Hüseyn Avni Qarslıoğlu — (türk. Hüseyin Avni Karslıoğlu; 1956, Yozqat, Türkiyə) — türk diplomatı və siyasətçi, Türkiyənin Azərbaycanda (16.01.2007-20.02.2008)[1] və Almaniyada (15.01.2012 — 31.10.2016)[2] fövqəladə və səlahiyyətli səfiri.
| Hüseyn Avni Qarslıoğlu | |
|---|---|
| türk. Hüseyin Avni Karslıoğlu | |
 | |
 .svg){kind=small} | |
| Şəxsi məlumatlar | |
| Doğum tarixi | 15 noyabr, 1956 |
| Doğum yeri | Yozqat, Türkiyə |
| Təhsili | Ankara Universiteti |
| Fəaliyyəti | dövlət qulluqçusu, siyasətçi, diplomat |
 Vikianbarda əlaqəli mediafayllar | |
Hüseyn Avni 1956-cı il noyabrın 15-də Türkiyədə, Yozqatda anadan olub. İlk təhsilini Ankara Cümhuriyyət liseyində alıb. 1980-ci ildə Ankara Universitetinin Siyasi Elmlər fakültəsinin Beynəlxalq Əlaqələr bölməsini bitirib. İngilis və alman dillərini mükəmməl bilir. Evlidir, iki övladı var.
Hüseyn Avni Qarslıoğlu 1982-ci ildə Türkiyə Xarici İşlər Nazirliyində işə başlayıb. Əvvəl dövlət qulluğuna namizəd, sonra İnformasiya və Araşdırmalar Departamentinin katibi vəzifəsinə təyin olunub.[3]
1984-1986-cı illərdə Tehrandakı səfirlikdə katib vəzifəsində çalışıb.
1986-1990 - Sidney Baş Konsulluğunda vitse-konsul
1992-1996 - Türkiyənin Nyu-Yorkda BMT-kı nümayəndəsi[3]
1998-2001 - Oslo səfirliyində müşavir
2001-2004-cü illərdə Türkiyənin Batumidəki baş konsulu vəzifəsində çalışıb.[4]
Batumidən sonra, 2004-cü ildə, Xarici İşlər Nazirliyinin Qafqaz və Mərkəzi Asiya üzrə Baş idarəsinin şöbə müdiri, sonra isə baş direktorun müavini vəzifələrində işləyib.
2007-2008-ci illərdə Hüseyn Avni Qarslıoğlu Türkiyənin Bakıdakı səfiri vəzifəsinə təyin olunub.[1] Azərbaycanda fəaliyyəti dövründə Azərbaycan ilə Türkiyə arasında siyasi, iqtisadi, mədəni və digər sahələrdə əməkdaşlığın daha da genişlənməsinə və möhkəmlənməsinə diqqət yetirirdi.[5][6]
2008-ci il aprelin 18-dən 2011-ci il noyabrın 16-dək Abdullah Gülün prezidentliyi dövründə prezidentin şəxsi katibi vəzifəsində çalışıb.
2012-ci ildə Türkiyənin Berlindəki səfiri təyin edilib və 2016-cı ilə qədər bu vəzifəni icra edib.[2]
2017-ci il iyunun 14-də Türkiyə Xarici İşlər Nazirliyinin müşaviri vəzifəsinə təyin edilib. 2019-cu ildə təqaüdə çıxıb.[7]
- ↑ 1 2 TÜRKİYE CUMHURİYETİ BAKÜ BÜYÜKELÇİLİĞİ
- ↑ 1 2 TÜRKİYE CUMHURİYETİ BERLİN BÜYÜKELÇİLİĞİ
- ↑ 1 2 Hüseyin Avni Karslıoğlu Biyografisi
- ↑ REPUBLIC OF TÜRKİYE TURKISH CONSULATE GENERAL IN BATUMI
- ↑ ПРЕЗИДЕНТ АЗЕРБАЙДЖАНА ИЛЬХАМ АЛИЕВ ПРИНЯЛ ЧРЕЗВЫЧАЙНОГО И ПОЛНОМОЧНОГО ПОСЛА ТУРЦИИ ГУСЕЙНА АВНИ ГАРСЛЫОГЛУ
- ↑ TURKEY ALWAYS SUPPORTS FRATERNAL AZERBAIJAN, KARSLIOGLU
- ↑ Hüseyin Avni Karslıoğlu