Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinGürsel Qüdrət oğlu İsmayılzadə (15 yanvar 1971, Bakı) — Azərbaycan diplomatı, Azərbaycan Respublikasının Yaponiyada fövqəladə və səlahiyyətli səfiri (2011–2019, 2020–2025).
| Gürsel İsmayılzadə | |
|---|---|
 | |
| 12 mart 2020 – 27 oktyabr 2025 | |
| Sonrakı | Fərid Talıbov |
| 16 avqust 2011 – 15 yanvar 2019 | |
| Əvvəlki | Azər Hüseyn |
| Şəxsi məlumatlar | |
| Doğum tarixi | 15 yanvar 1971 (54 yaş) |
| Doğum yeri | |
| Təhsili |
|
| Fəaliyyəti | diplomat |
| Atası | Qüdrət İsmayılzadə |
| Təltifləri |
 |
 Vikianbarda əlaqəli mediafayllar | |
Gürsel Qüdrət oğlu İsmayılzadə 15 yanvar 1971-ci ildə Bakı şəhərində anadan olub. Bakıda fars dili təmayüllü 62 saylı məktəbi gümüş medalla bitirib. 1992-ci ildə BDU Şərqşünaslıq fakültəsi ərəb mütərcimləri bölməsindən məzun olub.
1992–1993-cü illərdə AMEA Şərqşünaslıq İnstitutunda çalışıb. 1993-cü ildən Xarici İşlər Nazirliyinin Dövlət Protokolu İdarəsinə III katib vəzifəsinə qəbul edilib.
1996-cı ildən XİN-dən Yaponiya Təhsil Nazirliyinin dəvəti və təqaüdü ilə Yaponiyaya təhsil almağa ezam edilib, Tokionun Cyoçi Universitetinin Beynəlxalq əlaqələr fakültəsinə tədqiqatçı kimi daxil olub. 2000-ci ildə Cyoçi Universitetinin Beynəlxalq əlaqələr fakültəsinin doktorluq proqramına (Ph. D.) daxil olub, 2004-cü ildə Beynəlxalq Əlaqələr üzrə fəlsəfə doktoru elmi dərəcəsi alıb.
2005-ci ildə Yaponiyadakı səfirliyimizdə birinci katib, 2006-cı ildə Səfirliyin müşaviri vəzifəsinə təyin edilib.
2010–201111-ci illərdə Xarici İşlər Nazirliyi İkinci (Şərq) Ərazi İdarəsinin müşaviri, nazirin katibliyinin müdiri və nazirin köməkçisi vəzifələrində çalışıb.
16 avqust 2011-ci ildə Azərbaycan Respublikası Prezidentinin Sərəncamı ilə Azərbaycan Respublikasının Yaponiyada fövqəladə və səlahiyyətli səfiri təyin edilib[1] və 15 yanvar 2019-cu ildə həmin vəzifədən geri çağırılıb.[2]
12 mart 2020-ci ildə yenidən Azərbaycan Respublikasının Yaponiyada Yaponiyada fövqəladə və səlahiyyətli səfiri təyin edilib[3] və 27 oktyabr 2025-ci ilədək həmin vəzifədə çalışmışdır.[4]
9 iyul 2019-cu ildə 3-cü dərəcəli "Vətənə xidmətə görə" ordeni ilə təltif edilmişdir.[5]
İngilis, yapon, rus, ərəb dillərini bilir. Evlidir, bir övladı var.
Atası alim, arxeoloq Qüdrət İsmayılzadə tarix elmləri doktoru, professor, BDU Tarix fakültəsinin Arxeologiya və Etnoqrafiya kafedrasının müdiri olmuşdur.
- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 14 avqust 2023 tarixində arxivləşdirilib. İstifadə tarixi: 14 avqust 2023.
- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı". 14 avqust 2023 tarixində arxivləşdirilib. İstifadə tarixi: 14 avqust 2023.
- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 14 avqust 2023 tarixində arxivləşdirilib. İstifadə tarixi: 14 avqust 2023.
- ↑ "G.Q.İsmayılzadənin Azərbaycan Respublikasının Yaponiyada fövqəladə və səlahiyyətli səfiri vəzifəsindən geri çağırılması haqqında Azərbaycan Respublikası Prezidentinin Sərəncamı". İstifadə tarixi: 27 oktyabr 2025.
- ↑ "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 14 avqust 2023 tarixində arxivləşdirilib. İstifadə tarixi: 14 avqust 2023.
- Gursel Ismayilzada and Hasan Murat Mercan: Press Conference — YouTube — Qarabağ müharibələrinə cavab olaraq Tokioda mətbuat konfransı 23.10.2020