Hüseynağa Salman oğlu Baliev (22 dekabr 1987, Salyan, Salyan rayonu – 9 oktyabr 2020, Xocavənd rayonu) — Azərbaycan Müdafiə Nazirliyinin Quru Qoşunlarının mayoru; 2020-ci ildə Qarabağ müharibəsi zamanı Hadrutun azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Hüseynağa Baliev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Salyan, Azərbaycan SSR |
| Vəfat tarixi | (32 yaşında) |
| Vəfat yeri | Xocavənd rayonu, Azərbaycan |
| Dəfn yeri | Salyan, Azərbaycan |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2009—2020 |
| Rütbəsi |
 Mayor |
| Döyüşlər | |
| Təltifləri |
       |
Hüseynağa Salman oğlu Baliev 1987-ci il, dekabrın 22-də Salyan şəhərində anadan olub.[2][1]
2005-ci ildə Salyan şəhər Y. Qafarov adına 8 saylı tam orta məktəbindən məzun olub. 2005-2009-cu illərdə Heydər Əliyev adına Azərbaycan Ali Hərbi Məktəbində təhsil alıb. 2010-cu ildə Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin müvafiq əmrinə əsasən "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 11 il ərzində mexanikləşdirilmiş taqım komandiri, motoatıcı taqım komandiri, motoatıcı bölüyün komandiri, motoatıcı tabor komandirinin maddi-texniki təminat üzrə müavini, motoatıcı taborun qərargah rəisi - tabor komandirinin müavini, motoatıcı taborun komandiri vəzifələrində xidmət edib.[1]
Müxtəlif illərdə müdafiə nazirinin əmrləri ilə 3-cü dərəcəli "Qüsursuz xidmətə görə", Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Hadrutun azad edilməsi uğrunda gedən döyüş əməliyyatlarına komandiri olduğu taborun şəxsi heyəti ilə qatılıb. Oktyabrın 9-da Xocavənd rayonu istiqamətində döyüş tapşırığının icrası zamanı şəhid olub.[1] Salyan şəhərində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Xocavəndin azad olunmasına görə" və "Vətən uğrunda" medalları ilə təltif edilib.[4][5]
Evli idi, 1 oğlu və 1 qızı var.
- ↑ 1 2 3 4 5 6 7 layihənin müəllifi, tərtibatçı-redaktor Abdulla Qurbani. "Vətən müharibəsi şəhidləri: Azərbaycan Ordusunun şəhid zabit və gizirləri:". Azərbaycan Prezidentinin İşlər İdarəsinin Prezident Kitabxanası ( (az.)). 01.10.2022. İstifadə tarixi: 01.10.2022.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.