə fərqlənməyə görə" medalı(1970);
- Gürcüstan SSR Ali Soveti Rəyasət Heyətinin fəxri fərmanı (1972)";
- Gürcüstan SSR-in "Əməkdar jurnalisti" fəxri adı (1988);
- "Tərəqqi" medalı (2005);
- "Azərbaycan Respublikasının qabaqcıl təhsil işçisi" döş nişanı(2009);
- Azərbaycan Mətbuat Şurasının diplomu (2013)"[3]
- ↑ 1 2 3 4 5 6 "Professor Həmid Vəliyevin 80 illik yubileyi və "Ömür dedikləri" kitabının təqdimatı olub". azertag.az (az.). İstifadə tarixi: 2025-04-28.
- ↑ 1 2 3 4 5 6 "Professor Həmid Vəliyevin 80 yaşı tamam olur". ZiM.Az | "ZİYA" İnformasiya Mərkəzi (rus). 2025-04-28 tarixində arxivləşdirilib. İstifadə tarixi: 2025-04-28.
- ↑ 1 2 3 "Həmid Vəliyev: "Jurnalistika mənim taleyimdir" - MÜSAHİBƏ". sherg.az (az.). İstifadə tarixi: 2025-04-28.
- ↑ "Professor Həmid Vəliyevin 80 illik yubileyi qeyd olunub". ZiM.Az | "ZİYA" İnformasiya Mərkəzi (rus). 2025-04-28 tarixində arxivləşdirilib. İstifadə tarixi: 2025-04-28.
- Həmid Vəliyev
- Xarici ölkələrin jurnalistikası
- Həmid Vəliyev “Yuli Sezar” kitabını Azərbaycan dilinə tərcümə etdi
- Professor Həmid Vəliyevin 80 illiyi qeyd edildi
- Professor Həmid Vəliyev “Yuli Sezar” kitabını Azərbaycan dilinə tərcümə edib
- BDU-nun professoru Həmid Vəliyev “Qandi” kitabını Azərbaycan dilinə tərcümə edib
- BDU-nun kafedra müdiri: “Balzak deyirdi ki, "jurnalistikanı sevmirəm, hətta ona nifrət edirəm”