Güvəyəbənzər qırmızımtıl-sarı şibyəyeyən (lat. Setina kuhlweinii) — buğumayaqlılar tipinin pulcuqqanadlılar dəstəsinin ayıcalar fəsiləsinə aid olan nadir növ.
| Güvəyəbənzər qırmızımtıl-sarı şibyəyeyən | ||||
|---|---|---|---|---|
| Elmi təsnifat | ||||
|
XƏTA: latin parametri doldurulmayıb. |
||||
| Beynəlxalq elmi adı | ||||
|
XƏTA HAQQINDA MƏLUMAT Bu parametr doldurulmayıb: latin |
||||
| ||||
Bu növ irrorella növünə çox oxşayır. Lakin ondan qarıncığının sarımtıl və qanadının tünd sarı rəngi ilə fərqlənir. Həmçinin kəpənəyi də ondan iridir. Qanadları açılmış halda 20-25 mm-dir. Tırtılı tünd qırmızı-qonur rəngdə olub, qara-boz tüklərlə örtülmüş, üzərində cərgə ilə sarı nöqtələr yerləşmişdir, başı qara rəngdədir.
Azərbaycanın dağ və dağ-səhra yerlərində iyul-avqust aylarında seyrək halda rast gəlinir. İldə bir nəsil verir. Tırtıl mərhələsində bitki qalıqları arasında qışlayır. Tırtılları ağac və qayalar üzərindəki şibyələrlə qidalanır.
Azərbaycanda alpestris Z. forması da yayılmışdır. Məhdud halda yayılmışdır. Bu növün kəpənəkləri Zoologiya institutunun əməkdaşları tərəfindən Qaxın Tala (20.VII.90), Lerikin Kosmolyan kəndlərindən (13.VIII.91), Qaxdan A.Boqaçev (28.VII.1934), Daşkəsəndən (3.VII.66) S.Əliyev tərəfindən toplanmışdır.
- S.Ə.Hacıyeva. Azərbaycanın ayıca (Lepidoptera, Arctiidae) kəpənəkləri (dissertasiya). Bakı: 2005.