Qeorqi Cimiyev[1] (oset. Владимир Голоты, 31 dekabr 1906, Moskva – 25 sentyabr 1944, Moskva) — osetiyalı sovet dramaturqu, ssenarist, rejissor, aktyor.
| Georgi Cimiyev | |
|---|---|
| Doğum tarixi | 31 dekabr 1906 |
| Doğum yeri |
|
| Vəfat tarixi | 25 sentyabr 1944 (37 yaşında) |
| Vəfat yeri | |
| Fəaliyyəti | ssenarist |
| Fəaliyyət illəri | 1930-cu ildən |
18 dekabr 1906-cı ildə Vladiqafqazda anadan olmuşdur[2]. Bacı-qardaşların ən böyüyü olur. 14 yaşında atasını itirir və ailənin qayğısı tamamilə çiyinlərinə düşür. Odun hazırlamaq üçün arabaçı işləyir, bir mağazada satıcı olur. 1926-cı ildə Moskva Kinematoqrafiya Texnikumunun aktyorluq fakültəsinə daxil olur. Məzun olduqdan sonra Vostok-Film studiyasına göndərilir.
Aşqabadda və Bakıda kinoda aktyor, rejissor köməkçisi və Şimali Osetiyadakı sosialist quruluşundan bəhs edən "İki dövr" filminin ssenarisinin müəllifi olaraq çalışır. Daha sonra eyni zamanda kinorejissor kimi fəaliyyətə başlayır. 1934-cü ildə "İki Dövr" ssenarisi əsasında Cimiyev Orjonikidzedəki Rus Teatrında səhnələşdirilən "Düşmənlərin dostluğu" pyesini yazır.
1932-ci ildə Azərbaycanfilm Studiyası Cimiyevi ssenari şöbəsinin müdiri vəzifəsinə dəvət edir. İki il sonra, Şimali Osetiyaya qayıtdıqdan sonra, Regional Xalq Təhsil Şöbəsi sənət bölməsinin müdiri vəzifəsinə təuin edilir.
Şimali Osetiya Dram Teatrının açılışı Cimiyevin gələcək yaradıcılıq yolunu müəyyənləşdirir. Tezliklə kolxoz mövzusuna həsr olunmuş "Toy" (1936) adlı dörd pərdəli komediyası səhnələşdirilir. Bu ilk Osetiya Sovet komediyası olur. Dörd il sonra Cimiyevin "Gənc gəlin" adlı daha dörd aktlı bir komediyası səhnələşdirilir. İçində yeni bir həyat qurmaq ideyasını tamamilə mənimsəyən müəllif, köhnəlmiş adətlər üzərində yeni bir əxlaqın qələbəsini göstərir.
1941-ci ildə, Böyük Vətən müharibəsinin başlaması ilə Cimiyev cəbhəyə yollanır. Lakin 1942-ci ildə xəstəlik səbəbindən ordudabn tərxis olunur. Elə həmin il vətənpərvərlik mövzusunda bir neçə oçerk, hekayə və iki dram yazır - "Mübarizə günləri" və "Qara duman". Birincisi əsgərlərimizin cəsarətini və qəhrəmanlığını əks etdirir. "Qara duman" pyesinə gəlincə, osetin dramaturgiyasının ən yaxşılarından biri kimi tanınır. Müəllif sovet vətənpərvərinin yüksək mənəvi keyfiyyətlərini ortaya qoyur, sovet əsgərlərinin və partizanların cəsarətli, fədakar insanlar olmasını bildirir.
1944 -cü ilin sentyabrında Cimiyev Moskvaya yola düşür və orada uzun müddətli planını həyata keçirməyi planlaşdırır. Burada Şimali Osetiya haqqında bədii film üçün bir ssenari yazır. Ancaq tale başqa tamam cür olur. Rejisor 25 sentyabr 1944-cü ildə həyatı faciəvi şəkildə bitirir. Osetiya Kilsəsi yaxınlığındakı nekropolda dəfn edilir.
- ↑ "Qeorqi Cimiyev". 2021-10-17 tarixində orijinalından arxivləşdirilib. İstifadə tarixi: 2021-10-17.
- ↑ Джимиев Георгий Савельевич Arxivləşdirilib 2019-06-30 at the Wayback Machine. Театр.
- 110 лет Георгию Джимиеву
- Джимиевы
- Осетинские писатели Arxivləşdirilib 2020-02-25 at the Wayback Machine