Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHüseyn Məmmədov (d. 02 iyun 1974, Şərur rayonu, Azərbaycan SSR) — Bakı Dövlət Universitetinin Fiziki elektronika kafedrasının professoru, fizika üzrə elmlər doktoru, Bakı Dövlət Universitetinin Elm və İnnovasiyalar üzrə prorektoru.[1][2][3][4]
| Hüseyn Məmmədov | |
|---|---|
| Hüseyn Mikayıl oğlu Məmmədov | |
| Doğum tarixi | |
| Doğum yeri | SSRİ, Azərbaycan SSR, Şərur |
| Vətəndaşlığı |
 SSRİ→ Azərbaycan |
| Milliyyəti | Azərbaycanlı |
| Elm sahəsi | Fizika |
| Elmi dərəcəsi | fizika üzrə elmlər doktoru |
| Elmi adı | professor |
| Təhsili | Bakı Dövlət Universiteti |
| Mükafatları |
  |
Hüseyn Mikayıl oğlu Məmmədov 02 iyun 1974-cü ildə Azərbaycanın Şərur rayonunda dünyaya göz açmışdır. Ailəlidir. Üç övladı var.[1][2]
1996-cı ildə Bakı Dövlət Universitetinin Fizika fakültəsinin məzunu olmuşdur.[1][2]
1996–1999-cu illərdə Bakı Dövlət Universitetinin Fizika fakültəsinin Fiziki elektronika kafedrasının aspiranturasında təhsil alıb. 2000-ci ildə fizika-riyaziyyat elmləri üzrə namizədlik, 2017-ci ildə isə fizika üzrə elmlər doktoru dissertasiyasını müdafiə etmişdir.[1][2]
2020-ci ildən Bakı Dövlət Universitetinin Fizika fakültəsinin Fiziki elektronika kafedrasının professorudur.[1][2][5]
2000–2006-cı illərdə Bakı Dövlət Universitetinin Fizika fakültəsinin Fiziki elektronika kafedrasının assistenti, 2006–2016-cı illərdə həmin kafedranın dosenti, 2016–2019-cu illərdə BDU-nun Fizika fakültəsinin dekan müavini, 2019–2020-ci illərdə Bakı Dövlət Universitetinin Həmkarlar İttifaqı Komitəsinin sədri vəzifələrində çalışıb.[1][2]
2019-cu ildə "Bakı Dövlət Universitetinin 100 illiyi (1919–2019)" yubiley medalı və Azərbaycanda təhsilin və elmin inkişafındakı xidmətlərinə görə "Tərəqqi" medalı ilə təltif olunmuşdur.[4]
2020-ci ildən Bakı Dövlət Universitetinin Elm və İnnovasiyalar üzrə prorektorudur.[5]
Hüseyn Məmmədov dünyanın bir sıra ölkələrində nüfuzlu Beynəlxalq elmi konfranslarda məruzələrlə çıxış etmişdir. O, 150-dən çox elmi məqalənin, 3 kitabın müəllifidir və elmi rəhbər kimi, indiyədək 6 fəlsəfə doktoru dissertasiya işinin ərsəyə gəlməsində əməyi olmuşdur.[1][2][6]
- ↑ 1 2 3 4 5 6 7 "Məmmədov Hüseyn Mikayıl oğlu". 27 iyun 2022 tarixində arxivləşdirilib. İstifadə tarixi: 1 yanvar 2023.
- ↑ 1 2 3 4 5 6 7 "Məmmədov Hüseyn Mikayıl oğlu". 1 yanvar 2023 tarixində arxivləşdirilib. İstifadə tarixi: 1 yanvar 2023.
- ↑ "BDU-nun əməkdaşları təltif edilib". 1 yanvar 2023 tarixində arxivləşdirilib. İstifadə tarixi: 1 yanvar 2023.
- ↑ 1 2 "BDU-nun əməkdaşları orden və medallarla təltif edildi". 1 yanvar 2023 tarixində arxivləşdirilib. İstifadə tarixi: 1 yanvar 2023.
- ↑ 1 2 "BDU-da kadr dəyişikliyi". 1 yanvar 2023 tarixində arxivləşdirilib. İstifadə tarixi: 1 yanvar 2023.
- ↑ "Bərk cisim elektronikası: ali məktəblər üçün dərs vəsaiti". 1 yanvar 2023 tarixində arxivləşdirilib. İstifadə tarixi: 1 yanvar 2023.