Hökumə Əliyeva
Hökumə Cəlil qızı Əliyeva (8 avqust 1991, Susuzluq, Kəlbəcər rayonu – 25 dekabr 2024[1], Aktau) — azərbaycanlı təyyarə bələdçisi, Azərbaycanın Milli Qəhrəmanı.[2]
| Hökumə Əliyeva | |
|---|---|
 | |
| Doğum tarixi | 8 avqust 1991 |
| Doğum yeri | |
| Vəfat tarixi | 25 dekabr 2024[1] (33 yaşında) |
| Vəfat yeri | |
| Vəfat səbəbi | Azərbaycan Hava Yollarına məxsus Embraer 190 qəzası |
| Dəfn yeri | |
| Dəfn tarixi | 29 dekabr 2024 |
| Təhsili | |
| Fəaliyyəti | təyyarə bələdçisi |
| Mükafatları |
 |
Hökumə Əliyeva 8 avqust 1991-ci ildə Kəlbəcər rayonunda anadan olub. 1993-cü ildə kəndlərinin ermənilər tərəfindən işğal olunması səbəbilə Bərdə rayonunun Qaradəmirçi kəndində müvəqqəti məskunlaşıb. 1996-cı ildə isə Rusiyaya köçüb və Volqoqrad vilayətində bir müddət yaşamışdır. Hökumə burada 1-ci sinifdən 6-cı sinfə qədər şəhərin 78 nömrəli məktəbində təhsil alıb.[3] Daha sonra ailəsi Gəncəyə köçüb və Hökumə burada təhsilini davam etdirib. Gəncə şəhərindəki V. Veysəlov adına 30 nömrəli tam orta məktəbi bitirdikdən sonra 612 bal toplayaraq Bakı Dövlət Universitetinin Hüquq fakültəsinə daxil olub.[4]
Hökumə Əliyeva öz təhsilini magistr və doktorantura pillələrində davam etdirmişdir. Atası Cəlil Əliyevin sözlərinə görə bu onun doktoranturasının son ili idi. 2016-cı ildən etibarən Azərbaycan Hava Yollarında əvvəlcə tərcüməçi kimi, sonralar isə stüardessa kimi işləməyə başlayıb. Atasının sözlərinə görə, o, bu uçuşdan sonra hüquqşünas kimi fəaliyyətini davam etdirəcəkdi.[3][5]
Evli idi.[6] Övladı yox idi.
O, təyyarə qəzasında həlak olan ekipaj üzvlərindən biri idi. Aktau şəhərində qəzəya uğrayan AZAL-a məxsus təyyarədə stüardessa kimi fəaliyyət göstərən Hökumə Əliyeva son dəqiqələrə qədər sərnişinləri sakitləşdirməyə çalışaraq "Hər şey yaxşı olacaq!" kəlmələri ilə məşhurlaşmışdır.[7] Hökumə Əliyeva 29 dekabr 2024-cü ildə II Fəxri xiyabanda dəfn olunub.[8]
Azərbaycan Respublikası Prezidenti İlham Əliyevin 29 dekabr 2024-cü il tarixli sərəncamı ilə Əliyeva Hökumə Cəlil qızı "Azərbaycan Hava Yolları" Qapalı Səhmdar Cəmiyyətinə məxsus "Embraer 190" tipli sərnişin təyyarəsi Bakı–Qroznı (Rusiya Federasiyası) reysini həyata keçirərkən baş vermiş qəza zamanı xidməti vəzifələrinin yerinə yetirilməsində, sərnişinlərin həyatının xilas edilməsində yüksək peşəkarlıq, şücaət və fədakarlıq göstərdiyinə görə ölümündən sonra "Azərbaycanın Milli Qəhrəmanı" adına layiq görülmüşdür.[9]
(29 dekabr 2024) — "Qızıl Ulduz" medalı (ölümündən sonra)
_-_lent.png){kind=small}
Rejissor və ssenarist Ziya Şıxlinski 2025-ci ildə Hökumə Əliyevanın həyatından bəhs edən qısametrajlı sənədli film çəkəcəyini açıqlayıb. Filmin bədii rəhbəri Rasim Balayev, ssenari müəllifi və rejissoru Ziya Şıxlinski, operatoru Adil Abbasov olacaq.[10]
Əmək fəaliyyəti ilə bağlı əşyaları Milli Azərbaycan Tarix Muzeyinə verilib. Digər əşyaları ailəsinin evində təşkil olunacaq ev-muzeyində sərgilənəcək.[11]
Polşada adına təqaüd proqramı təsis edilib.[12]
Qazaxıstanda istehsal olunan zirehli hərbi ambulansa adı verilib.[13]
- ↑ 1 2 Təyyarə qəzasında həlak olan ekipaj üzvlərinə Azərbaycanın Milli Qəhrəmanı adı verilib. 2024.
