Əlixanov Hüseynağa Ənvər oğlu - Beynəlxalq Prokurorlar Assosiasiyasının üzvü, Azərbaycan Respublikası Ədliyyə Nazirliyinin Penitensiar Xidmətinin rəis müavini, ədliyyə general-mayoru.
| Hüseyn Əlixanov | |
|---|---|
Penitensiar xidmətin rəis müavini | |
| Prezident | İlham Əliyev |
| Şəxsi məlumatlar | |
| Doğum tarixi | |
| Doğum yeri | Quba rayonunun Yerfi kəndi |
| Milliyyəti | Azərbaycanlı |
| Təhsili | Ali |
| İxtisası | Hüquqşünas |
| Hərbi xidmət | |
| Rəhbərlik edib | Penitensiar xidmət |
| Rütbəsi | Ədliyyə general mayoru |
Hüseynağa Əlixanov 1 may 1953-cü il tarixdə Quba rayonunun Yerfi kəndində anadan olub.[1]
1980-ci ildə Azərbaycan Dövlət Universitetinin hüquq fakultəsini bitirib.
Hüquq-mühafizə orqanlarında əmək fəaliyyətinə 1981-ci ildən başlayıb; Bakı şəhər prokurorluğunun baş müstəntiqi, Gəncə şəhər prokuroru, Bakı şəhər prokurorluğunun daxili işlər orqanlarında qanunların icrasına nəzarət şöbəsinin rəisi, Bakı şəhər prokurorunun birinci müavini vəzifələrində qulluq edib, Bakı şəhər prokuroru vəzifəsini icra edib, Respublika Baş Prokurorluğunun Prokurorluq orqanlarında istintaqa nəzarət idarəsinin rəisi, Bakı şəhər Nizami rayon prokuroru vəzifələrində xidmət edib.
2004-cü ildən Azərbaycan Respublikasının Ədliyyə orqanlarında xidmətə keçirilərək Ədliyyə Nazirliyinin Məhkəmə icraçıları Baş idarəsinin rəisi (Baş məhkəmə məmuru) təyin edilib, həmin vəzifədə qulluq etdiyi müddət ərzində Nazirliyin kollegiya üzvü olub.
2007-ci ildən 2025-ci ilə qədər Azərbaycan Respublikası Ədliyyə Nazirliyinin Penitensiar Xidmətinin rəis müavini işləyib.
Prokurorluq və ədliyyə orqanlarında işlədiyi müddət ərzində dəfələrlə mükafatlandırılıb, o cümlədən müxtəlif dövlət mükafatlarına layiq görülüb.
Beynəlxalq Prokurorlar Assosiasiyasının üzvü olub.
Azğrbaycan Respublikası Prezidentinin 20 noyabr 2012-ci il tarixli 2552 nömrəli Sərəncamı ilə ona ədliyyə general-mayoru ali xüsusi rütbəsi verilib.[2]
Ailəlidir, 2 övladı, 4 nəvəsi vardı.
Azərbaycan Respublikası prezidenti H.Əliyevin 26.12.1995-ci il tarixli fərmanı ilə "Azərbaycan Respublikasının Konstitusiyasının və dövlət quruluşunun möhkəmləndirilməsi və qorunmasında xüsusi xidmətlərinə görə" "Azərbaycan Bayrağı" ordeni ilə, Azərbaycan Respublikası Prezidentinin 21.11.2008-ci il tarixli 63 nömrəli Sərəncamı[3] ilə “Dövlət qulluğunda fərqlənməyə görə” medalı ilə, eləcə də prokurorluq orqanlarında nümunəvi və layiqli xidmətinə görə “Prokurorluğun fəxri işçisi” döş nişanı ilə təltif edilmişdir.
- ↑ "Facebook". www.facebook.com. İstifadə tarixi: 2025-05-20.
- ↑ Crocusoft. "E-QANUN". e-qanun.az (ingilis). İstifadə tarixi: 2025-05-20.
- ↑ Crocusoft. "E-QANUN". e-qanun.az (ingilis). 2024-05-05 tarixində arxivləşdirilib. İstifadə tarixi: 2025-05-20.