Hüseynbala Yəhya oğlu Hüseynov (20 yanvar 1942, Dərbənd, Dağıstan MSSR) — tarixçi və ictimai xadim, Dərbənd şəhərinin fəxri sakini, Dərbənd Dövlət Tarix-Memarlıq və İncəsənət Muzey-Qoruğunun baş elmi işçisi. O, Dərbənd şəhərinin ictimai və mədəni həyatına verdiyi töhfələrlə tanınır, şəhər və Dağıstan miqyasında nüfuzlu ağsaqqallardan biri hesab olunur.[1]
| Hüseynbala Hüseynov | |
|---|---|
.svg){kind=small}  | |
| 1977 – 1983 | |
| |
| 1972 – 1977 | |
| Şəxsi məlumatlar | |
| Doğum tarixi | 20 yanvar 1942 (84 yaş) |
| Doğum yeri | |
| Təhsili | |
| Fəaliyyəti | ictimai xadim, tarixçi |
| Təltifləri |
    |
Hüseynbala Hüseynov 20 yanvar 1942-ci ildə Dərbənd şəhərində anadan olmuşdur. O, Dərbənd bəylərinin tanınmış nəslinə mənsubdur. Dərbənd şəhər 1 nömrəli orta məktəbini bitirmiş, daha sonra Bakıda Azərbaycan Neft və Kimya İnstitutunda (indiki Azərbaycan Dövlət Neft və Sənaye Universiteti) ali təhsil almışdır. Sonrakı illərdə SSRİ KP MK yanında Ali Partiya Məktəbində təhsilini davam etdirmişdir.[2][3]
Əmək fəaliyyətinə Dərbənd konserv kombinatında fəhlə kimi başlayan Hüseynov sonradan şəhərin parovoz deposunda mexanik-usta kimi işləmişdir. Daha sonra Bakıda kompressor stansiyasında mexanik, Dərbənddə “Radioelement” zavodunda isə baş mexanik vəzifələrində çalışmışdır.[3]
1969–1972-ci illərdə Dərbənd Şəhər Komsomol Komitəsinin birinci katibi olmuşdur. 1972–1977-ci illərdə Dərbənd Şəhər Partiya Komitəsinin katibi, 1977–1983-cü illərdə isə Dərbənd Şəhər Xalq Deputatları Soveti İcraiyyə Komitəsinin sədri vəzifəsini icra etmişdir. Onun rəhbərliyi dövründə şəhərdə çoxsaylı sosial-mədəni obyektlərin tikintisinə rəhbərlik etmişdir.[1] 1991-ci ildən Dərbənd şəhər administrasiyasında Mədəniyyət, mətbuat və dini məsələlər üzrə idarənin rəisi vəzifəsində çalışmışdır. Sonrakı dövrdə Dərbənd Dövlət Tarix-Memarlıq və İncəsənət Muzey-Qoruğunda baş elmi işçi kimi fəaliyyət göstərmişdir.[4][3] O, həmçinin Dağıstan Respublikasının rəhbəri yanında fəaliyyət göstərən Ağsaqqallar Şurasının üzvüdür.[1]
- "Дербент и Китаб-и Деде Коркуд" ("Dərbənd və Kitabi-Dədə Qorqud")[5]
- "Генерал Араблинский и его потомки" ("General Ərəblinski və onun varisləri")[6]
- "Энциклопедия Дербента" ("Dərbənd Ensiklopediyası")[2] — Azərbaycan Milli Kitabxanasının elektron resursu.
- "Дербент в годы Великой Отечественной войны" ("Dərbənd Böyük Vətən müharibəsi illərində")[3]
- "Дербент и мусульманская традиция" ("Dərbənd və müsəlman ənənəsi")[3]
- "Легенды древнего Дербента" ("Qədim Dərbəndin əfsanələri")[3]
- "Город тысячи легенд" ("Min əfsanəli şəhər")[3]
- Dərbənd şəhərinin fəxri vətəndaşı;[2][6][7]
- Dağıstan Respublikasının əməkdar mədəniyyət işçisi fəxri adına layiq görülmüşdür;[8]
- V. İ. Leninin anadan olmasının 100 illiyi münasibətilə təsis edilmiş "Əmək igidliyinə görə" medalı ilə təltif olunmuşdur;[1]
- "Dağıstan Respublikası qarşısında xidmətlərinə görə" ordeni ilə mükafatlandırılmışdır;[1]
- Azərbaycan Respublikasının Prezidenti İlham Əliyevin Sərəncamı ilə "Tərəqqi" medalı ilə təltif olunmuşdur.
- 1 2 3 4 5 derbentmuseum.ru. "С 80-летием главного научного сотрудника Гусейнова Гусейнбалу Яхьяевича!". Официальный сайт Дербентсткого Музея-Заповедника (rus). 20 yanvar 2022. İstifadə tarixi: 4 fevral 2026.
- 1 2 3 derbent-news.ru. "Гусейн-бале Гусейнову 80 лет". Газета "Дербентские новости" (rus). 20 yanvar 2022. İstifadə tarixi: 4 fevral 2026.
- 1 2 3 4 5 6 7 Гусейнов, Гусейнбала. Энциклопедия города Дербента (rus). Moskva. 2009. 141–142. İstifadə tarixi: 5 fevral 2026.
- ↑ riadagestan.ru. "Почетному гражданину Дербента Гусейн-бале Гусейнову исполнилось 80 лет". РИА «Дагестан» (rus). 20 yanvar 2022. İstifadə tarixi: 5 fevral 2026.
- ↑ derbent.ru. "Состоялась презентация книги Гусейнбалы Гусейнова «Дербент и Китаб - и Деде Коркуд»". Город Дербент. Официальный сайт городского округа (rus). 20 yanvar 2024. İstifadə tarixi: 4 fevral 2026.
- 1 2 derbent.bezformata.com. "Гусейн-бале Гусейнову 80 лет". BezFormata.Com (rus). 20 yanvar 2022. İstifadə tarixi: 4 fevral 2026.
- ↑ diaspor.gov.az. "Dərbənddə Azərbaycan generalına abidə qoyulub". Azərbaycan Respublikasının Diasporla İş üzrə Dövlət Komitəsinin rəsmi internet saytı (az.). 10 dekabr 2019. İstifadə tarixi: 4 fevral 2026.
- ↑ derbentmuseum.ru. "Гусейн-Бала Гусейнов награждён Орденом «За заслуги перед Республикой Дагестан»". Официальный сайт Дербентсткого Музея-Заповедника (rus). 20 may 2025. İstifadə tarixi: 4 fevral 2026.