Həbib Füzuli oğlu Abdullayev (ləqəbi Müntəzir; 14 noyabr 1983, Bakı, Azərbaycan) — Azərbaycanlı araşdırmaçı jurnalist, bloqer, sosial media fenomeni və müstəqil media təsisçisi. Azərbaycanın ilk siyasi-satirik elektron jurnalı olan "Tin Söhbəti"nin[1] qurucusu, “Bizimki”[2] adlı ədəbi layihənin təsisçisi, "Fərq TV" və "Meydan TV" kimi müstəqil media layihələrinin təsisçilərindən biri. Siyasi mühacir kimi 2002-ci ildən etibarən Almaniyanın Berlin şəhərində yaşayır[3].
| Həbib Müntəzir | |
|---|---|
| Həbib Abdullayev | |
 | |
| Doğum tarixi | |
| Doğum yeri | Bakı, Azərbaycan |
| Milliyyəti | Azərbaycanlı |
| Fəaliyyəti | Jurnalist, bloqer |
| Fəaliyyət illəri | 2005- |
Həbib Abdullayev 1983-cü ildə Bakının Yasamal rayonunda, "Dağlı məhəlləsi"ndə anadan olub. 18 yaşına qədər burada yaşadıqdan sonra siyasi səbəblərlə Almaniyaya mühacirət edib. Yasamal rayonundakı 20 nömrəli məktəbi bitirdikdən sonra "Qərb Universiteti"ndə "Kompyuter Elmləri - Proqramlaşdırma" ixtisası üzrə təhsil alıb, lakin 2 il oxuduqdan sonra təhsilini yarımçıq qoyaraq Almaniyaya gedib.
Həbib Müntəzir hazırda Almaniyanın Berlin şəhərində yaşayır. Siyasi mühacir kimi fəaliyyətini davam etdirir. Müxtəlif media layihələri ilə müstəqil jurnalist kimi əməkdaşlıq edir, media təlimlərinin təşkili və sosial media təlimçisi kimi fəaliyyət göstərir.
Həbib Abdullayev 2005-ci ildə Azərbaycanın ilk siyasi-satirik elektron jurnalı olan "Tin Söhbəti"ni qurub. Bu platforma Azərbaycan hakimiyyətini və onun siyasətini satirik tənqid etdiyi üçün dəfələrlə ölkə daxilində bloklanıb. Layihə müxtəlif beynəlxalq təşkilatların hesabatlarında öz əksini tapıb.
2007-ci ildə gənc ədəbiyyatsevərlərlə birgə “Bizimki” adlı onlayn platforma təsis edib. Həmin platformada gənc şairlər, yazıçılar, tənqidçilər və ədiblərin əsərləri yayımlanırdı, müzakirələr edilirdi.
2011-ci ildə "Fərq TV" layihəsini həyata keçirərək, "Ərəb Baharı" prosesləri zamanı canlı yayımlar və siyasi debatlar təşkil edib. Bu layihə bir anda 50 min izləyiciyə çataraq dövrün ən məşhur canlı yayım platformalarından birinə çevrilib.
2013-cü ildə dostları ilə birlikdə "Meydan TV" müstəqil media platformasını təsis edib. Burada 10 ildən artıq idarəçi və sosial media meneceri kimi fəaliyyət göstərib.
2020-ci ildə İkinci Qarabağ Müharibəsi zamanı sosial mediada paylaşdığı məlumatlar və materiallarla geniş ictimaiyyətə çıxış edərək, məlumatlandırma fəaliyyəti ilə diqqət çəkib.
Ümumilikdə isə sosial media fenomeni kimi tanınır, müxtəlif sosial şəbəkələrdə minlərlə izləyiciyə sahibdir.
Həbib Müntəzir OCCRP (Mütəşəkkil Cinayətkarlıq və Korrupsiya Hesabatı Layihəsi) ilə əməkdaşlıq edərək, Azərbaycan hakimiyyət mənsublarının korrupsiya əməllərini ifşa edən onlarla material hazırlayıb[4][5][6][7][8][9][10]. Bu materiallar müxtəlif beynəlxalq medialarda dərc olunub[11].
Gənclik illərində qəzəl janrında şeirlər yazıb. Şeirlərin məzmunu əsasən siyasi-ictimai satirik mövzuda olub[12][13]. Onun yazdıqları "Alatoran" jurnalında, "Yenisi" kimi ədəbiyyat platformalarında, "Hürriyyət", "Express", "Ədalət" və "Bakı Bulvarı" qəzetlərində dərc olunub.
- ↑ "Tin Söhbeti – Heyderizmin qenimi olan siyasi satirik elektron jurnalı". web.archive.org. 2009-06-24. Archived from the original on 2009-06-24. İstifadə tarixi: 2025-01-25.
- ↑ "Tin Söhbeti – Heyderizmin qenimi olan siyasi satirik elektron jurnalı". web.archive.org. 2009-06-24. Archived from the original on 2009-06-24. İstifadə tarixi: 2025-01-25.
- ↑ bizim.media. "Həbib Müntəzir: "Azərbaycana qayıtmaq mənim ən böyük arzularımdan birincisidir" - ÖZƏL MÜSAHİBƏ". bizim.media (az.). 2022-10-02 tarixində arxivləşdirilib. İstifadə tarixi: 2025-01-26.
- ↑ aleks. "Bəylər Eyyubovun ailəsinə məxsus saysız sərvətlər". MEYDAN.TV (az.). 2024-05-12. İstifadə tarixi: 2025-01-26.
- ↑ aleks. "APA-nın hökumətdən asılılığının səbəbi - Vüsalə Mahirqızının ailə biznesi". MEYDAN.TV (az.). 2024-04-20. İstifadə tarixi: 2025-01-26.
- ↑ roma. "Söyüdlüdəki qızıl mədəninin Azərbaycan hakimiyyəti ilə əlaqəsi". MEYDAN.TV (az.). 2023-06-26. İstifadə tarixi: 2025-01-26.
- ↑ roma. "Hakim oğlunun idman-fitnes biznesi". MEYDAN.TV (az.). 2023-08-22. İstifadə tarixi: 2025-01-26.
- ↑ roma. "Vasif Talıbov vəzifədən ayrıldıqdan sonra ailə mülkləri əl dəyişdirib". MEYDAN.TV (az.). 2023-06-15. İstifadə tarixi: 2025-01-26.
- ↑ roma. "İzmir-Çeşmədə Talıbovlar ailəsinə məxsus 5 ulduzlu dəbdəbəli otel". MEYDAN.TV (az.). 2023-06-20. İstifadə tarixi: 2025-01-26.
- ↑ roma. "Prezident tabeliyində olan məmurların adının hallandığı otelin açılışında". MEYDAN.TV (az.). 2022-08-12. İstifadə tarixi: 2025-01-26.
- ↑ "Family of Top Azerbaijani Politician Owns Millions in Luxury Real Estate". OCCRP (ingilis). İstifadə tarixi: 2025-01-26.
- ↑ "Hebib Muntezir -Cehenneme".
- ↑ "Hebib Muntezir - İstemirem".