- ↑ "Təyyarə qəzasında həlak olan ekipaj üzvlərinə Azərbaycanın Milli Qəhrəmanı adı verilib". Report İnformasiya Agentliyi (az.). Report.az. 29 dekabr 2024. 2025-01-14 tarixində arxivləşdirilib. İstifadə tarixi: 2024-12-29.
- ↑ 1 2 ""Hökumənin son uçuşları idi…"". 2024-12-27 tarixində arxivləşdirilib. İstifadə tarixi: 2024-12-29.
- ↑ Mehmanqızı, Mehin. ""Hər Şeyin Yaxşı Olacağına" İnanan Hökumə Əliyeva Kimdir? - VİDEO". moderator.az (ingilis). 26.12.2024. 2024-12-28 tarixində arxivləşdirilib. İstifadə tarixi: 29.12.2024.
- ↑ Hanlon, Tim. "Flight attendant's haunting 4 words after jet 'shot down by Russia' on Christmas". The Mirror (ingilis). 2024-12-28. 2024-12-28 tarixində arxivləşdirilib. İstifadə tarixi: 2024-12-29.
- ↑ "Hökumə Əliyevanın həyat yoldaşı 40 min manatlıq kompensasiyadan imtina edib". Oxu.az (az.). 2025-01-24 tarixində arxivləşdirilib. İstifadə tarixi: 2025-01-24.
- ↑ Penty, Sabrina. "Final words of flight attendant on plane 'shot down by Russia'". Mail Online. 2024-12-27. 2024-12-28 tarixində arxivləşdirilib. İstifadə tarixi: 2024-12-29.
- ↑ "Təyyarə qəzasında həlak olan ekipaj üzvlərinin cənazələri II Fəxri xiyabanda dəfn edilib". Oxu.az (az.). 29.12.2024. İstifadə tarixi: 29.12.2024.
- ↑ ""Azərbaycan Hava Yolları" Qapalı Səhmdar Cəmiyyətinə məxsus "Embraer 190" tipli sərnişin təyyarəsi Bakı–Qroznı (Rusiya Federasiyası) reysini yerinə yetirərkən baş vermiş qəza zamanı yüksək peşəkarlıq və şücaət göstərmiş şəxslərin təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 29.12.2024. 2024-12-29 tarixində arxivləşdirilib. İstifadə tarixi: 29.12.2024.
- ↑ "Hökumə Əliyevanın həyatı film olur". Qafqazinfo. 14 yanvar 2025. 2025-01-14 tarixində arxivləşdirilib. İstifadə tarixi: 14 yanvar 2025.
- ↑ "Hökumə Əliyevanın əşyaları Tarix Muzeyinə verildi: Ev muzeyi YARADILACAQ". Oxu.az (az.). 2025-02-08 tarixində arxivləşdirilib. İstifadə tarixi: 2025-02-06.
- ↑ "Polşada Azərbaycanın Milli Qəhrəmanı Hökumə Əliyeva adına təqaüd proqramı TƏSİS EDİLDİ". Oxu.az (az.). 2025-02-13 tarixində arxivləşdirilib. İstifadə tarixi: 2025-02-13.
- ↑ "Qazaxıstanda zirehli texnikaya Hökumə Əliyevanın adı verildi". Oxu.az (az.). 2025-04-05 tarixində arxivləşdirilib. İstifadə tarixi: 2025-03-02.